افضل 20 لوك من موضة تسريحات شعر الافراح فى صيف 2017

بقلمآية حسان فيمنوعات visibility1731

بقينا فى عز الصيف خلاص و بدأ الشهر الرسمى للأفراح والمناسبات الحلوة، علشان كده لو ميعاد فرحك خلاص قرب يبقى اكيد بدأتى تقلقى حوالين التفاصيل المهمة زى تسريحة شعرك والمكياج، وعلشان نساعدك ترتاحى شوية و تريحى بالك فى المقال ده بنات حوا هتعرفك على افضل 20 لوك من موضة تسريحات شعر الافراح فى صيف 2017 

افضل 20 لوك من موضة تسريحات شعر الافراح فى صيف 2017 

Soft Chignons : 

كلمة chinion جاية من الجملة الفرنسية  chignon du cou ومعناها نهاية العنق او آخر الرقبة ، فى التسريحة دى بيبقى الشعر ملموم بشكل منخفض على اخر الرقبة و بتعتبر التسريحة دى مهمة جدا لو هتلبسي طرحة مع فستان الفرح.

Boho Braids :

French, fishtail, waterfall, dutch و الـ  milkmaid كلها اسامى لستايلات مختلفة من الضفيرة او الـ boho braid ، وبيعتبر ستايل مثالى لجو الصيف خصوصا لو كان شعرك بيتأثر بالحر او بالرطوبة وبيهيش بسهولة. ممكن تعمليه على شكل ضفيرة مفرودة او تلميها لفوق زى ما هتشوفى فى الصور. 

Buns and Top Knots : 

برده بتعتبر من تسريحات شعر الأفراح المثالية جدا لجو الصيف وبتدى لوك بسيط انما فى نفس الوقت شيك وحلو كتير، ممكن تسيبي بعض الخصل حرة علشان تدى لنفسك لوك عفوى وطبيعى اكتر.

Loose and Natural Upstyles :

ستايل الشعر ده بيعتمد على انه يكون فيه خصل بسيطة حرة ومش ملمومة كتير علشان تديكى شكل طبيعى ورومانسي اكتر، التسريحة دى حلوة جدا مع فساتين الافراح اللى فيها شغل او تفاصيل فى الضهر لانها هتبرز الضهر و تبينه. 

Romantic Curls and Waves :

آخر لوك معانا هو الشعر الكيرلى او الويفى، بمعنى انه لو خدتى قرار تسيبى شعرك وتسيبيه حر من غير تسريحة محددة يبقى لازم تحددى انتى عايزاه straightولا wavy وبعد كده تزينيه بتاج من الورد او اللؤلؤ او فيونكة بسيطة ورقيقة علشان تخلى اللوك بتاعك مناسب اكتر ليوم فرحك. 

بكده تكونى عرفتى معانا افضل 20 لوك من موضة تسريحات شعر الافراح فى صيف 2017 ، شوفى معانا كمان بالصور .. 30 تسريحة شعر كلاسيكية للأفراح wedding vintage hairstyles