ازاى تجهزى شنطة للطوارئ فى يوم فرحك علشان تبقى مستعدة لاى حاجة

آية حسان
آية حسان
3072

احسن طريقة  علشان تستمتعى بيومك المهم للآخر هى انك تبقى مستعدة لأى حاجة تحصل ! وعلشان تبقى مستعدة لازم تكونى عاملة حساب كل حاجة، علشان كده فى المقال ده بنات حوا هتقولك ازاى تجهزى شنطة للطوارئ فى يوم فرحك علشان تبقى مستعدة لاى حاجة طارئة تحصل و فى 5 خطوات بس، خلينا نعرفهم سوا 

ازاى تجهزى شنطة للطوارئ فى يوم فرحك علشان تبقى مستعدة لاى حاجة 

1- غطى الاساسيات :

الفكرة من انك تحضرى شنطة للطوارئ فى يوم فرحك هى انك تبقى مستعدى لأى حاجة تحصل فى اى وقت، حتى لو كانت حاجة مستبعده انها تحصل، علشان كده غطى كل واى اساسيات تيجى فى بالك و وارد انها تحصل فيها مشكلة، الفستان، الطرحة، الشوز، الـ under ware  المكياج، الشعر .. غطى كل الاساسيات .

2- جهزى نفسك لطوارئ الـ makeup :

حتى لو جايبة makeup artist  لحد عندك او لو كنتى انتى رايحالها خلى الحاجات المهمة بالنسبة لك فى المكياج موجودة معاكى ، يعنى الفاونديشن الخاص بيكى و قلم الروج اللى هتستخدميه طول اليوم علشان تعملى refreshment لمكياجك ، الحاجات الاساسية اللى لازم تبقى موجودة معاكى من المكياج علشان تبقى مستعدة لأى طوارئ هى الكونسيلر، الفاونديشن، البودر و الروج. وكمان القطن الخاص بإزالة المكياج علشان يسهل عليكى تصحيح الاخطاء او اى لغبطة و makeup remover  . 

جهزى نفسك لطوارئ الـ makeup

3- جهزى نفسك لطوارئ الـفستان :

خدى بالك اوى وانتى بتحضرى شنطة للطوارئ فى يوم فرحك انه يبقى معاكى عدة خياطة او sewing kit صغيرة، يعنى خيط وابرة ومقص علشان لو لاقدر الله حصل اى حاجة للفستان تقدرى تصلحيها بسرعة وبسهولة. وشرايط لونها ابيض من الستان ممكن تحتاجيها علشان تدارى بيها اى قطع او اى حاجة تقع على الفستان وماينفعش تداريها. ماحدش عارف ايه اللى ممكن يحصل ولازم تبقى مستعدة.

جهزى نفسك لطوارئ الـفستان

4- جهزى نفسك لأى ظرف طارئ تانى يحصل :

فى حاجات كتير ممكن تحصل للـ underclothes، الشوز، شعرك، الطرحة او اى حاجة تانية خاصة باللوك بتاعك وممكن تأثر عليه فى يومك الكبير. لازم تحطى الاحتمالات دى فى بالك وتتجهزى للمشاكل دى. 

جهزى نفسك لأى ظرف طارئ تانى يحصل

5- جمعى كل الحاجات فى شنطة واحدة :

لو قعدنا نتكلم و نعد الحاجات اللى لازم تخديها معاكى فى شنطة الطوارئ الخاصة بيوم فرحك، الشنطة الصغيرة هتقلب شنطة سفر! فعلشان نتجنب ده اكتفى فى شنطتك بالحاجات اللى قلنا عليها فوق و معاهم لزقات الجروح الطبية و lip balm ، خيط تنضيف الاسنان و بنس للشعر ، Hair spray و wipes  وممكن snack صغيرة زى سلطة مثلا علشان مهم تاكلى حاجة فى نص اليوم وانتى بتستعدى وكمان اى حجة تانية انتى عارفة انها مهمة بالنسبة لك. 

اعرفى معانا كمان دليلك الكامل لـ تحديد ميزانية فرحك فى 7 خطوات بس

مقالات متعلقه

6 حاجات عن ضغط ترتيبات الفرح لازم تعرفيها وتتجنبيهم

6 حاجات عن ضغط ترتيبات الفرح لازم تعرفيها وتتجنبيهم

10 أفكار مختلفة تستخدمي بيهم ستيكر الحائط عشان تزيني بيتك

10 أفكار مختلفة تستخدمي بيهم ستيكر الحائط عشان تزيني بيتك

6 علامات تقولك ان الكراش بتاعك مش مهتم بيكي

6 علامات تقولك ان الكراش بتاعك مش مهتم بيكي