10 أفكار مختلفة ازاى تلبسى البنطلون القصير فوق الكعب او الـ Ankle Pants

آية حسان
آية حسان
3986

الـ Ankle Pants او الـ Ankle length  Pants  او البنطلونات اللى بيوصل طولها لحد كعب الرجلمن خامة الليكرا تحديدا بلون اساسي و جرئ بتعتبر هى الموضة دلوقتى او الستايل الـ trendy  فى موضة البنطلونات لصيف 2017 ، وعلشان تبقى دايما جاهزة و ستايلك جديد و updated  فى حاجة مهمة لازم تعرفيها اكتر من انك تعرفى ايه هو الجديد فى الموضة، الاهم هو انك تعرفى ازاى تلبسيه صح!

علشان كده فى المقال ده بنات حوا هتعرفك على 10 أفكار مختلفة ازاى تلبسى البنطلون القصير فوق  الكعب او الـ Ankle Pants . 

10 أفكار مختلفة ازاى تلبسى البنطلون القصير فوق الكعب او الـ Ankle Pants 

الـ Ankle Pants بتعتبر مشكلة بتواجه البنات الطويلة تحديدا ، لانهم مابيبقوش متأكدين اذا كانت الـ cut  بتاعت البنطلون بنهايته الرفيعه و الضيقة بتبينهم اطول من اللازم ولا لا ، لكن الخبر الحلو بخصوص النوع ده من البنطلونات هى انها بتعتبر عمليه و بتتماشي مع اى شكل جسم او body type ، فبالنسبة للبنات متوسطة الطول او القصيرة البنطلون ده هيخليهم يبانوا اطول، اما بالنسبة للبنات الطويلة فقصة البنطلون القصيرة نوعا ما هتخلى طولهم متوازن و حلو من غير مايكون مبالغ فيه ، ولو عرفتى تلبسيهم صح هيخلوكى تبانى رشيقة وجسمك متناسق بنسبة كبيرة. خلينا نشوف مع بعض ازاى ممكن تلبسيه ..

1 5

 1- High Waisted Cropped Pants : 

فى اللوك ده اختارنا بنطلون برجلين straight و slim باللون الفوشيا بخصر او وسط مرتفع يوصل لحد البطن مع Top ابيض من الكريب . لو كنتى طويلة او متوسطة الطول يبقى مع اللوك ده ممن تلبسي بلارينا فلات بلون نيود زى البيج او الدهبى وشنطة مناسبة.

high waisted cropped pants

2- Formal Cropped Pants : 

اللوك ده بيعتبر مثالى للمكتب واوقات الشغل، بنطلون بلون جراى مع توب احمر بأكمام قصيرة وصدر مموج ، الفكرة الاساسية فى اللوك ده هى انك تعملى mix بين اللوك الـ formal  والـ semi- formal ، اختارى heels بلون اسود مع الـ Outfit ده من ستايل الـ stiletto heels علشان تعملى serious fashion statement.

formal cropped pants

3- Ankle Length Jeans Or Capri : 

من غير شك الستايل ده من الـ Ankle Pants هو المنتشر و اللى بنشوفه بيتلبس اكتر، من البنات فى سن المراهقة لحد الستات الكبار فى السن. وده لانهم مريحين و عمليين بنسبة كبيرة و بيتلبسوا على tops بستايلات كتيرة ومختلفة و مناسبين للبس اثناء السفر او الشوبنج و لو لبستيهم صح ممكن ببساطة تعملى fashion statement ! فى اللوك ده اختارنا بنطلون بستايل الـ capri مع كارديجان من الكشمير و سويتر برقبة على ستايل الـ rhinestone لو هتلبسيه فى الشتاء، ما فى الصيف البسي مع البنطلون top من الشيفون او القطن وهتعملى لوك عملى و شيك جدا .  

ankle length jeans or capri

4- Party Pants : 

الـ ankle pants موجودة كمان فى السواريهات ! ممكن تلبسي shimmering ankle pants مع top بلون سادة و شوز مناسب واعملى لوك سواريه مميز و مختلف ! 

party pants

5- Printed Pants : 

واحده من الستايلات الشيك جدا و اللى موجودة معانا بقوة فى موضة الصيف ده هى الـ printed pants او البنطلونات المنقوشة، ممكن تلبسيها لو كنتى خارجة مع صحباتك او حتى رايحة اجتماع رسمى ،  ببساطة البسي بنطلون منقوش من موضة الـ ankle pants مع شوز بخيوط او ankle strap heels  وتوب بلون مناسب وكده بقيتى جاهزة, 

printed pants

6- Straight Fit Pants : 

 البنطلون ده صحيح طوله بيوصل لحد كعب الرجل بس ، لكن بعكس معظم ستايلات البنطلونات دى اللى بتبقى رجليها  slimضيقة من تحت ، البنطلون ده رجليه واسعه بنسبة كبيرة و كمان بوسط مرتفع بستايل بيشبه شوية ستايلات السبعينات و التمانينيات، البسيها مع top من الدانتيل او الشيفون و شوز ارضى ومريح

straight fit pants

7- Baggy Ankle Length Pants : 

البنطلون ده واسع و هيخلى الهوا يدخل لرجلك و يحسسك بالراحة بسبب الستايل الـ baggy مع توب واسع بفتحة صدر صغيرة على شكل V  مناسب جدا لخروجاتك بالنهار او لخروجاتك مع صحباتك ، بس لازم تاخدى بالك من انه الـ sneakers ممكن تبوظ اللوك ده ، فالأنسب انك تلبسيها مع loafer shoes و الاكسسوارات المناسبة من اختيارك. 

baggy ankle length pants

8- Leather Ankle Length Pants : 

بنطلون من الجلد بيعتبر trendy ، هيقى مناسب جدا مع توب من الجينز او denim jeans  علشان تعملى لوك كاجوال مع شنطة من الجلد بلون جملى او بنى وشوز بكعب عالى.

leather ankle length pants

9- Distressed Ankle Length Jeans : 

جينز بقطع صغير من عند الركبة علشان تعملى لوك بيشبه الـ street style  ، وبيعتبر اختيار مريح جدا لأى يوم. البسيه باللون الاسود مع توب من نفس اللون و اكسسوارات ملونة . 

distressed ankle length jeans

10- Bossy Ankle Pants Style : 

آخر ستايل معانا هو الـ bossy ankle pants style ممكن تلبسيه مع بلايزر وحزام مع قميص ابيض عادى او ruffled و شوز بكعب عالى علشان تعملى لوك فورمال.

bossy ankle pants style

اعرفى معانا كمان دليلك لاختيار البنطلون الجينز المناسب لشكل جسمك 

مقالات متعلقه

ازاي تجددي ستايلك في 2023 ، اعرفي القطع التريندي للسنة دي

ازاي تجددي ستايلك في 2023 ، اعرفي القطع التريندي للسنة دي

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي