6 تمارين هتساعدك تتخلصي من السيلوليت في اسبوعين بس

ريهام محمود
ريهام محمود
9107

السيلوليت من المشاكل اللي بيعاني منها كتير من البنات وبيكون فيها الجلد شبه قشرة البرتقان, وبتحصل لما الجسم بيكون فيه كمية دهون اكتر من العضلات فبيظهر السيلوليت, والنهاردة جايبين لبنات حوا تمارين للتخلص من السيلوليت وشد العضلات, وكمان التخلص من دهون الفخدين والارداف.

تمارين للتخلص من السيلوليت:

1- التمرين الاول:

نامي على جنبك اليمين, واسندي الذراع على الارض, ارفعي الرجل الشمال من 4 – 12 بوصة عن الارض يعني الارتفاع زي ما هو باين في الصورة كده, واثبتي على الوضع ده لمدة 5 ثواني, وبعدين نزلي الرجل ببطء, كرري التمرين مع الرجل اليمين.

كرري التمرين على مجموعتين, و12 مرة لكل جنب, يعني اعملي 12 مرة وارتاحي دقايق وارجعي اعملي 12 مرة كمان.

تمارين للتخلص من السيلوليت 1
تمارين للتخلص من السيلوليت 1

2- التمرين التاني:

اسندي بايدك الاتنين على الارض, وخدي نفس الوضع زي ما بتعملي تمرين البوش اب, اتني الرجل اليمين لحد ما توصل ركبتك لمعدتك, وبعدين افرديها وارفعيها على ورا من 5 – 8 بوصات عن الارض, كرري نفس الحركة مع الرجل الشمال.

كرري التمرين على 3 مجموعات, 8 مرات لكل رجل.

تمارين للتخلص من السيلوليت 2
تمارين للتخلص من السيلوليت 2

3- التمرين التالت:

امسكي الدامبلز بايديكي الاتنين “ولو مش متوفر دامبلز ممكن تستخدموا ازازة مية صغيرة مليانة”, افتحي القدمين وخليهم بعرض الكتفين, خدي شهيق وابدأي انزلي ببطء واتني الركبتين, وافضلي انزلي لحد ما الوركين يبقوا موازيين للارض, وبعدين ابدأي اطلعي مع الزفير.

كرري التمرين 3 مجموعات, 20 مرة.

تمارين للتخلص من السيلوليت 3
تمارين للتخلص من السيلوليت 3

4- التمرين الرابع:

امسكي دامبل في كل ايد, اقفي مستقيمة والقدمين بعرض الكتفين, ابدأي انحني بالجذع لقدام ببطء وحافظي على ضهرك مستقيم في نفس الوقت, وخلي ايدك لتحت, وانحني لقدام على قد ما تقدري, وبعدين ارجعي تدريجيا للوضع الاول.

كرري التمرين 5 مجموعات, 12 مرة.

تمارين للتخلص من السيلوليت 4
تمارين للتخلص من السيلوليت 4

5- التمرين الخامس:

انزلي على الارض واسندي بركبك وايديكي وحافظي على الذراعين جنب بعض في نفس مستوى الكتفين, ابدأي ببطء ارفعي رجلك وحافظي على ضهرك مستقيم, ارفعي الرجل لاعلى مستوى تقدري عليه, اثبتي على الوضع ده لمدة ثواني, وبعدين ارجعي للوضع الاول, كرري التمرين بالتبادل بين الرجل اليمين والشمال.

كرري التمرين على مجموعتين, 15 مرة لكل رجل.

تمارين للتخلص من السيلوليت 5
تمارين للتخلص من السيلوليت 5

6- التمرين السادس:

اقفي وافتحي الساقين اوسع شوية من الكتفين, اتني الركبتين وحطي ايدك ورا راسك, وبعدين نطي لفوق بقوة مع فرد الركبتين والذراعين.

كرري التمرين مجموعتين, 20 مرة.

تمارين للتخلص من السيلوليت 6
تمارين للتخلص من السيلوليت 6

– لافضل النتايج اعملي التمارين بالجدول الزمني ده:

يومين ورا بعض وبعدين يوم استراحة وبعدين يومين كمان وهكذا, لمدة اسبوعين.

تمارين للتخلص من السيلوليت 7
تمارين للتخلص من السيلوليت 7

3 طرق لتخسيس الوزن من غير حرمان من الاكل ولا تمارين

طرق لتخسيس الوزن بسهولة
طرق لتخسيس الوزن بسهولة

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن