5 نصايح وافكار ازاى تعملى لوك شيك و modest فى نفس الوقت

آية حسان
آية حسان
3020

علشان تعملى لوك stylish وشيك مش معناه ابدا انك لازم تلبسي قصير ومكشوف، بالعكس الشياكة كلها فى اللبس البسيط و الـ modesty ، وتقدرى بمنتهى السهولة تعملى لوك حلو واليجانت و حتى على الموضة وانتى محتفظة بالستايل الخاص بيكى و ستايل الملابس اللى بتريحك، واحنا هنساعدك تعملى ده، اعرفى معانا فى المقال ده 5 نصايح وافكار ازاى تعملى لوك شيك و modest فى نفس الوقت.

5 نصايح وافكار ازاى تعملى لوك شيك و modest فى نفس الوقت

1- البسي توب بستايل TURTLENECK : 

الايام اللى كان بيتقال فيها على البدى او البلوزة برقبة عالية او الـ  turtleneck topموضة قديمة خلصت خلاص ،  الستايل ده راجعلنا من موضة التمانينات و التسعينات بقوة و وهتلاقيه موجود فى الصيف و الشتاء. وواحده من الحاجات اللى بنحبها فى الـ turtleneck top tops  هى انها شيك جدا ومش مكشوفة اطلاقا. القطعة دى من الملابس دليل على انك مش محتاجة تكشفى اى جزء من جسمك علشان تبانى شيك و stylish. 

2- دورى على بنطلونات يكون مقاسها مظبوط perfect fit : 

الـ skinny jeansو الـ  leggings بيعتبروا من القطع اللى مستمرة فى انها تبقى popular  جدا و مكملة معانا لفترات طويلة قدام. بس خدى بالك انهم ممكن يخرجوا من كونهم شكلهم شيك وحلو لكونهم بيبقوا ضيقين زيادة عن اللزوم وشكلهم مش مناسب اطلاقا و بعيد عن انه يكون modest . علشان كده بننصحك انك لما تيجى تلبسي بنطلون تختارى المقاس المناسب ليكى بالضبط او اللى بنسميه الـ perfect fit .طيب ازاى تعرفى ان كانوا  perfect fit ولا ضيقين زيادة؟ وانتى بتقيسي البنطلون لو لقيتي الـ panty lines باينة من تحت البنطلون يبقى مقاسه مش مناسب ابدا وماتشتريهوش.

3- البسي طبقات : 

الـ layering  بيعتبر من اقدم الـ tricks  اللى معروفة فى عالم الفاشون و بتعتبر الطريقة دى فى اللبس مثالية علشان تعملى لوك شيك و modest وكمان تضيفى من شخصيتك فى اللوك. والتكنيك ده دلوقتى تقدرى تطبقيه طول السنة لكنه مثالى للشتاء لاننا كده كده بنحتاج نلبس اكتر من طبقة علشان ندفى نفسنا. ببساطة البسي شيميز تحت بلوفر او توب خفيف وبكده تكونى عملتى لوك شيك و modest بمنتهى البساطة، اعرفى هنا ازاى تعملى لوك الطبقات layring صح .

4- خدى بالك وانتى بتختارى فساتينك : 

علشان تعملى لوك modest وفى نفس الوقت flattering  اسهل و اكتر طريقة آمنة هى الفساتين اللى بيوصل طولها لبعد الركبة او اطول بستايل A-Line . الستايل ده مش هيخليكى تبانى قصيرة ابدا بالعكس الفساتين بالستايل ده هتبينك طويلة وتفردك ، ممكن تلبسيه مع شوز بستايل silhouette.

5- اعتمدى على البساطة : 

البساطة هى اسهل واضمن طريقة علشان تعملى لوك شيك و modest، اتجنبى انك تضيفى تفاصيل كتير وزايدة ممكن تستغنى عنها فى اللوك بتاعك وبكده تقدرى تساعدى نفسك فى انك تعملى لوك classy اكتر، بشكل عام اتجنبى اى حاجة بتلمع زيادة او مبهرجة. 

شوفى معانا كمان  افكار شيك ومختلفة للـ weekend style فى الربيع من مجموعة Louise Roe

مقالات متعلقه

ازاي تجددي ستايلك في 2023 ، اعرفي القطع التريندي للسنة دي

ازاي تجددي ستايلك في 2023 ، اعرفي القطع التريندي للسنة دي

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي