5 عادات يومية بتعمليها هي السبب في زيادة الوزن

ريهام محمود
ريهام محمود
20283

لو انتي مش بتاكلي وجبات سريعة ولا حلويات ومنتظمة على ممارسة الرياضة وبتحاولي تحافظي على وزنك قد ما تقدري ومع ذلك بتلاحظي ان وزنك بيزيد, الحقيقة ان في ناس كتير ميعرفوش ان عاداتهم وطقوسهم الصباحية هي اللي ممكن تسبب زيادة في الوزن, والنهاردة جمعنا لبنات حوا اكتر 5 عادات يومية بتسبب زيادة الوزن عشان تتجنبيها وتوصلي لوزنك المثالي اللي بتتمنيه.

عادات يومية بتسبب زيادة الوزن:

1- بتنامي كتير:

لو بتنامي عدد ساعات قليلة او مش بتاخدي كفايتك في النوم الجسم هيزود من انتاج هرمون الكورتيزول عشان يقدر يواجه الضغط وقلة النوم والهرمون ده بيزود الشهية, لكن في نفس الوقت الحل مش انك تنامي كتير زيادة عن اللزوم, لان حسب الدراسات الحديثة اثبتت ان النوم اكتر من 10 ساعات بالليل ممكن انه يأدي لارتفاع مؤشر كتلة الجسم, عشان كده الدكاترة دايما بينصحوا بالنوم من 7 – 9 ساعات يوميا.

عادات يومية بتسبب زيادة الوزن 1
عادات يومية بتسبب زيادة الوزن 1

2- بتستعدي في الضلمة:

اثبتت الدراسات ان موجات الضوء الازرق اللي بيطلع من الشمس الصبح بدري بيعزز عملية التمثيل الغذائي وبيساعد جسمك على الصحيان, والتعرض للضوء الصبح لمدة من 20 – 30 دقيقة بتكون كافية جدا للتأثير على مؤشر كتلة الجسم, عشان كده لازم اول ما تقومي الصبح اول حاجة تعمليها انك تفتحي الشبابيك والستاير عشان الضوء يدخل للمكان.

عادات يومية بتسبب زيادة الوزن 2
عادات يومية بتسبب زيادة الوزن 2

3- مش بترتبي سريرك:

يمكن تكون غريبة شوية لكن حسب الدراسات الامريكية اثبتت ان الاشخاص اللي بيرتبوا سريرهم كل يوم الصبح بيحصلوا على نوم افضل بشكل عام, والنوم الصحي زي ما قولنا هو افضل طريق لوزن صحي.

عادات يومية بتسبب زيادة الوزن 3
عادات يومية بتسبب زيادة الوزن 3

4- بتنسي توزني نفسك:

اثبتت الدراسات ان الوزن بشكل يومي من الحاجات اللي بتشجع على فقدان الوزن لان المتابعة المستمرة وانك تشوفي ان عندك وزن زيادة كل يوم هيخليكي عايزة تخسي وتوصلي للوزن المثالي, وافضل وقت عشان توزني نفسك هو كل يوم الصبح قبل ما تاكلي او تشربي حاجة, لان الجسم بيكون فقد وزن المية واتخلص من المية الزيادة طول الليل وبالتالي هيبقى الوزن الصبح هو الوزن الدقيق.

عادات يومية بتسبب زيادة الوزن 4
عادات يومية بتسبب زيادة الوزن 4

5- بتاكلي وجبة فطار قليلة اوي:

الباحثين والمتخصصين بينصحوا انك تاكلي وجبة فطار كاملة ومتوازنة وبتحتوي على 600 سعر حراري من البروتين الخالي من الدهون, والكربوهيدرات, وحاجة حلوة بسيطة, لان ده هيساعد ان المعدة تفضل مليانة فترة طويلة وبالتالي مش هتاكلي كتير خلال اليوم وهتاكلي كمية اكل اقل في الوجبات التانية وبالتالي ده هيساعدك تمشي على نظامك الغذائي بشكل سليم ووزنك ميزدش.

عادات يومية بتسبب زيادة الوزن 5
عادات يومية بتسبب زيادة الوزن 5

7 نشاطات رائعة تعمليها عشان متضعفيش قدام الاكل

نشاطات تعمليها عشان متضعفيش قدام الاكل
نشاطات تعمليها عشان متضعفيش قدام الاكل

مقالات متعلقه

5 اسباب خفية ممكن تسبب لك زيادة الوزن

5 اسباب خفية ممكن تسبب لك زيادة الوزن

7 حاجات ممكن تحرك مؤشر الميزان لكن مش معناها انك اكتسبتي وزن زيادة

7 حاجات ممكن تحرك مؤشر الميزان لكن مش معناها انك اكتسبتي وزن زيادة

افكار وجبات لزيادة الوزن مقابل وجبات لانقاص الوزن

افكار وجبات لزيادة الوزن مقابل وجبات لانقاص الوزن