افكار looks سواريه للمحجبات hijab soiree outfits

لما بتبقى محجبة ، تغيير الستايل بيبقى هو المفتاح لانك تظهرى كل مرة بلوك مختلف و stunning تبهرى بيه كل اللى حواليكى من خلال حجابك، وده بأنك تجربى أفكار وستايلات جديدة تكون بسيطة بس فى نفس الوقت اليجانت خصوصا لو كانت للمناسبات والافراح و محتاجة تلبسي حاجة سواريه. وبما انه اختيار looks سواريه للمحجبات بيعتبر تحدى مش سهل، فى المقال ده بنات حوا هتساعدك بشوية نصايح و افكار ستايلات تقدرى تختارى منهم لمناسباتك فى صيف 2017. شوفى معانا افكار looks سواريه للمحجبات hijab soiree outfits .. 

افكار looks سواريه للمحجبات hijab soiree outfits

الاول خلينا نعرف مع بعض شوسة نصايح ..

انك تكملى فى نفس الستايل بتاعك حتى فى السواريه ده هيسهل عليكى كتير اختيار اللوك السواريه اللى هتطلعى بيه، لانه انتى already هتبقى فاهمة ستايلك كويس وعارفه ايه القصات اللى بتليق عليكى وايه لاء، فبالتالى ده هيساعدك وانتى بتشترى الطقم السواريه بتاعك. 

حاولى ماتبالغيش وانتى بتختارى اللوك بتاعك من بين looks سواريه للمحجبات ، حاولى طول الوقت تختارى حاجات تبقى بسيطة و فى نفس الوقت اليجانت ، يعنى  تختارى قطع تكون بسيطة لكن فى نفس الوقت شيك وقيمة .

لو كنتى هتحضرى المناسبة بالليل ابعدى عن الخامات القطن واختارى خامات زى الجبير، التل ، الدانتيل، الحرير و الشيفون. الخامات دى مناسبة اكتر للبس فى المناسبات بالليل وبتبان شيك وليها قيمة. 

بما انه البلوزات المطرزة بالترتر او اللؤلؤ موضة و تريند الفترة دى ، ممكن تلبسي بلوزة او فستان من موضة الـ sequin items مع بلايزر او بوليرو بسيط. 

دايما حددى هتلبسي ايه بعد ما تعرفى مكان وتوقيت المناسبة، يعنى لو كانت فى قاعة و بالليل مثلا يبقى تلبسي فستان سواريه، ولو كانت بالنهار او مكان مفتوح حاولى تروحى لحاجات هادية وبألوان فاتحة. 

افتكرى دايما انه انك تروحى حفلة او مناسبة بالليل مش معناه انك تلبسي قطع مجوهرات او اكسسوارات كتيرة، خليكى بسيطة و اكتفى بسلسلة او كوليه حلو مع شوز بكعب عالى.

ودلوقتى خلينا نشوف مع بعض افكار looks سواريه للمحجبات علشان تلهمك تختارى منها .. 

شوفى معانا كمان Soha MT مجموعة أزياء محجبات من كوليكشن المصممة المصرية سها محمد