7 افكار الوان صبغة للشعر الطويل من Instagram

بقلمآية حسان فيشعر visibility5312

تغيير لون الشعر فكرة بتجيلنا كلنا واوقات بتلح علينا كتير، ومع وجود اكتر من موضة وتكنيك مختلفين لتلوين الشعر منهم اللى حلو ومنهم اللى مطرقع ومجنون، بقى لازم تتجرأى وتجربى تغيرى من لون شعرك وتجددى فى اللوك بتاعك. خصوصا لو كنتى من اصحاب الشعر الطويل لانه بيبقى احلى وبيحتاج اهتمام و معاملة خاصة جدا. فلو كنتى من اصحاب الشعر الطويل وبتفكرى تصيغى شعرك يبقى انتى جيتى المكان المظبوط. فى المقال ده بنات حوا هتقولك على 7 افكار الوان صبغة للشعر الطويل من Instagram ، يلا اعرفيهم معانا ..

7 افكار الوان صبغة للشعر الطويل من Instagram

افكار الوان صبغة للشعر الطويل من Instagram
افكار الوان صبغة للشعر الطويل من Instagram

اسرحى بخيالك لأى لوك نفسك تعمليه ، rainbow colors ، omebre  او ايا كان اللى نفسك فيه، اهم حاجة هى انك لما تيجى تقررى اللوك اللى هتعمليه حتى لو كان مجنون ومطرقع، لازم تتأكدى انه بيشبهك ولايق عليكى ;)

1- Warm Sunset : 

اللون ده مزيج من البروزنى و الهايلايت البنى اللى مع بعض  بيدوا الدرجة دى،اللون ده بيدى لمعة لشعرك وبيخليه مشرق وجذاب . 

لون البشرة و نوع الشعر المناسب : 

درجات البشرة الفاتحة اللى بيليق عليها درجات البينك الفاتحة والاخضر و الموف هيناسبها جدا درجة الـwarm sunset، ويفضل يكون لون الشعر الاصلى من درجات الكستنائى الفاتح لدرجات الاشقر المتوسطةعلشان تطلعى اللون من غير ولا غلطة، لان الدرجات دى بتعتبر اساس ممتاز للون، ويفضل يكون الشعر من متوسط النعومة الى ناعم و أملس علشان تقدرى توصلى للستايل ده. 

نصيحة :

لما تيجى تختارى أكتر من لون مع بعض علشان تعملى color mixes  زى اللوك ده، أتأكدى انهم من نفس عيلة الالوان او from the same color family علشان تطلعى اللوك المظبوط لا افتح ولا اغمق، درجات زى النحاسي و البرونزى و الدهبي و البيج بتعتبر من الالوان اللى بتكمل بعضها بطريقة مثالية. 

2- Hot Chocolate : 

اللون ده عبارة عن درجة لون الشوكولاتة الدافى والشعر معمول بطريقة الـ bouncy curls ، والتسريحة  بتبقى مناسبة جدا سواء للسهرات بالليل او اوقات الشغل و الخروج بالنهار.

لون البشرة و نوع الشعر المناسب : 

البشرة المتوسطة الى الفاتحة هتبان حلوة  جدا للون الشعر ده ، ويفضل يكون الشعر متوسط الكثافة الى كثيف و wavy .

نصيحة :

لو كان لون شعرك الطبيعى قريب من اللون ده ، خلى اخصائى الشعر الل هينفذلك الصبغة مايكترش من الصبغة علشان اللون مايطلعش اغمق من المطلوب، واكتفى بأنه يعزز لون شعرك الاصلى و يضيفله لمعان اكتر. 

3- Purple Haze :

اللون ده مزيج من درجة الكاكاو الهادى والدرجات الاغمق و اللون البنفسجى على الموضة ومطرقع جدا ! 

لون البشرة و نوع الشعر المناسب : 

درجات البشرة الشاحبة و الهادية الى الخمرية هى الانسب للون ده  لانها بتبان حلوة جدا فى درجات الموف والبنفسجى والاحمر والخوخى. خصوصا مع الشعر اللى بيشبه فى طبيعته الشعر الهندى يعنى بيكون طويل ومموج .

نصيحة :

علشان تحافظى على لمعة وحيوية اللون ده ابعدى عن الشامبو العادى اول كام يوم بعد الصبغة واعتمدى اكتر على الشامبو الجاف ، ولو كان صعب تشتريه اعرفى ازاى تعمليه بنفسك فى البيت .

4- Wild Copper : 

رابع لون معانا من الوان صبغة للشعر الطويل من Instagram هو لون الـ wild copper، اللون ده هو منزيج من الـ highlights باللونين الاصفر و الاورانج مع اللون النحاسي.

لون البشرة و نوع الشعر المناسب : 

البشرة الفاتحة الى المتوسطة اللى بيليق عليها درجات الاورانج والاصفر هيبقى اللون ده تحفة عليها، ويفضل يكون الشعر متوسط الكثافة الى كثيف و wavy او curly .

نصيحة :

قبل ما تعملى اللون ده اتأكدى من متخصص العناية بالشعر انه مناسب ليكى الاول وانه الدرجات اللى قلناها بتليق على الـ skin tone  الخاص بيكى بطريقة صحيحة. 

5 – Blondie : 

 blonde highlights ممزوجة بخصل بدرجات البيج من الاطراف ، مع تسريحة شعر straight او wavy أو twisted . 

لون البشرة و نوع الشعر المناسب : 

درجات البشرة الفاتحة الى المتوسطة هتبقى حلوة فى اللون ده ، هو بيناسب طبيعة البشرة الشقراء اكتر من الخمرية ، بيناسب الشعر اللى بيبقى لون الاصلى اى درجة من درجات الاشقر و يفضل يكون الشعر متوسط الكثافة و curly او wavy . 

نصيحة : 

علشان تحافظى على لون شعرك الاشقر خصوصا لو كنتى فى الاساس شقراء و شعرك بيحتاج اهتمام وعناية خاصة ، حافظى على استخدام الشامبو الغنى بالسولفات، الخطوة دى ضرورية جدا.

6- Amber Highlights : 

مزيج من الـ highlights بدرجات الوان دافية مع درجة الموكا الكستنائى علشان يجملوا اللوك بتاعك خصوصا لو كنتى brunette، اللون صعب لى حد ما فى تنفيذه لكن سهل تغيريه و تجددى فيه من وقت للتانى لانه بيعتبر اساس حلو لدرجات البنى والكستنائى. 

لون البشرة و نوع الشعر المناسب : 

درجات البشرة الشاحبة الى المتوسطة اللى بيليق عليها درجات القهوة او البنى المختلفة والابيض هتبقى ممتازة مع لون الشعر ده ، ويفضل يكون الشعر curly او wavy بطبيعته. 

نصيحة : 

حاولى اسبوع بعد اسبوع تهتمى بأطراف شعرك خصوصا مع اللون ده وتجربى الشامبو او الكريمات العلاجية علشان تحافظى على تسريحة شعرك وتصفيفه. 

7 – Urban Ombere : 

مزيج من الاحمر مع البنفسجى، لون جرئ جدا مش بس هيخليكى تغيرى من شكل شعرك لكن معاه كمان لازم تجهزى نفسك انك هتغيرى من الوان الميك اب اللى بتستخدميها وكمان هتحتاجى تغيرى فى الوان لبسك. 

لون البشرة و نوع الشعر المناسب : 

درجات البشرة الفاتحة الى المتوسطة هى المناسبة للون الشعر ده خصوصا الدرجات اللى  بيليق عليها درجات البنفسجى الاحمر ، البينك و الخوخى . يفضل يكون الشعر أملس الى wavy خفيف . 

نصيحة : 

حاولى تستخدمى الشامبو الجاف اكتر مع لون الشعر ده علشان تحافظى عليه مدة اطول  وابعدى عن الشامبو اللى فيه كبريت، ممكن تضيفى highlights بدرجة او درجتين افتح من لون الصبغة الاساسي علشان تعززى من اللون ويبقى dramatic اكتر و بكده تكونى عملت statement look جرئ وقوى. 

شوفى معانا كمان 7 تسريحات للشعر الطويل تجنن وسهل تعمليهم .