7 طرق علمية فعالة ومضمونة للتخلص من التجاعيد
اكيد مع التقدم في السن بتبدأ تظهر تجاعيد على البشرة, ده غير ان في بنات ممكن تظهر عندهم تجاعيد مبكرة بسبب عوامل كتير اوي منها قلة الاهتمام بالبشرة او عدم النوم كفاية او بسبب المكياج الكتير وغيرها من الاسباب اللي ممكن تأدي لظهور التجاعيد, عشان كده النهاردة جايبين لكل بنات حوا طرق فعالة للتخلص من التجاعيد وتأخير ظهورها وكلها حاجات بسيطة لكن لو مشينا عليها في روتينا اليومي هتفرق جدا في بشرتنا.
طرق فعالة للتخلص من التجاعيد:
1- حطي مخدات تحت الذراعين قبل النوم:
قبل ما تنامي حطي مخدة تحت كل ذراع الطريقة دي هتمنع تجاعيد الثدي, والنوم على الضهر يمكن يعتبر من اصعب وضعيات النوم اللي ممكن نتعود عليها, لكن في خلال اسابيع من النوم بالطريقة دي هتبدأي تتعودي وهتلاحظي بعدها فرق ملحوظ وتحسن على بشرتك.
والدراسات اثبتت ان الطريقة دي في النوم بتحسن كفاءة النوم وبتخليكي تنامي بشكل احسن, وكمان هتخلصك من آلام الضهر لو بتعاني منها.
2- حطي حاجات حواليكي وانتي نايمة:
ممكن تكون الطريقة دي غريبة شوية لكن فعالة جدا في منع التجاعيد, لاننا اكيد كلنا اثناء النوم بنتقلب ونغير وضعية نومنا وهنلاقي ان بعض وضعيات النوم بتكون مش مريحة وده ممكن يسبب لنا التجاعيد.
عشان كده حاولي انك تحطي حواليكي حاجات تخليكي تحافظي على وضعية النوم ومتتقلبيش لوضع تاني, زي مثلا مخدات, فوط, اي حاجة تبقى جنبك بالطول تمنع انك تغيري وضعية النوم.
3- حطي مخدة تحت الركبتين:
حطي مخدة تحت منطقة الركبتين قبل النوم الفرق اللي بتعمله المخدة ما بين الساق ومستويات الجسم ده بيحسن تدفق الدم وهيساعد على منع التجاعيد, وهيعالج الم الركبتين, والطريقة دي مفيدة جدا بشكل خاص للاشخاص اللي بيمشوا كتير.
4- حطي فوطة تحت راسك:
راسك لازم تاخد وضع مريح وانتي نايمة, عشان كده الافضل انك تنامي على مخدة طبية اللي بتكون معمولة مخصوص لتجنب آلام الرقبة ولو مش متوفرة ممكن تبرمي فوطة وتحطيها تحت راسك.
5- اختاري المراتب الصحيحة:
المراتب الناعمة ممكن تكون مريحة لكتير من الاشخاص لكن الدراسات اثبتت ان المراتب الصلبة افضل بكتير للعمود الفقري, ولتدفق الدم, ومنع التجاعيد.
6- اختاري الملابس الداخلية الصحيحة:
يمكن مش كتير من البنات يعرفوا ان دلوقتي في محلات الملابس الداخلية بقت تنزل انواع حمالات صدر مضادة للتجاعيد بيكون شكلها زي حمالة الصدر الرياضية لكن مصنوعة من القطن الناعم وملمسها مريح.
والبرا دي معمولة من جوه بطريقة معينة عند منطقة فرق الصدر بحيث انها متمتصش اي كريم مرطب او لوشن للجسم وبالتالي ده هيحمي بشرتك, والميزة في النوع ده انك ممكن تنامي بيه عادي وهيكون مريح ومافيش منه اي ضرر.
7- الترطيب دايما مهم:
خطوة بسيطة جدا لكن اكيد ليها تأثير على البشرة, خلي الترطيب دايما في روتينك اليومي ادهني البشرة بالكريم كل يوم الصبح وبالليل قبل النوم, لان ثبت بالدراسات ان 90% من الحالات اللي بتظهر فيها التجاعيد بسرعة او بشكل مبكر بيكون بسبب قلة الرطوبة في البشرة.