لأصحاب البشرة الفاتحة .. ازاى تختارى المكياج صح ؟!

آية حسان
آية حسان
في
مكياج
2494

انك تعرفى ازاى تختارى المكياج صح مش حاجة سهلة، ويمكن معظمنا طول الوقت بنحاول نعرف و نتعلم ازاى نحط المكياج و ده بيبقى تحدى اكبر خصوصا لو كنتى من اصحاب البشرة الفاتحة، وعلشان نخلى الموضوع اسهل عليكى ، المقال  ده مخصوص لأصحاب البشرة الفاتحة .. اعرفى ازاى تختارى المكياج صح .

لأصحاب البشرة الفاتحة .. ازاى تختارى المكياج صح ؟!   

لما بتبقى من اصحاب البشرة الفاتحة اقل وابسط لون بتحطيه على  بشرتك بيبقى باين وظاهر علشان كده غلطة انك تحطى لون غلط او مش مناسب بتبقى مشكلة كبيرة، وعلشان تعرفى ايه هى الالوان الصح اللى لازم تستخدميها يبقى لازم اول حاجة تعرفيها هى انك تعرفى ايه هى الـ Undertones بتاعتك وازاى تحدديها و تفهميها، خلينا نشوف مع بعض ..

1- اعرفى الـ undertones  بتاعتك صح .. 

اول حاجة لازم نعرفها قبل ما تعرفى ازاى تختارى المكياج صح لو كنتى من اصحاب البشرة الفاتحة او الـ fair skin هى انك لازم تعرفى طبيعة بشرتك و ايه هى الـ undertones  الخاصة بيكى، خلينا نعرف مع بعض اكتر من طريقة تحددى بيها ده و تساعدك تفهمى طبيعة بشرتك كويس..

فى الاول، خلينا نعرف ايه هى الدرجات اللى بتليق على كل undertone  سواء كان cool أو warm  او neutral :

Cool: البينك – الاحمر – درجات الازرق.

Warm: الاصفر – المشمشي – درجات الدهبى . 

Neutral: الدرجات المتوازنة بين الـ cool و الـ warm .

2- The White vs. Cream Test:

الاختبار ده هيساعدك تحددى نوع بشرتك ، هتجيبي قطعتين قماش واحدة بلون ابيض و التانية بلون اوف وايت off white ، و تقربى القطعتين من وشك من غير ما تبقى حاطه اى مكياج، و لاحظى و قررى اى لون ماشي مع لون بشرتك الطبيعي اكتر ؟ لو كان اللون الابيض يبقى انتى بشرتك بيمشي معاها الـ  warm undertones ، لكن لو اللون الكريمى او الاوف وايت هو اللى لايق على بشرتك اكتر لانه الابيض بيغمقك او بتحسي انه مش مناسب يبقى انتى من اصحاب الـ cool undertones و لو الاتنين مناسبين معاكى يبقى انتى من اصحاب الـ neutral undertones. 

the white vs 1

3- The Vein Test:

بصى على العروق اللى فى ايديكى، لو كانت لونها اخضر يبقى انتى من اصحاب الـ warm undertones ، لو زرقاء يبقى انتى من اصحاب الـ  cool undertones ، ولو لاحظتى انه عروقك موجود فيها اللونين او مثلا ازرق مخضر يبقى انتى يناسبك الـ neutral undertones.

the vein test

4- The Jewelry Test: 

لو كانت الاكسسوارات الدهب شكلها احلى على بشرتك يبقى انتى من أصحاب الـ warm undertones ، اما لو كانت الفضة بتليق عليىكى اكتر وبتحسي شكلها احلى يبقى انتى بشرتك cool  . 

the jewellry test 1

5- اختارى لون الـ blush صح :

حاجة تانية لازم تعرفيها علشان تقدرى تعرفى  ازاى تختارى المكياج صح لما بتكونى من اصحاب البشرة الفاتحة هى انك تختارى لون البلاش صح، لانه بيبقى اى لون واضح و باين اوى على بشرتك الفاتحة ، علشان كده الاوان البلاشر المثالية بالنسبة لك هى البينك الفاتح، الخوخى، والبينك المحمر، اما اصحاب الـ warm skin tones يبقى الانسب ليهم هى درجات الخوخى و البينك المحمر، و اصحاب الـ  cool tones هيبقى شكلهم مثالى مع درجات الـ rosy pink و درجات الموف الفاتحة. 

 6- درجات الـ eye shadow  :

كلنا عارفين انه درجات الـ eye shadow الغامقة اوى خصوصا لو غير مناسبة للون بشرتك بتبان وكأنها كدمات وبيبقى شكلها مش لطيف ابدا ، و الألوان الطبيعية بزيادة او الـ Neutral لدرجة انها مش باينة من لون بشرتك هتندمج مع بشرتك بسرعة ومش هتبان . فلو كنتى من أصحاب الـ warm undertones يبقى الافضل ليكى هو انك تستخدمى الالوان البرونزية او الـ earthy colors ، اما لو كنتى من اصحاب الـ cool undertones فدرجات الـجراى او الـ jewel tones او اللى بنسميها الـ metallic shades هى المثالية بالنسبة لك. ولو بتدورى على eye shadow تناسبك مهما كان الـ skin tone الخاص بيكى ، يبقى بننصحك تجربى Urban Decay Naked2 Eyeshadow Palette .

7 – الـ lipstick colors  : 

على العكس من الاعتقاد الشائع انه اصحاب البشرة الفاتحة لما نيجى لألوان الروج او الـ lip stick يبقى  ليهم الوان قليلة تتعد، الحقيقة انه اصحاب البشرة الفاتحة عندهم ميزة مش موجودة كتير عند غيرهم وهى انهم يقدروا يستخدموا كل الالوان من الدرجات الخفيفة اللى نحس انها مش موجودة لحد الالوان التقيلة و الجريئة، ولو حبيتى تستخدمى لون Nude  يبقى دورى على الالوان اللى بيبقى فيها لمسة من اللون البينك او الخوخى. 

شوفى معانا كمان instagram vs real life : التحدى ده هيخليكى ترجعى تثقى فى طريقة وضع الماكياج بتاعتك من جديد

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي

اعرفي إزاي تعملي مكياج الشفايف زي المحترفين بخطوات بسيطة وسهلة

اعرفي إزاي تعملي مكياج الشفايف زي المحترفين بخطوات بسيطة وسهلة