اعرفي وقت نومك وصحيانك ممكن يقولك ايه عن حالتك الجسدية والعاطفية !

ريهام محمود
ريهام محمود
في
صحة
7263

حسب الطب الصيني التقليدي ان دورة النوم عند اي شخص ممكن تقولنا حاجات كتير عن الحالة الجسدية والعاطفية الخاصة بكل شخص, يعني وقت نومنا وصحاينا ممكن نعرف منه حاجات عن جسمنا او ينبهنا لحاجة لازم في الحالة دي ناخد بالنا منها , والنهاردة هنقول لكل بنات حوا وقت نومك وصحيانك بيقولك ايه عن حالتك الجسدية والعاطفية ولو عندك مشاكل ازاي تحليها.

وقت نومك وصحيانك بيقولك ايه عن حالتك الجسدية والعاطفية:

1- لو عندك مشكلة انك تنامي ما بين 9 و 10 بالليل يبقى دي علامة ان عندك مشكلة توتر, في الحالة دي ممكن تمارسي تمارين تأمل عشان تساعدك على الاسترخاء وتقدري تنامي بشكل احسن.

2- لو بتقلقي من النوم وبتصحي ما بين الساعة 11 بالليل و 1 الصبح في الحالة دي يبقى انتي عندك مشكلة عاطفية او خارجة من صدمة او تجربة عاطفية فاشلة, وحسب الطب الصيني التقليدي ان في الوقت ده بتكون الحويصلة الصفراوية او كيس المرارة نشط, عشان كده حاولي تتمرني ان تغفري او تسامحي نفسك على اخطائها وتتقبلي نفسك زي ما هي.

3- لو بتصحي ما بين الساعة 1 و 3 الصبح ده دليل انك بتعاني من مشاعر غضب من حاجة معينة, وطاقة الغضب دي بتكون مرتبطة بشكل مباشر بالكبد وده بيولد طاقة في الجسم بيخليكي تقلقي في الوقت ده, وعشان تتغلبي على المشكلة دي حاولي تشربي قبل النوم كوباية مية باردة وتمارسي التأمل عشان تصفي ذهنك.

وقت نومك وصحيانك بيقولك ايه عن حالتك الجسدية والعاطفية
وقت نومك وصحيانك بيقولك ايه عن حالتك الجسدية والعاطفية

4- لو بتصحي ما بين 3 و5 الصبح ده معناه ان القوة العليا في الجسم بتحاول تتواصل معاكي, والوقت ده مرتبط بالرئتين ومشاعر الحزن, والقوة العليا بتحاول ترشدك لهدف اكبر في الحياة, وعشان تتغلبي على مشاعر الحزن اللي بتخليكي تقلقي في الوقت ده ممكن تصلي, او تعملي تمارين تنفس عشان تساعدك انك ترجعي تنامي تاني.

5- لو بتصحي ما بين 5 و 7 الصبح ده معناه ان عندك مشاعر كتير متداخلة في بعضها, في الوقت ده بتكون طاقة الامعاء نشطة وده معناه ان عندك مشاعر عاطفية كتير مع بعض في نفس الوقت, عشان تتخلصي من المشكلة دي حاولي تعملي Stretch او تمدد لعضلات الجسم, او تروحي الحمام.

دلوقتي عرفنا ان الجسم بيبعت لنا اشارات مختلفة عن حالتنا العاطفية والجسدية والروحية ومهم جدا اننا ننتبه للاشارات دي ونتعلم اننا نفهمها كويس عشان نقدر نحسن حياتنا.

5 وصفات ليه الماغنسيوم مفيد في المساعدة على النوم وكمان وصفات

5 اسباب ليه الماغنسيوم مفيد فى المساعدة على النوم و كمان وصفات 1

مقالات متعلقه

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

10 حاجات يومية بنعملها بتسبب ضرر اكتر من انها بتنفع

10 حاجات يومية بنعملها بتسبب ضرر اكتر من انها بتنفع

6 حاجات هتحصل لجسمك لما تبدأي تشربي عصير الكرفس كل يوم الصبح

6 حاجات هتحصل لجسمك لما تبدأي تشربي عصير الكرفس كل يوم الصبح