3 طرق لتخسيس الوزن من غير حرمان من الاكل ولا تمارين!

بقلمريهام محمود فيتخسيس الوزن visibility2422

تخسيس الوزن غالبا بيكون مرتبط عندنا كلنا بالحرمان من الاكل او التمارين الرياضية اللي ممكن تساعدنا على التخسيس, واحنا النهاردة زي ما عودنا بنات حوا دايما اننا بنجيب لكم كل الطرق اللي ممكن تكون سهلة وبسيطة, هنقولكم من خلال موضوعنا على طرق لتخسيس الوزن بسهولة من غير حرمان من الاكل او تمارين.

طرق لتخسيس الوزن بسهولة:

1- التنفس:

القاعدة الاساسية في التنفس عشان تجيب نتيجة هو انك تتنفسي او تاخدي الشهيق والزفير من المعدة مش من الصدر, طريقة التنفس دي بتساعد جدا على تنحيف الوسط, وبتقسم عضلات البطن وبتقويها.

طرق لتخسيس الوزن بسهولة
طرق لتخسيس الوزن بسهولة

ممكن تشوفوا طريقة التنفس الصحيحة في الفيديو:

2- الشاور بمية باردة وسخنة:

استخدام طريقة المية الباردة والسخنة من الطرق اللي بتساعد على تخسيس الوزن ومش بس كده كمان ممكن تحميكي من بعض الامراض زي عدم انتظام ضربات القلب, السمنة, الخلل في الاوعية الدموية, ارتفاع ضغط الدم, السيلوليت.

الطريقة ببساطة بعد ما تاخدي الشاور بتاعك , خلي المية سخنة على درجة حرارة 40 درجة مئوية لمدة من 3 – 4 دقايق, وبعدين قللي حرارة المية وخليها باردة على درجة حرارة من 22 – 25 درجة مئوية وخليكي تحتها لمدة من 40 ثانية لدقيقة, كرريها من 3 – 5 مرات, وانهي مع الشاور البارد عشان تمنع توسع الاوعية الدموية لفترة طويلة.

والطريقة دي كمان تعتبر علاج كويس جدا للشيخوخة وتجاعيد البشرة, ضعف الدورة الدموية, ضعف نظام المناعة, نزلات البرد المزمن والانفلونزا.

– نصايح عند استخدام طريقة الشاور:

– لو انتي حساسة من المية السخنة او الباردة ممكن تبدأي بمية دافية وبعدين باردة لحد ما جسمك يتعود.

– ممكن كمان تتجنبي تبادل المية السخنة والباردة على الراس, يعني خلي المية تنزل على جسمك بس, لان ده عند بعض الناس بيخليهم يتحملوا درجات حرارة اعلى.

– ممكن تعدلي في وقت المية السخنة والباردة حسب تحملك وراحتك, ولكن دايما حافظي على نسبة السخنة للباردة 1:3 يعني وقت المية السخنة يكون اكتر من الباردة تلات مرات, وكمان متستخدميش المية الباردة اكتر من دقيقة.

– موانع استخدام طريقة الشاور:

متستخدميهاش لو بتعاني من اي مرض زي الصرع, مشاكل القلب والاوعية والدموية, الضعف الشديد, فقدان الاحساس, امراض الكلى المتقدمة, ومع الحمل, او تكوني لسه واكلة وجبة الافضل انك متكونيش واكلة قبلها بفترة.

طرق لتخسيس الوزن بسهولة
طرق لتخسيس الوزن بسهولة

3- المساج:

من افضل انواع المساج لمحاربة الدهون الزيادة هي الحجامة, المية, العسل, بتساعد على التخلص من الدهون, وتحسين الدورة الدموية في الجزء الامامي من البطن, تحسين حركة الامعاء, وطريقة المساج تقدري تعمليها في مراكز متخصصة, او تعمليها بنفسك في البيت.

طرق لتخسيس الوزن بسهولة
طرق لتخسيس الوزن بسهولة

ممكن تشوفوا في الفيديو طريقة المساج للتخلص من دهون البطن:

11 طريقة للتخلص من انتفاخ البطن من غير تمارين

طرق للتخلص من انتفاخ البطن