افكار ونصايح ازاى تجهزى نفسك لـ photo session قبل الولادة Maternity photo session

بقلمآية حسان فيمنوعات visibility876

الـ photo sessions  مش بس للخطوبة و الافراح، لكن انك تكونى حامل وخلاص على وش ولادة دى مناسبة مهمة ولازم تسجليها و تحتفلى بيها بـ photo session انتى و البيبى بتاعك. بس ازاى تلبسي وايه المفروض تعمليه ده اللى هتعرفيه معانا فى المقال ده . اعرفى معانا افكار ونصايح ازاى تجهزى نفسك لـ photo session قبل الولادة Maternity photo session .

افكار ونصايح ازاى تجهزى نفسك لـ photo session قبل الولادة :Maternity photo session

1- ماتحاوليش تدارى بطنك : 

الفكرة كلها من انك تعملى فوتوسيشن ليكى وانتى حامل هى انه نبين انك حامل، علشان كده ماينفعش ابدا تفكرى انه بطنك هتبينك مليانه او شكلك مش حلو، بالعكس حاولى تلبسي لهدوم اللى تبين بطنك والبيبى وحاولى انها تكون مريحة على قد ما تقدرى . 

2-  البسي انتى وجوزك هدوم متناسقة :

ده اهم جزء فى photo session قبل الولادة ، فى شوية قواعد كده تخص الالوان لما تيجى تلبسي انتى وجوزك matching outfits  خلينا نعرفهم مع بعض على السريع .. 

لو جوزك لابس تيشيرت غامق البسي نفس اللون بس درجة افتح : 

لازم يبقى اللوك بتاعه وبتاعك يكونوا  بيكملوا بعض، مهم تلبسوا من نفس الالوان لكن حاولى تتجنبى انكم تلبسوا نفس النقشة. ولو هو لابس لون غامق اختارى درجة افتح كتير من نفس اللون. الهدف هو انكم تلبسوا shades مختلفة من نفس اللون ولكن مش اللون نفسه. ونفس القاعده بتمشى على الالوان الـ  bright والـ neutral. البسوا نقشات عكس بعضها ومش نفس النقشة ومرة تانية بنأكد انه ايا كان اللى هتلبسيه يبقى مريح . 

التزمى بألوان معينة من color palette  لنفس اللون : 

الألوان كتيرة جدا من حوالينا، وعلشان ماتحتاريش حددى لون واحد فى بالكل لـ photo session قبل الولادة علشان تطلعى بلوك افضل. وخصوصا لو فى لون محدد بتحبيه ممكن كمان تدخليه فى كل ديكورات المكان اللى هتتصورى فيه بدرجات مختلفة، وتخلى جوزك يلبس نفس اللون بدرجة غير اللى انتى لابساها، ولو نتى جريئة شوية اختارى الوان مطرقعة عكس اللون اللى لابساه انتى وجوزك علشان تبقى الصور مبهجة اكتر. 

4- ضيفى لون واحد مطرقع : 

دى طريقة تانية علشان تزودى من الابعاد فى صور photo session قبل الولادة، لو مش عايزة تخاطرى بأنك تستخدمى الوان كتيرة، ممكن تلتزمى بلون واحد و تكسريه بأنك تستخدمى معاه لون مطرقع فى الـ outfit اللى هتلبسيه. كتير من الـ photographers بيفكروا انه الالوان والنقشات والتفاصيل الكتيرة بتشتت عين اللى بيشوف الصور عن العنصر الاساسى اللى فى الصورة اللى هو فى الحالة دى انتى، واحنا عايزينك تبقى بطلة كل الصور. علشان كده حاولى تكون الصور بسيطة على قد ما تقدرى. و خليكى حريصة انك تختارى لون يتناسب مع الـ skin tone بتاع بشرتك. 

اختارى الـ location و الالوان صح : 

اختيار اللون الصح والمكان الصح هم اهم عنصرين هيخلوا الفوتوسيشن بتاعتك ناجحة وحلوة وتبهر اى حد يشوفها، لو خططتى انك تصورى على البحر مثلا يبقى لازم تلبسي حاجة تبرزك وسط جمال المكان اللى هيبقى ظاهر وواضح، الفكرة كلها انه ماتلبسيش حاجة تدمجك على المكان وتخليه “يبلعك”، لازم تبقى ظاهرة وواضحة. 

ودلوقتى شوفى معانا البوم كامل تاخدى منه الافكار للـ session بتاعتك، ومبروك على البيبي <3