3 أسباب ليه انتى محتاجة قصة شعر جديدة a new hair cut ؟!

آية حسان
آية حسان
في
شعر
1989

واحد من الحاجات المهمة و اللى لازم تهتمى بيها بعد بشرتك وجمال الوجه هو الشعر، لانه اساسي فى انه جمالك يظهر ويبان، لانه الشعر مهم جدا و ممكن تبقى عاملة مكياج و لوك ماحصلش و يبوظ كل ده بسبب انه تسريحة او ستايل شعرك مش مناسب! ولأنه الصيف هو موسم الـ new looks  و التجديد كله، فى المقال ده بنات حوا مش بس هتقولك على 3 أسباب ليه انتى محتاجة قصة شعر جديدة a new hair cut لكن كمان هتقنعك بيهم، خلينا نعرفهم مع بعض ..

3 أسباب ليه انتى محتاجة قصة شعر جديدة a new hair cut ؟! 

ساعات بيبقى فى ايام تحسي فيها انه شعرك حلو وشكله صحى وحالته كويسة من غير ما تعملى اى مجهود ، او اللى بنسميها good hair days . واوقات تانية مهما تعملى كريمات و حمامات كريم وعلاجات تحسي انه شعرك برده باين مجهد وتعبان و بتبقى bad hair days بجد :/  على الاغلب كل اللى انتى محتاجاه علشان تتخلصى من المشكلة دى خالص من غير ما تضطرى تغيرى حاجات تانية فى ستايل لبسك او مكياجك  هو انك بس تغيرى ستايل شعرك لانه مع ستايلات الشعر المختلفة واللى ممكن تختارى منها هتقدرى تبقى مستعدة لكل يوم بثقة اعلى .

 ليه محتاجة التغيير ؟ 

لانه احيانا حتى قصة شعر جديدة بتبقى هى كل التغيير اللى انتى محتاجاه، و تخلى شكلك يبقى fresh ومختلف زى ما تكونى عامله complete makeover ! و لو صبغتى شعرك كمان تبقى بتكملى التجديد بتاعك وبتبرزى قصة شعرك الجديدة اكتر ، كمان التغيير فى قصة شعرك ممكن يشتت الانتباه عن اى عيوب تانية ممكن تكون موجودة زى لو بتعانى من الـ double chin  او الـ wide face  ده غير انه التغيير ده كمان هيغير مودك للاحسن ويخلصك من الاحساس بأى زهق او ملل . خلينا نعرف مع بعض اكتر .. 

1- علشان تتخلصى من اللوك القديم اللى بقاله سنين ! 

فى دراسة اتعملت فى امريكا بتقول انه فى المتوسط الست بتحتاج قصة شعر جديدة 104 مرة فى حياتها ! و فى بريطانيا الست بتغير لون شعرها 3 مرات وبتجرب على الاقل قصتين شعر جداد فى السنة كمحاولات للتخلص من اللوك القديم و التجديد فى الشكل والمود دايما. طبعا احنا مش بنقول انك محتاجة تغيرى شعرك العدد الكبير جدا ده من المرات، لكن على الاقل بالمرات الكافية لانك تعملى نيو لوك من وقت للتانى تجددى بيه من حيويتك وشبابك وطبعا بالستايل اللى تحبيه ويناسبك. 

f2b3cb7be69e3e52c0fcde23358976b2

2- الـ makeover هيعزز من ثقتك فى نفسك : 

وده بيعتبر اهم سبب من الـ 3 أسباب اللى بنعرضهم عليكى فى المقال ده، دايما التغيير فى اللوك او فى الشكل بيساعد على انك تتخطى اى فترة  صعبة فى حياتك ومفيش شك انه الشكل له دور فى ثقتنا بنفسنا خصوصا لو كان شكلك وشخصيتك بيأثروا على نتيجة شغلك لو شغلك بيفرض عليك التعامل مع الناس من مختلف الانواع زى وظيفة خدمة العملاء او العلاقات العامة مثلا ، فى الحالة دى اللوك بتاعك بيعتبر اساسي ومهم، و اما نيجى لتعزيز ثقتنا فى نفسنا من ناحية الشكل يبقى مفيش افضل من قصة شعر جديدة . لأنك لما بتسمعى مجاملات زى ” لون الشعر ده يجنن عليكى” او ” قصة الشعر دى مخلياكى احلى و اصغر ” اكيد هتتبسطى وتحسى انك جميلة ومحبوبة، لكن برده خليكى فاكرة دايما انك جميلة ومحبوبة فى كل حالاتك . 

new bob hairstyles 20161242410

تغيير شكلك هيساعدك تتخطى اى حاجة مضايقاكى : 

أهم سبب يخليكى تتجرأى و تغيرى ستايل شعرك هو انه قصة الشعر الجديدة هتخليكى تعيدى اكتشاف نفسك وهتخليكى تجربى looks  و styles جديدة ودى فرصة تخليكى تثقى بنفسك أكتر و ترجعى تانى تجربى من غير ما تخافى من النتيجة، خصوصا لو بتحاولى تتخطى تجربة فاشلة او صدمة كبيرة فى حياتك . عادة لما الستات او البنات بيعدوا بفترة صعبة زى انهم ينفصلوا عن الشخص المرتبطين بيه او يخسروا وظيفتهم او حد عزيز عليهم بيدوروا على حاجة تغير المود و تخرجهم من الحالة الحزينة اللى هما فيها ، وقصة شعر جديدة بتقدر بكل تأكيد انها تديكى الثقة و الراحة اللى انتى محتاجاها و تخليكى تحسي انك مميزة بطريقتك الخاصة و فى النهاية تغيير شكلك او ستايلك هيساعدك تتخطى اى حاجة مضايقاكى

3- هتبانى اصغر من سنك الحقيقي : 

ودى حاجة مفيش ست على الكوكب كله بتعترض عليها، تغيير قصة شعرك من غير شك هيخليكى تبانى اصغر من سنك الحقيقي وده هو السبب اللى بيخلى النجمات كلهم بيغيروا قصة شعرهم من وقت للتانى وبصفة مستمرة ، يعنى مثلا لو كنتى من أصحاب الجبهات العريضة قصة شعر بتعتمد على القٌصة الطويلة او متوسطة الطول هتحل المشكلة دى خالص و هتدارى الجبهة و بالتالى وشك هيبان  حجمه اصغر فهتبانى سنك اقل. 

1

شوفى معانا كمان 7 افكار الوان صبغة للشعر الطويل من Instagram 

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة طبيعية لتغطية الشعر الابيض بشكل فعال

طريقة طبيعية لتغطية الشعر الابيض بشكل فعال

قصات الشعر التريندي لموسم شتاء 2024

قصات الشعر التريندي لموسم شتاء 2024