اسرار لجمال بشرتك بيستخدمهم النساء حول العالم

بقلمريهام محمود فيبشرة visibility10174

كل بلد بيبقى ليها اسرارها وحاجات مختلفة عن اي بلد تانية في مجال الجمال والعناية بالبشرة, والنهاردة جايبين لكل بنات حوا اسرار جمالية للعناية بالبشرة من النساء حول العالم, هنعرف من كل بلد ايه افضل الوصفات اللي بيستخدموها عشان بشرتهم تبقى صحية وخالية من اي عيوب.

اسرار جمالية للعناية بالبشرة من النساء حول العالم:

1- فرنسا:

– فرك مكعبات التلج على البشرة من الوصفات البسيطة جدا اللي بيستخدمها النساء في فرنسا, مكعبات التلج بتساعد تحفيز الدورة الدموية وبيخلي الجلد صحي.

– الضغط بالتبادل بالمية الدافية والباردة كمان من الطرق اللي بتساعد على تحفيز الدورة الدموية وبتخلي البشرة صحية, وبيحسن مرونة الجلد وبترطبه, ببساطة بلي فوطة نضيفة بمية دافية واضغطي بيها على البشرة وكرري نفس الطريقة بمية باردة, كرري الطريقة بالتبادل ما بين المية الدافية والباردة اكتر من مرة.

– استخدام عصير الليمون لحب الشباب, ادهني اماكن البثور والحبوب بعصير الليمون وسيبيه لما ينشف واغسليه, عصير الليمون بيساعد على علاج البثور وتصغير حجمها وتقليل احمرارها.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

2- تشيلي:

في تشيلي بيستخدموا العنب الاحمر لبشرة صحية وده لان العنب غني بمضادات الاكسدة اللي بتحسن الجلد وبتمنه التجاعيد, اهرسي العنب واخلطي معاه شوية دقيق لحد ما تتكون عندك عجينة, افرديها على البشرة وسيبيها 10 دقايق وبعدين اغسليها بالمية, ولافضل مفعول اعملي الوصفة الصبح بعد ما تصحي من النوم.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

3- السويد:

– النساء في السويد بياكلوا الاكل الصحي لبشرة صحية, لان كتير من خبراء الجمال اكدوا ان الاكل الصحي زي الاسماك والتوت والاكلات الغنية بمضادات الاكسدة ليها تأثير ايجابي جدا على البشرة.

– الساونا كمان من الحاجات اللي بيستخدموها في النساء في السويد, لانها بتساعد على ازالة السموم من الجسم وبالتالي ده بأدي لتنقية البشرة.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

4- اليابان:

من اشهر الوصفات اللي بيستخدمها النساء في اليابان هي مية الارز, لانه يعتبر مطهر للجلد, وبيحفز انتاج الكولاجين في البشرة, وبيرطب وينعم البشرة.

– اطحني الارز في الخلاط, ضيفي له مية دافية لحد ما تتكون عندك عجينة قوامها متوسط, رطبي الوش بالمية وخدي من الخليط اعملي مساج للبشرة باطراف صوابعك في حركات دائرية لمدة دقايق وبعدين اغسليه بالمية.

– كمان من الحاجات اللي بيستخدموها تدليك الوش بشكل يومي بيساعد على تحسين مرونة الجلد وتحفيز الاكسجين في البشرة, ممكن تستخدمي لتدليك البشرة بشكل يومي اي نوع زيت زي زيت الزيتون, زيت جوز الهند, زيت السمسم, او كريم يعني حسب احتياج بشرتك.

– استخدام اقل لبودرة الوش, من الحاجات اللي بينصح بيها النساء اليابانيات هو التقليل من استخدام البودرة لان كترها ممكن يسد المسام ويسبب التهاب البشرة, عشان كده حاولي تخلي بشرتك طبيعية عشان تحافظي عليها صحية.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

5- البرازيل:

عصير الجزر من العلاجات الممتازة اللي بيستخدمها النساء في البرازيل لعلاج البثور, لان الجزر غني بالبيتا كاروتين المعروف انه بيساعد في علاج حب الشباب والبثور, طبقيه يوميا على البشرة.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

6- اسبانيا:

في اسبانيا بيستخدموا شرايح البطاطس للتخلص من الهالات السودا تحت العين, قطعي البطاطس شرايح رفيعة وحطيها تحت العين لمدة 10 دقايق, كرري الوصفة يوميا.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

7- كوريا:

– الزيوت من الحاجات الاساسية اللي بيستخدمها النساء الكوريات لجمال بشرتهم, تدليك البشرة يوميا بزيت جوز الهند او زيت الارجان قبل تطبيق الكريم المرطب, او استخدام الزيوت دي كقناع للبشرة بتسيبيها شوية وبعدين تغسليها.

– استخدام سيروم البشرة ومنتجات البشرة اللي من مكونات طبيعية, النساء الكوريات بيستخدموا السيروم على البشرة بشكل يومي مع الزيوت, والترتيب اللي بيستخدموه لمنتجات العناية بالبشرة في روتينهم اليومي هو السيروم, وبعده الزيت, وبعدين الكريم المرطب.

– من الاسرار اللي بينصح بيها النساء الكوريات انك تبدلي كل فترة منتجات العناية بالبشرة لان بشرتك لما بتتعود على منتج بيبطل يعمل مفعول او تأثير عشان كده الافضل انك تغيري المنتجات كل فترة.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

8- تركيا:

واحدة من اسرار النساء التركيات هو ماسك وغسول السفرجل, لو بشرتك دهنية بشكل خاص الغسول ده يعتبر الاختيار الصح ليكي.

– ماسك السفرجل: هاتي ثمرة سفرجل ابشريها بالمبشرة وضيفي لها بياض بيضة مخفوقة, حطي الخليط على بشرتك ودلكيها تدليك خفيف, وسيبيه لمدة 10 دقايق وبعدين اغسليه بالمية.

– غسول السفرجل: ابشري السفرجل بالمبشرة وصفي منه العصير بتاعه, ودلكي بشرتك بالعصير ده مرتين يوميا الصبح وبالليل.

– استخدام رولر البشرة بيحسن الدورة الدموية, وبيساعد على تحسين الجلد.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

9- فلسطين:

النساء بيستخدموا ملح البحر كسكراب للبشرة لازالة السموم, اخلطي ¼ كوباية من ملح البحر مع 400 مل اعشاب بحرية مطحونة “هنلاقيها عند العطار” ونضيف عليهم اي زيت تدليك ممكن نستخدم زيت زيتون, و10 نقط زيت لافندر, هنقلب المكونات مع بعض كويس ونعمل بيها سكراب للبشرة والجسم.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

10- الصين:

من المشروبات اللي بيستخدمها النساء في الصين وبتأثر بشكل ايجابي على بشرتهم وبتساعد على تطهير البشرة هو شاي الاعشاب مع التوت, اعملي شاي اعشاب ممكن بابونج او نعناع او شاي اخضر وحطي التوت في برد الشاي وسيبيه لمدة متقلش عن 10 دقايق, وبعدها اشربي منه, التوت غني جدا بفيتامين C ومضادات الاكسدة والاحماض الامينية والكاروتينات.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

11- الهند:

الهنديات بيستخدموا ماسك العسل والليمون لعلاج ندبات البشرة وتنقيتها من اي عيوب, وتهدئة الجلد.

اخلطي معلقة كبيرة عصير ليمون مع معلقة كبيرة عسل نحل قلبيهم مع بعض كويس, ادهني بشرتك بالخليط سيبيه من 20 – 30 دقيقة, كرري الوصفة يوميا وهتلاحظي الفرق بعد اسبوع واحد بس من استخدامها.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

12- روسيا:

النساء الروسيات بيستخدموا سكراب الشوفان لتطهير البشرة وتقليل حجم المسام.

اخلطي معلقتين من دقيق الشوفان مع معلقة عسل نحل ومعلقة زيت لوز حلو او زيت جوز هند او زيت زيتون اي نوع تفضليه اكتر, قلبيهم مع بعض كويس هيبقى عندك خليط سميك ولزج, افركي بشرتك بالخليط في حركات دائرية لمدة دقايق وبعدين اغسليه بالمية.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

13- اليونان:

– النساء في اليونان بيعتمدوا على الاكل الصحي بياكلوا فاكهة وخضروات كتير غنية بالمواد المضادة للاكسدة, وبيدخلوا في نظامهم الغذائي الاسماك الغنية بالاوميجا 3 واميجا 6 الاحماض الدهنية.

– استخدام البخار, اغلي كوبايتين مية وضيفي لهم 2 معلقة كبيرة بابونج, غطي راسك بفوطة وخلي البخار يطلع على بشرتك لمدة 20 دقيقة, بعد البخار استخدمي سكراب عشان يديكي نتايج احسن.

-مكعبات التلج بيستخدموها على البشرة لانها بتساعد تحفيز الكولاجين الطبيعي في البشرة والالياف المرنة, وبتحسن البشرة, افركي بيها البشرة كل يوم الصبح.

– ماسك الكركم, الماسك ده ليه خصائص مضادة للبكتيريا وييعتبر مطهر قوي للبشرة, اخلطي معلقة كركم مع معلقة عسل نحل, وحطي الخليط على البشرة وسيبيه 20 دقيقة وبعدين اغسليه بالمية, كرريه مرتين في الاسبوع.

– من الحاجات اللي بستخدموها كمان تدليك البشرة بزيت الزيتون, بيساعد على ترطيب وتنعيم البشرة وبيخلي صحية.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

14- مصر:

– ماسك الطين الابيض من الماسكات اللي بتساعد على تطهير وتغذية وتبييض البشرة, اخلطي الطين مع مية الورد لحد ما يكون عندك خليط قوامه معقول مش سايل ولا سميك, حطيه على البشرة وسيبيه ينشف وبعدين اغسليه بالمية.

– جل صبار الالوفيرا, بيساعد على ترطيب البشرة وبيغذيها وبيحميها من الشيخوخة المبكرة, وبيساعد على استعادة توازن الرطوبة في خلايا البشرة, ممكن نستخدم الكريمات اللي داخل في مكوناتها الوفيرا, او نستخدمه خام على البشرة ندهنها بيه كل يوم بالليل..ممكن تشوفوا من هنا 20 وصفة مذهلة للبشرة والشعر باستخدام جل الالوفيرا.

اسرار جمالية للعناية بالبشرة من النساء حول العالم
اسرار جمالية للعناية بالبشرة من النساء حول العالم

7 زيوت هتغير مظهرك في 7 ايام بس

7 زيوت هتغير مظهرك في 7 ايام
7 زيوت هتغير مظهرك في 7 ايام