10 أنواع من الكعب العالى high heels لازم تفكرى فيهم وانتى بتشترى

آية حسان

في

14325

مفيش بنت فينا بتكتفى ابدا من الـ shoes فى دولابها، وخصوصا لو كانت كعب عالى، وعلشان تختارى جزمة كعب عالى مش حاجة سهلة ابدا ولازم تختارى صح علشان الشوز مايعذبكيش و يفضل يوجعك وتحسى انه فلوسك راحت على الفاضى، فى المقال ده بنات حوا هتعرفك على 10 أنواع من الكعب العالى high heels لازم تفكرى فيهم وانتى بتشترى، يلا خلينا نبدأ على طول ..

10 أنواع من الكعب العالى high heels لازم تفكرى فيهم وانتى بتشترى ..

1. Stiletto Heels :

الكعب فى الشوز ده بيبقى طويل ورفيع ، من 2 لـ 10 بوصة تقريبا، اتسمت باسم stiletto لان كعب الشوز دى شبه الخنجر فى شكله. مش كل شوز بكعب رفيع يبقى stiletto لانه الشوز الـ stiletto بيبقى فى نهايته جزء من الصلب او المعدن.

2. Kitten Heels :

الـ kitten heel بيبقى كعب قصير و رفيع او نحيل نوعا ما ، وطول الكعب بيبقى حوالى من 1 الى 2 بوصة بس، يعنى تقريبا 3 سم .مع curve صغير من بداية الكعب من الشوز. الستايل ده من الشوز اكتر حد كان بيلبسه وكانت السبب فى شهرته الممثلة الامريكية المعروفة Audrey Hepburn، الكعب ده هو المفضل عند الستات والبنات الطويلة لانه بيوفرلهم انهم يلبسوا جزمة بكعب من غير ما تضيف لطولهم بشكل مبالغ فيه.

3. Cone Heels :

تالت شوز هتعرفيه معانا من أنواع من الكعب العالى هو الـ Cone Heels ومن اسمها الكعب بيشبه cone الايس كريم بالضبط، الكعب على شكل مثلث او دايرة من القاعده و ساحب لفوق على شكل مثلث بينتهى بقاعدة دائرية، وعرض الكعب بيبدأ صغير و يفضل يوسع لحد ما يوصل لجسم الشوز نفسه، يعنى زى مثلث مقلوب.

4. Prism Heels :

الكعب فى الشوز ده بيبقى له 3 جوانب مزخرفة وباينة جدا، يعنى هما مش موضة اوى اليومين دول الا اذا كنتى بتفضلى الستايلات الكلاسيكية او الـ vintage styles .

5. Spool Heels :

الكعب فى الـ Spool Heels بيبقى شكله شبه الـ cone heels شوية يعنى بيبدأ على عرض واسع من جسم الشوز ويفضل يضيق لحد ما يوصل لنهاية الكعب. الستايل ده من الشوز كان مشهور جدا فى اوروبا لفترات طولة وراجع بقوة حاليا وبدأت شهرة الشوز ده من تصميمات الديزاينر الكندى المعروف John Fluevog .

6. Wedge Heels :

ستايل الشوز ده بيعتبر من الستايلات المريحة جدا وبتخلى الارتفاع فى القدم متوازن، الكعب فى الشوز بيبدأ عالى من عند الاصابع و بيعلى تدريجيا لحد ما يوصل لأقصى ارتفاع عند الكعب.

7. Pumps Heels :

نوع تانى معانا من أنواع من الكعب العالى هو الـ pumps heels ، الكعب فى الشوز ده بيبدأ بقصة منخفضة وفتحة مستديرة عند الاصابع، وارتفاع الكعب بيبدأ من 2 بوصة على الاقل، الستايل ده مناسب اكتر للفساتين و السهرات

8. Sling Back Heels :

الستايل ده قريب من الـ pumps heels، الارتفاع بيبدأ برده من على الاقل 2 بوصة، مع فتحة مستديرة عند الاصابع او مقفولة عادى، الفرق الواضح اللى بينهم هو انه ضهر الشوز بستايل الـ Sling Back Heels بيبقى مفتوح .

9. Platform Heels :

الشوز ده بيتميز بوجود طبقة سميكة وعالية بتدى ارتفاع للشوز من عند الاصابع، وكعب رفيع و طويل بيتناسب مع الارتفاع اللى قدام وده بيخلى القدم كلها متوازنة وفى ارتفاع واحد تقريبا فبيبقى مريح، و بيعتبر الشوز بالستايل ده هو من اكتر انواع الكعب العالى اللى بتستخدمها الستات او البنات لانها مريحة.

10. Sandals :

اختيار ممتاز لأيام الصيف الحر، و بيخلوا شكلك حلو جدا. الصندل ده مفتوح من قدام وورا و معمول من الجلد مع straps حوالين الرجلين و هتلاقيها بسهولة بأكتر من خامة ولون ومنتشرين جدا الصيف ده، مناسب لخروجات النهار فى الصيف و الـ summer dresses and skirts .