اكلات ممكن تاكلي منها اي كمية من غير ما وزنك يزيد

ريهام محمود
ريهام محمود
14446

اكيد واحنا ماشيين على نظام رجيم او اي نظام غذائي بنمنع نفسنا من انواع اكل كتير جدا, لكن الخبر الحلو ان مش كل انواع الاكل ممكن تتخن في اكلات بتكون غنية بالالياف ومنخفضة السعرات الحرارية ومش بتسبب زيادة في الوزن, وده اللي هنعرفه النهاردة مع بعض هنقول لكل بنات حوا اكلات مش بتسبب زيادة في الوزن لو اكلتي منها اي كمية, لكن مع ذلك بردو لازم تتأكدي انك ماشية على نظام غذائي متوازن.

اكلات مش بتسبب زيادة في الوزن:

1- الفشار:

الفشار لو عملتيه من غير زبدة ولا سكر بس مع شوية ملح صغيرين, تقدري تاكليه بالطريقة دي من غير خوف انه ممكن يزود وزنك, وكوباية الفشار بتحتوي تقريبا على 31 سعر حراري بس.

اكلات مش بتسبب زيادة في الوزن 1
اكلات مش بتسبب زيادة في الوزن 1

2- الكرفس:

الكرفس بيتكون من 95% مية, وده بيساعد على التخلص من الوزن الزايد وازالة السموم من الجسم, لانه ليه تأثير مدر للبول وده بيساعد على تنضيف الجسم.

اكلات مش بتسبب زيادة في الوزن 2
اكلات مش بتسبب زيادة في الوزن 2

3- الباذنجان:

الباذنجان المشوي او المخبوز في الفرن من غير زيت بيحتوي على 24 سعرة حرارية بس, يعني تقدري تاكلي منه من غير خوف او قلق من زيادة في الوزن.

اكلات مش بتسبب زيادة في الوزن 3
اكلات مش بتسبب زيادة في الوزن 3

4- البرتقان, الجريب فروت, اليوسفي:

اكيد في اي نظام غذائي غالبا بننصح بالتقليل من اكل الفاكهة بكميات كبيرة لو عايزة تفقدي وزن, لكن الفاكهة الحمضية تعتبر استثناء لانها غنية بالالياف, والفلافونويدات, وفيتامين C , اللي بتساعد على الهضم وبتحسن وظايف الكبد والجلد وبتأثر بشكل ايجابي على الصحة بشكل عام.

اكلات مش بتسبب زيادة في الوزن 4
اكلات مش بتسبب زيادة في الوزن 4

5- البطيخ, الشمام:

كل شريحة من البطيخ او الشمام بتحتوي على من 60 – 70 سعرة حرارية, تقدري تاكلي منها اي وقت في اليوم يوميا من غير خوف من زيادة الوزن, والفواكه دي بتساعد على التخلص من السوائل الزيادة في الجسم, وبتحسسك بالشبع.

اكلات مش بتسبب زيادة في الوزن 5
اكلات مش بتسبب زيادة في الوزن 5

6- الكوسة:

نص ثمرة الكوسة تقريبا بتحتوي على 42 سعرة حرارية, والكوسة بتساعد على تظبيط نسبة المية المالحة في الجسم وبيخليها في مستواها الطبيعي, بتحسن وظيفة الامعاء.

اكلات مش بتسبب زيادة في الوزن 6
اكلات مش بتسبب زيادة في الوزن 6

7- الخيار:

الخيار يعتبر من انواع الخضروات اللي مافيش غنا عنها لاي حد عايز يفقد وزن, لانه بيساعد على مكافحة تورم الجسم واحتباس المية من غير ما يسبب اي ضرر.

اكلات مش بتسبب زيادة في الوزن 7
اكلات مش بتسبب زيادة في الوزن 7

8- البنجر :الشمندر”:

البنجر يعتبر مصدر للمغذيات زي المنجنيز اللي بيساعد على حرق الدهون, وتكوين العضلات, وتنظيم السكر في الدم, وتقريبا نص ثمرة البنجر فيها 40 سعرة حرارية.

اكلات مش بتسبب زيادة في الوزن 8
اكلات مش بتسبب زيادة في الوزن 8

9- البيض:

البيض من الاكلات اللي ممكن تاكلي منها اي وقت بالليل او الصبح من غير زيادة وزن لكن اكيد المسلوق افضل من المقلي عشان بيكون خالي من اي دهون.

اكلات مش بتسبب زيادة في الوزن 9
اكلات مش بتسبب زيادة في الوزن 9

10- الاناناس:

الاناناس تعتبر افضل صديق للي عايزين ينقصوا وزنهم, لانه بيحتوي على مادة البروميلين اللي بتساعد على تقسيم او تفتيت الدهون بشكل فعال, وبيساعد على استقلاب البروتين وده بيحصل لما بيتم توفير البروتين للجسم باستمرار فبتحصل عملية استقلاب البروتين الاضافي من الجسم وده بيتطلب طاقة زيادة وبالتالي ده بيخلص الجسم من اي سعرات حرارية زيادة.

اكلات مش بتسبب زيادة في الوزن 10
اكلات مش بتسبب زيادة في الوزن 10

11- التفاح والخوخ:

التفاحة الواحدة بتحتوي تقريبا على 50 سعرة حرارية بس وفي نفس الوقت بتساعد على الاحساس بالشبع وبتنظم عملية الهضم, البرقوق غني بفيتامين C وبعنصر البوتاسيوم اللي بيحافظ على صحة القلب والاوعية الدموية.

اكلات مش بتسبب زيادة في الوزن 11
اكلات مش بتسبب زيادة في الوزن 11

12- السلطة:

السلطة الخضرا مصدر غني جدا بحمض الفوليك, وممكن تاكلي منها اي كمية من غير اي زيادة في الوزن, ورقة واحدة من الخس تقريبا فيها 3 سعرات حرارية بس.

اكلات مش بتسبب زيادة في الوزن 12
اكلات مش بتسبب زيادة في الوزن 12

13- التوت, التوت البري, الفراولة:

التوت والتوت البري غني بفيتامين C وكل الانواع اللي احنا قولناها مدره للبول وبالتالي بتساعد على التخلص من المية الزيادة في الجسم, الفراولة مغذية جدا وبتساعد على الهضم, وبتحسن القلب والاوعية الدموية.

اكلات مش بتسبب زيادة في الوزن 13
اكلات مش بتسبب زيادة في الوزن 13

14- الكرنب “الملفوف”, البروكلي, القرنبيط:

انواع الخضار دي هي الاكلات الصديقة ليكي لمكافحة الوزن الزايد, جزء من الكرنب او الملفوف بيحتوي على 7 سعرة حرارية بس.

اكلات مش بتسبب زيادة في الوزن 14
اكلات مش بتسبب زيادة في الوزن 14

– نصيحة مهمة:

لو عايزة تحافظي على وزنك مثالي على طول وميزدش, يبقى لازم يكون العشا قبل النوم من 3 – 4 ساعات, لو هتنامي 11 بالليل يبقى تتعشي الساعة 7 بالليل وهكذا, يعني احسبي انتي هتنامي الساعة كام وكلي قبلها بفترة كافية.

اكلات مش بتسبب زيادة في الوزن 15
اكلات مش بتسبب زيادة في الوزن 15

6 تمارين هتساعدك تتخلصي من السيلوليت في اسبوعين بس

تمارين للتخلص من السيلوليت
تمارين للتخلص من السيلوليت

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن