اعملي بنفسك سبراي فعال جدا لازالة البقع من الملابس

ريهام محمود
ريهام محمود
2545

مواد التنضيف الطبيعية او اللي بتتعمل في البيت اكيد بتكون آمنة تقريبا بنسبة 100% عن معظم منتجات او مواد التنظيف اللي موجودة في الاسواق اللي غالبا بيكون فيها مواد كيميائية مضره, عشان كده النهاردة جايبين لبنات حوا طريقة عمل سبراي لازالة بقع الملابس من مكونات طبيعية وبسيطة ومش مكلفة.

طريقة عمل سبراي لازالة بقع الملابس:

1- سبراي الخل وكريم الحلاقة:

اخلطي كوباية مية مع معلقة كبيرة خل ابيض, وضيفي لهم من 2 – 3 معالق كبيرة كريم حلاقة اي نوع, قلبي المكونات مع بعض كويس, صبي الخليط في اي ازازة سبراي وممكن تضيفي لها شوية مية كمان جوه الازازة عشان تسهلي الرش منها, دلوقتي تقدري تستخدميها على اي بقعة على الهدوم رجيها كويس ورشي على البقعة بشكل مباشر وسيبيه لمدة 30 دقيقة وبعدين اغسليه على ايدك او في الغسالة بالطريقة العادية.

طريقة عمل سبراي لازالة بقع الملابس 1
طريقة عمل سبراي لازالة بقع الملابس 1

2- سبراي البيكنج صودا “الكربوناتو”:

ضيفي من 3 – 4 معالق كبيرة كربوناتو في كوباية مية ولو هتزودي المية زودي كمية الكربوناتو, قلبي الخليط كويس لحد ما الكربوناتو يدوب في المية, صبي الخليط في ازازة سبراي, واستخدميه للرش على البقع وسيبيه 30 دقيقة وبعدين اغسليه.

طريقة عمل سبراي لازالة بقع الملابس 2
طريقة عمل سبراي لازالة بقع الملابس 2

3- سبراي الجليسرين:

هاتي كوباية مية ضيفي لها 2 معلقة كبيرة جليسرين قلبيهم كويس وبعدين ضيفي لهم 2 معلقة كبيرة خل ابيض, صبي الخليط في ازازة سبراي ورجيها كويس قبل كل استخدام, رشي من السبراي على البقعة وادعكي البقعة بفرشة سنان ناعمة, ولو البقعة قديمة اوي وصعبة ممكن تفركيها كمان بمية وصابون كخطوة اضافية وبعدين تحطيها في الغسالة تتغسل بالطريقة العادية.

بالفيديو ازاي تحافظي على البنطلون الجينز المفضل عندك وتخليه يدوم اطول

بالفيديو ازاى تحافظى على البنطلون الجينز المفضل عندك وتخليه يدوم اطول
بالفيديو ازاى تحافظى على البنطلون الجينز المفضل عندك وتخليه يدوم اطول

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024