خطوات مكياج لانف اصغر وشكلها مثالي

ريهام محمود
ريهام محمود
في
مكياج
6882

اوقات كتير بيبقى في ديفوهات في الوش حابين نداريها ممكن نبقى عايزين نكبر او نصغر حاجة معينة ولحسن الحظ ان منتجات المكياج دلوقتي بتسهل ده بخطوات بسيطة وسهلة, والانف بشكل خاص من الملامح الملفتة لانها بتبقى في نص الوش ودايما بنبقى عايزينها تطلع بشكل حلو خصوصا لو انتي مش راضية عن شكلها وحابه تصغريها, عشان كده النهاردة هنقول لبنات حوا خطوات مكياج لانف صغير ومثالي.

خطوات مكياج لانف صغير ومثالي:

1- سيبي مسافة اقصر ما بين الحاجبين:

لو عايزة الانف يبان بشكل اصغر يبقى لازم تخلي بالك من رسمة حواجبك لانها فوق الانف على طول وبتشكل مع الانف حرف T فبالتالي حجم الحواجب ليه تأثير على شكل الانف, ببساطة جدا لو المسافة بين الحاجبين صغيرة او قريبين من بعض ده هيخلي شكل الانف يبان اصغر, والعكس لو المسافة بين الحاجبين كبيرة ده هيبين الانف اكبر واعرض.

2- حددي الانف بدرجات غامقة:

– تحديد الانف يعتبر ابسط طريقة ممكن تصغري بيها الانف, وعشان تحدديها محتاجة فرشة صغيرة بشعر قصير او متوسط, وفرشة دمج, وكونتور بودر اغمق بدرجة او اتنين من لون البشرة الطبيعي.

– لو معنديش الكونتور البودر ممكن تستخدمي ايشادو باللون البني ويكون مش غامق ولا فاتح اوي يعني بدرجة متوسطة, او ممكن كمان تستخدمي كريم اساس كريمي او كونسيلر كريمي, ومش مستحب استخدام النوع السايل لانه مش هيديكي نفس النتيجة ومش هيحدد الانف بشكل مظبوط.

– سيبي منطقة منتصف الانف, وحددي الحواف الخارجية للانف بالفرشة.

– لو الانف ضيقة في الجزء العلوي وعريضة عند منطقة فتحتين الانف, يبقى في الحالة دي اتجنبي انك تحطي خطوط عريضة في المنطقة الضيقة, وركزي التحديد على المنطقة العريضة.

– لو الانف طويلة اوي وعايزة تبينيها اقصر, حددي منطقة فص الانف ” المنطقة اللي فوق فتحتين الانف وبتديه للانف شكله”.

– لو منطقة فص الانف حادة اوي, ارسمي الكونتور على شكل حرف V, ارسمي الخطوط بشكل افقي يعني بالعرض عشان تدي الانف شكل اقصر.

خطوات مكياج لانف صغير ومثالي 1
خطوات مكياج لانف صغير ومثالي 1

3- اعملي خطوط كونتور ناعمة:

واحدة من الاسرار لشكل انف مثالي واصغر بخدعة بسيطة جدا, انك تعملي خطوط ناعمة مش واضحة او متحددة اوي, عشان كده لازم تدمجي الخطوط كويس على الانف بالفرشة عشان توصلي في النهاية للوك طبيعي.

4- اعملي اضاءة لمركز الانف:

عشان تنهي الخطوات استخدمي هايلايتر, استخدمي درجة افتح من لون بشرتك وبفرشة صغيرة طبقيه على منطقة وسط الانف ما بين الخطين اللي احنا رسمناهم في الخطوات اللي فاتت, وادمجي الخطوط كويس مع بعض بفرشة الدمج, عشان يطلع معاكي في النهاية انف اصغر واقصر بلوك طبيعي.

خطوات مكياج لانف صغير ومثالي 2
خطوات مكياج لانف صغير ومثالي 2

5- استخدمي احمر شفايف بلون قوي:

واحدة من الحيل البسيطة عشان تحولي النظر لحاجة تانية في الوش غير الانف, استخدمي لون روج يكون قوي ياخد العين عن حجم الانف, واتجنبي تحديد الجفن السفلي من العين زيادة عن اللزوم لان ده هيلفت النظر للانف اكتر.

خطوات مكياج لانف صغير ومثالي 3
خطوات مكياج لانف صغير ومثالي 3

ازاي تداري عيوب البشرة بالمكياج بطريقة صح

ازاي تداري عيوب البشرة بالمكياج
ازاي تداري عيوب البشرة بالمكياج

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي

اعرفي إزاي تعملي مكياج الشفايف زي المحترفين بخطوات بسيطة وسهلة

اعرفي إزاي تعملي مكياج الشفايف زي المحترفين بخطوات بسيطة وسهلة