أفكار ملابس صيف كاجوال بألوان مختلفة للمحجبات casual colorful summer wear

آية حسان
آية حسان
5590

مفيش بنت فينا مابتبقاش عايزة تظهر كل مرة بشكل أنيق و neat   ويبقى الستايل بتاعها فريد ومختلف ومش شبه حد خصوصا لو كانت محجبة لانه لبس المحجبات فى الصيف بيبقي شوية صعب واكيد اكتر حاجة بتضايقنا انه لما نلبس حاجة “خصوصا لو جديدة” نلاقيها منتشرة والناس كلها لابساها ! علشان كده مهم جدا انه يبقى ليكى ستايلك الخاص بيكى اللى مش شبه حد .. حتى لو كان على الموضة! طيب ازاى تحققى ده ؟ احنا هنساعدك فى المقال ده بشوية نصايح وافكار تساعدك تعملى لوك unique  و مختلف و برده يبقى على الموضة ويناسب حجابك ، شوفى معانا أفكار ملابس صيف كاجوال بألوان مختلفة للمحجبات..

أفكار ملابس صيف كاجوال بألوان مختلفة للمحجبات casual colorful summer wear  

من شوية سألنا ازاى تقدرى تعملى لوك مميز ومختلف ؟ الاجابة على السؤال بسيطة وسهلة و هى ” لمستك الشخصية على اى لوك بتعمليه” لانه من غيرها مش هتوصلى للوك المتميز الخاص بيكى اللى بتحلمى بيه، الموضوع مش بس انك تبقى بتابعى الموضة و تحدثى دولابك تبع اخر الـ fashion trends  وانك تشترى الهدوم الجديدة و الشيك لازم يبقى الستايل اللى بتعمليه بيشبهك وبيشبه شخصيتك و اهتماماتك وذوقك فى اللبس. اللمسة الشخصية دى هى اللى هتخلى الستايل بتاعك مميز و distinguished   و كل الناس من حواليكى هتاخد بالها من الستايل المميز اللى هتعمليه ، وبما اننا فى سيزون الصيف دلوقتى فهنركز فى المقال ده على الستايلات الصيفى علشان تقدرى تعملى لوك حلو وماحصلش !

الأول خلينا نعرف مع بعض شوية نصايح …

هنشوف مع بعض collection  بتعكس الوان الربيع المشرقة اللى ممكن تلبسيها فى تفصيلة صيفية زى الفساتين الماكسي اللى تقدرى تلبسيها مع اى بلوزة تفضليها علشان تعملى لوك شيك وانثوى.

– مهم انك تختارى من الالوان اللى يناسبك وترتاحيله اكتر حتى لو ماكنتش الالوان اللى هتختاريها هى اللى مسيطرة على الموضة، ومهم الالوان تناسب  tone  بشرتك وتخليكى مرتاحة ومبسوطة فى اى وقت تلبسيها.

– برده مهم انك ماتخافيش من تجربة الالوان الجديدة و الجريئة اللى ممكن تدمجيها مع neutral colors  علشان تعملى stylish look  .

– وكمان ماتتردديش انك تجربى قطع ملابس بقصات او تفصيلات غريبة عليكى زى مثلا لو لقيتى فستان معاه جاكت بقصة جديدة لكن شكله حلو و ممكن يتناسب مع ستايلك يبقى جربيه حتى لو اصحابك فكروا انه غريب ومختلف، ماتخافيش من التجربة.

ودلوقتى خلينا نشوف صور لكوليكشن يلهمك علشان تختارى منه لوك الصيف اللى مليان ألوان ، خلينا نشوف سوا أفكار ملابس صيف كاجوال بألوان مختلفة للمحجبات..

شوفى معانا كمان قطع الملابس الـ trendy لموضة المحجبات فى ربيع 2017 ..

مقالات متعلقه

الصيف يعني لبس خفيف وعملي.. اعرفي ازاي تلبسي كاجوال في الصيف

الصيف يعني لبس خفيف وعملي.. اعرفي ازاي تلبسي كاجوال في الصيف

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي