افكار تصاميم بسيطة ورائعة للمانيكير النيود
الالوان النيود من احلى الوان المانيكير التريندي جدا بقالها فترة والميزة ان الوانه ممكن تليق على اي لبس, والنهاردة جايبين لكم افكار لتصميم المانيكير النيود بسيطة وسهلة التنفيذ واكيد هتجربيهم.
افكار لتصميم المانيكير النيود:
1- تصميم Glitter Half-Moon:
نضفي الضوافر كويس وحطي طبقة Base Coat واستني لما تنشف خالص وبعدين حطي اللون النيود اللي انتي اختارتيه طبقتين حطي طبقة ولما تنشف حطي الطبقة التانية, لما المانيكير ينشف شوية ابدأي العبي بالترتر والاستراس والاحجار واعملي اشكال على الضوافر زي ما انتي عايزة, ممكن تعملي زي الصورة كده تخلي ضوفر عليها ستراس والباقي اعملية Half Moon يعني شكلي وصممي زي ما انتي عايزة.
الطريقة بالفيديو:
2- تصميم Diagonal Lines:
التصميم ده مناسب جدا للبنات اللي مش بيعرفوا يعملوا تصاميم صعبة لانه سهل جدا, هتحتاجي لونين مانيكير لون نيود واي لون تاني من اختيارك, حطي طبقة من اللون النيود على الضوافر كلها ولما تنشف ارسمي على حرف الضوفر خط مايل زي ما هو باين في الصورة كده, وممكن تختاري لون روز معدني هيطلع حلو جدا مع اللون النيود.
3- تصميم الدانتيل Lace Nail:
حطي طبقة Base Coat, وبعدين استخدمي لون نيود ولون مانيكير اسود عشان تعملي رسمة الدانتيل, زي ما هو باين في الصور كده بترسمي نص دايرة مايلة على الضوفر باللون النيود, وحدديها باللون الاسود وارسمي دواير على الحرف ونقطي على اللون النيود باللون الاسود, وزي ما قولنا قبل كده ممكن تعملي النقط ببنسة شعر, او تحطي دبوس في مساحة قلم رصاص واستخدميها.
الطريقة بالفيديو:
4- تصميم Leopard Print:
التصميم ده بسيط جدا وانيق, هتستخدمي فيه لونين لون نيود ولون اسود, حطي الاول طبقة من اللون النيود على الضوافر كلها ولما تنشف خالص استخدمي اللون الاسود عشان ترسمي تصميم ال Leopard على الضوفر من جنب واحد بس.
5- تصميم Rhinwstone Detail:
حطي اللون النيود على الضوافر كلها, واختاري ضوفر واحد بس تحطي عليه ستراس او احجار باي شكل انتي عايزاة هتطلع بسيطة وانيقة جدا في نفس الوقت, والافضل انك تتجنبي تحطي احجار كتير احسن انك تختاري احجار كبيرة وتحطيها على ضوفر واحد او اتنين بالكتير.
6- Nude and Accent:
في التصميم ده هتحتاجي لون مانيكير ابيض ونيود وجليتر, حطي اللون النيود على الضوافر كلها واختاري ضوفر واحد بس حطي عليه لون ابيض, وارسمي عليه شكل قلب بالجليتر.
7- One Strock Half-Moon Design:
التصميم ده هتحتاجي فيه لون نيود, ولون ابيض اكريليك لرسمة الورد, وستراس فضي, حطي اللون النيود على الضوافر كلها وسيبيه لما ينشف خالص, وبعدين ارسمي باللون الابيض شكل الوردة وحطي عليها الستراس من تحت.
الطريقة بالفيديو:
8- Floral Details:
تصميم الوردة تقريبا نازل الموسم ده على كل حاجة حتى تصميم الضوافر, حطي على الضوافر كلها اللون النيود اللي تختاريه, وممكن تحطي طبقة مقوي اظافر عشان تدي لمعة للمانيكير قبل ما ترسمي عليه, وبعدين ابدأي ارسمي الورد بالعدد او بالشكل اللي انتي عايزاه.
9- تصميم ال Gradient او التدريج:
ستايل ال Gradient من الستايلات التريندي جدا اللي نازلة موضة في الروج, وكمان موضة مع تصاميم الضوافر, هنستخدم للتصميم ده لون نيود ولون ابيض, حطي اللون النيود على الضوافر كلها ولما تنشف, حطي اللون الابيض على سفنجة وطبقية على حرف الضوافر بتقنية الاومبري اللي احنا اتكلمنا عليها قبل كده, وممكن تستخدمي للتدريج اكتر من لون يعني زي ما انتي تحبي اكتر تقدري تنوعي زي ما انتي عايزة.
10- Hint of Sprinkles:
التصميم ده هنستخدم لون نيود وجليتر, حطي اللون النيود على الضوافر كلها واختاري ضوفر واحد حطي عليه الجليتر, والافضل انك تخلي ضوفر واحد بس بيلمع هيطلع اللوك ارق واحلى بدل ما تحطيه على الضوافر كلها ويطلع كتير زيادة عن اللزوم.