6 اسرار ونصايح من المحترفين لمكياج يومي سريع

ريهام محمود
ريهام محمود
في
مكياج
5360

في اوقات كتير بتمر علينا بنكون مستعجلين او معندناش وقت لخطوات المكياج الكتير وبنبقى عايزين حاجة سريعة توفر لنا في الوقت, وده اللي هنعرفه النهاردة مع بعض من خلال موضوعنا هنقول لبنات حوا نصايح لمكياج يومي سريع من المحترفين.

نصايح لمكياج يومي سريع:

1- اعملي الاساسيات:

اكيد زي ما قولنا في البداية ممكن تعدي ايام مش بيبقى عندنا وقت اننا نعمل مكياج كامل, عشان كده اعملي روتين مكياج يومي ليكي في خمس دقايق يكون معتمد على الاساسيات او الحاجات الضرورية اللي هي مرطب ملون, ماسكارا, بلاشر او احمر خدود, كونسيلر, وروج او ملمع شفايف, الحاجات دي هتكون كافية جدا لروتين مكياج سريع.

نصايح لمكياج يومي سريع 1
نصايح لمكياج يومي سريع 1

2- استخدمي BB او CC:

دلوقتي عالم التجميل والمكياج مليان بالمستحضرات متعددة الاستخدام والفوايد زي ال BB و CC لانهم بيوفروا للبشرة اكتر من حاجة منها الترطيب, والتغطية المناسبة لعيوب البشرة, وده هيخليكي تستغني عن خطوة كريم الاساس وممكن الترطيب كمان لو بشرتك مش محتاجة ترطيب زيادة بالكريم.

نصايح لمكياج يومي سريع 2
نصايح لمكياج يومي سريع 2

شوفي من هنا ماركات واسعار ال BB كريم و ال CC كريم

3- استخدمي برونزر:

من ضمن مستحضرات التجميل متعددة المهام او اللي ليها اكتر من فايدة هو البرونزر, بلمسات بسيطة منه على الوش هيديكي لوك طبيعي, ده غير انه هيبقى بديل للكونتور لانه هيساعد على اظهار وتحديد ملامح الوش.

ممكن تستخدمي برونزر NYX Matte, مايبيلين, بوبي براون, ريميل, او سماش بوكس.

نصايح لمكياج يومي سريع 3
نصايح لمكياج يومي سريع 3

4- استخدمي قلم عيون متعدد المهام:

العيون والحواجب تقريبا من اكتر الحاجات اللي بتاخد وقت في المكياج, بدل ما تستخدمي قلم للحواجب وقل للعيون, دلوقتي في قلم العيون اتنين في واحد اللي ممكن تستخدميه كحل للعيون وقلم لرسم الحواجب في نفس الوقت.

ممكن تستخدمي قلم عيون NYX Slim Eye Pencil.

نصايح لمكياج يومي سريع 4
نصايح لمكياج يومي سريع 4

شوفي من هنا الروتين اليومي لرسم الحواجب بطريقة سهلة وسريعة.

5- جهزي نفسك من قبلها:

عشان توفري في الوقت جهزي نفسك من قبلها بيوم بالليل, جهزي لبسك والمكياج اللي هتحطيه معاه, ده هيسهل ويسرع روتينك اليومي كتير, يعني خلي مكياجك جاهز قدامك الصبح ويبقى فاضل على تطبيقه بس.

نصايح لمكياج يومي سريع 5
نصايح لمكياج يومي سريع 5

6- لو محتارة في لون الروج اختاري زبدة الكاكاو:

في بعض الاوقات اختيار لون الروج المناسب بتاخد مننا وقت, ولو انتي مستعجلة ومعندكيش وقت تفكري وتختاري اللون اسهل حاجة تعمليها انك تحطي زبدة كاكاو كبديل للروج, او حتى ممكن تاخديها معاكي في الشنطة تحطي منها وانتي بره, واختاري درجة ممكن تدي ضي باكتر من لون عشان تمشي مع اي لبس.

ممكن تستخدمي Maybelline Baby Lips, او The Body Shop Strawberry Born Lippy.

نصايح لمكياج يومي سريع 6
نصايح لمكياج يومي سريع 6

5 نصايح سريعة هتخليكي تستعدي للخروج بشكل اسرع وبلوك مثالي

ازاي تستعدي للخروج بشكل اسرع وبلوك مثالي
ازاي تستعدي للخروج بشكل اسرع وبلوك مثالي

مقالات متعلقه

خطوات عمل مكياج نهاري خفيف

خطوات عمل مكياج نهاري خفيف

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 نصايح مكياج من خبراء مكياج المشاهير هتفرق معاكي

10 نصايح مكياج من خبراء مكياج المشاهير هتفرق معاكي