8 طرق تختاري بيهم الشوز المناسب مع اللبس

ريهام محمود
ريهام محمود
7920

اختيار الشوز المناسب مع اللبس من الخطوات المهمة اللي بتكمل اللوك بتاعنا, بس كتير من البنات بيحتاروا ازاي يختاروا الشوز الصح اللي يليق مع اللبس مع كل الستايلات والالوان اللي بتكون موجودة قدامنا في المحلات, عشان كده النهاردة هنساعد بنات حوا في المهمة دي وهنقولكم ازاي تختاروا الشوز المناسب مع اللبس باكتر من طريقة.

اختيار الشوز المناسب مع اللبس:

1- الاختيار حسب اللون:

– اختاري لون الشوز اللي يكمل لبسك:

لو لابسة الوان جريئة او مشرقة اوي البسي شوز اسود بكعب او فلات, لانك لو لبستي شوز بنفس اللون بلون جريء هيطلع اللوك اوفر زيادة عن اللزوم, وممكن تلبسي شوز بالوان نيود او محايدة, وتقدري تلبسي اي ستايل تفضليه بس المهم هو اختيار اللون الصح.

اختيار الشوز المناسب مع اللبس 1
اختيار الشوز المناسب مع اللبس 1

– ضيفي حيوية للوك بلبس لون شوز مشرق:

لو انتي لابسة حاجة بلون اسود او بني او لون من الالوان المحايدة يبقى هنا انتي محتاجة تضيفي لمسة مشرقة للوك بتاعك يبقى تلبسي شوز بلون مشرق وجريء, ممكن تجربي تلبسي شوز بستايل غير تقليدي او Funky زي جلد التمساح على بلوزة بسيطة مع بنطلون عادي او جينز.

اختيار الشوز المناسب مع اللبس 2
اختيار الشوز المناسب مع اللبس 2

– اختاري شوز بلون واحد من الوان لبسك لو لابسة لبس مشجر او متعدد الالوان:

لو لابسة بلوزة مشجرة او بنمط هندسي فيها اكتر من لون, يبقى هنا تختاري لون واحد من الالوان اللي في البلوزة تختاريه يكون هو لون الشوز, يعني مثلا لو لابسة ارجواني ووردي يبقى هنا ممكن الشوز يكون ارجواني غامق وهكذا في اي لون تختاري على الاساس ده.

اختيار الشوز المناسب مع اللبس 3
اختيار الشوز المناسب مع اللبس 3

– اتجنبي مطابقة الالوان:

اتجنبي ان اللوك بتاعك كله يبقى بنفس اللون, يعني مثلا لو لابسة بلوزة زرقا مع جيبة زرقا اتجنبي انك تلبسي الشوز بنفس اللون, في الحالة دي الشوز لازم يكون بلون مختلف يمشي مع الوان لبسك وتكملها.

اختيار الشوز المناسب مع اللبس 4
اختيار الشوز المناسب مع اللبس 4

– البسي درجة مختلفة من درجات الوان اللبس:

ممكن تلبسي الشوز بدرجة مختلفة من نفس لون اللبس, يعني لو لابسة بلوزة بينك فاتح جربي البسي عليها لون بينك غامق بدل ما تلبسي نفس درجة لون لبسك.

اختيار الشوز المناسب مع اللبس 5
اختيار الشوز المناسب مع اللبس 5

– البسي الالوان التقليدية للوك الرسمي:

البسي شوز جلد كلاسيك بني او اسود للشغل او للوك الرسمي عموما, كمان اللون الرمادي او الازرق الفاتح هيكونوا مناسبين جدا, ممكن تدمجي الوان تانية على حسب مستوى رسمية الشغل او المكان اللي انتي فيه.

اختيار الشوز المناسب مع اللبس 6
اختيار الشوز المناسب مع اللبس 6

2- الاختيار حسب الموسم:

– خليكي مرنة في الربيع:

في فصل الربيع لانه بيبقى انتقال من الشتا للصيف والجو بيكون متقلب ومش مستقر في الحالة دي خليكي مرنة ما بين الشوزات الشتوية والصيفية.

اختيار الشوز المناسب مع اللبس 7
اختيار الشوز المناسب مع اللبس 7

– شوزات مفتوحة للصيف:

الصيف موسم البحر والانطلاق هنبقى محتاجين حاجات خفيفة ومفتوحة, اعتمدي على لبس الصنادل والسابوهات او ال Espadrilles.

اختيار الشوز المناسب مع اللبس 8
اختيار الشوز المناسب مع اللبس 8

– الشوز المناسب للخريف:

في موسم الخريف تقدري بردو تكوني مرنة حسب الجو لحد ما تحولي دولابك للشتا, اتجنبي الصنادل والسابوهات والستايلات المفتوحة لانها هتبقى مش مناسبة مع الاقمشة التقيلة والوان الخريف.

اختيار الشوز المناسب مع اللبس 9
اختيار الشوز المناسب مع اللبس 9

– اختاري الشوزات العملية للشتا:

موسم الشتا تقدري تعتمدي على الشوزات العملية ال Loafers او اللي من غير كعب, والفلات, والبوت, واتأكدي ان الكعب عريض عشان متتزحلقيش بيه في الشتا.

اختيار الشوز المناسب مع اللبس 10
اختيار الشوز المناسب مع اللبس 10

3- الاختيار حسب الكعب:

– ال Stiletto Heels او الكعب الرفيع:

الكعب الرفيع بيتميز انه بيدي طول للساقين, ومناسب جدا انه يتلبس مع ال Pencil Skirt او البنطلونات ال Slim هتديكي طول اكتر ورشاقة لشكل الساقين.

اختيار الشوز المناسب مع اللبس 11
اختيار الشوز المناسب مع اللبس 11

– ال Low Heels او الكعب المنخفض:

الكعب المنخفض او الصغير زي ستايل ال Kitten مناسبة جدا للوك الرسمي والشغل اكتر من الخروج بعد الضهر او بالليل.

اختيار الشوز المناسب مع اللبس 12
اختيار الشوز المناسب مع اللبس 12

– اتجنبي الشوز مع الاشرطة لو رجليكي قصيرة:

لو رجلك قصيرة اتجنبي انك تلبسي الشوز اللي باشرطة بتلف على الرجل لانه هيزود قصر الرجل اكتر.

اختيار الشوز المناسب مع اللبس 13
اختيار الشوز المناسب مع اللبس 13

– اتجنبي الكعب اللي بيزيد ارتفاعه عن 4 بوصات لو رجلك قصيرة:

برغم ان الكعب ممكن يدي طول للساقين لكن الكعب المرتفع زيادة عن اللزوم بيخلي عضلة الساق مرنة اكتر, وده هيبين الساق اقل رشاقة وبالتالي هتبان اقصر.

اختيار الشوز المناسب مع اللبس 14
اختيار الشوز المناسب مع اللبس 14

– البسي الكعب البيضاوي او المريع لو رجلك كبيرة:

لو مقاس رجلك كبير يبقى البسي الكعب العريض من قدام اللي واخد شكل بيضاوي او مربع واتجنبي الكعب المدبب او الرفيع لانه ممكن يبين رجلك بشكل اكبر اكتر.

اختيار الشوز المناسب مع اللبس 15
اختيار الشوز المناسب مع اللبس 15

– اتجنبي لبس الكعب العالي اوي او بستايل ال Strappy في الشغل:

اتجنبي انك تلبسي الكعب العالي اوي او الشوز بستايل Strappy في الشغل, انسب حاجة للشغل اوللوك الرسمي هو الكعب المتوسط والمنخفض وحافظي انه يكون مقفول من قدام.

اختيار الشوز المناسب مع اللبس 16
اختيار الشوز المناسب مع اللبس 16

– البسي الكعب للمناسبات ال Formal وال Semi Formal:

في المناسبات الرسمية وشبة الرسمية البسي شوز بكعب سواء مفتوح او مقفول من قدام, ممكن تلبسي للمناسبات الرسمية شوز بكعب مقفول من قدام, وللمناسبات شبه الرسمية ممكن تلبسي المفتوح من قدام او استايل ال Strappy.

اختيار الشوز المناسب مع اللبس 17
اختيار الشوز المناسب مع اللبس 17

– حاولي تلبسي كعب مع ملابس كاجوال عشان تضيفي لمسة انيقة:

حاولي من وقت للتاني تلبسي كعب على اللبس الكاجوال اليومي عشان تديه لمسة انيقة, ممكن تلبسي الكعب الرفيع على بنطلون جينز وتيشرت مناسب.

اختيار الشوز المناسب مع اللبس 18
اختيار الشوز المناسب مع اللبس 18

4- اختيار الصنادل:

– البسي صندل بكعب منخفض للوك مريح وانثوي:

جربي تلبسي الصندل بكعب منخفض للوك مريح وانثوي, وتقدري تلبسيه على اي طول جيبة سواء قصيرة او ميدي او طويلة, او اي طول بنطلون.

اختيار الشوز المناسب مع اللبس 19
اختيار الشوز المناسب مع اللبس 19

– البسي صنادل بستايل Strappy بكعب عالي مع الفستان الاسود:

جربي تلبسي صندل Strappy بكعب عالي مع الفستان الاسود او مع اي Outfit مناسب للخروج بالليل هيخلي الساقين يظهروا بشكل اطول.

اختيار الشوز المناسب مع اللبس 20
اختيار الشوز المناسب مع اللبس 20

– البسي ال Flip Flop على اللبس الكاجوال القصير:

ال Flip Flop مناسب جدا انك تلبسيه على اللبس الكاجوال القصير على البحر, ويفضل انك تلبسي النوع ده على البحر بس او للمهام السريعة.

اختيار الشوز المناسب مع اللبس 21
اختيار الشوز المناسب مع اللبس 21

– البسي ال Walking Sandals مع اللبس الكاجوال:

البسي ال Walking Sandals او صندل المشي مع اللبس الكاجوال والشورتات والبنطلونات ال Capri او الفساتين القصيرة والميدي, لكن اتجنبي انك تلبسيها مع اللبس الانيق.

اختيار الشوز المناسب مع اللبس 22
اختيار الشوز المناسب مع اللبس 22

– البسي الصنادل الكعب عشان تدي لمسة انيقة للبس الكاجوال:

جربي البسي الصنادل اللي بكعب مع اللبس الكاجوال عشان تديه لمسة انيقة, ممكن تجربي تلبسي صندل بكعب Kitten مع جيبة جينز مع بلوزة مناسبة.

اختيار الشوز المناسب مع اللبس 23
اختيار الشوز المناسب مع اللبس 23

5- اختيار الشوز الفلات:

– البسي الفلات مع اللبس اللي على الركبة او فوق الركبة, او البنطلونات ال Capri او البرمودا:

الشوز الفلات مناسب جدا انك تلبسيه مع اللبس القصير عند الركبة او فوق الركبة او البنطلونات ال Capri اللي بتكون قصيرة شوية او البنطلونات البرمودا, واتجنبي انك تلبسي الفلات مع الجيبات الطويلة لان الفلات مع الماكسي هيطلع اللوك بتاعك Dowdy او مبهدل, الافضل انك تلبسي عليها كعب مرتفع شوية.

اختيار الشوز المناسب مع اللبس 24
اختيار الشوز المناسب مع اللبس 24

– البسي شوز فلات مزخرف او بتفاصيل للمناسبات الكاجوال:

اختاري شوز فلات مزخرف او فيه تفاصيل عشان تدي حياة اكتر للوك بتاعك للمناسبات الكاجوال.

اختيار الشوز المناسب مع اللبس 25
اختيار الشوز المناسب مع اللبس 25

– اتجنبي الفلات مع البنطلون السكيني الا لو منطقة الوركين ضيقة:

اتجنبي انك تلبسي الشوز الفلات مع البنطلون السكيني الا في حالة واحدة بس لو عندك منطقة الوركين ضيقة او مش عريضة لانه هيخلي الساقين مش متناسقين.

اختيار الشوز المناسب مع اللبس 26
اختيار الشوز المناسب مع اللبس 26

– اتجنبي الشوز الفلات الكاجوال في الشغل او الاماكن الرسمية:

اتجنبي انك تلبسي الشوز الفلات في الشغل او في الاماكن الرسمية, الافضل تختاري شوز رسمي جلد اسود او بني.

اختيار الشوز المناسب مع اللبس 27
اختيار الشوز المناسب مع اللبس 27

– البسي الفلات لبعض المناسبات شبه الرسمية:

ممكن للمناسبات شبه الرسمية او الكاجوال زي مثلا حفلة في مكان مفتوح الصبح البسي شوز فلات مزخرف مع فستان كاجوال.

اختيار الشوز المناسب مع اللبس 28
اختيار الشوز المناسب مع اللبس 28

6- اختيار البوت:

– البوت للشتا والخريف بس:

اكيد البوت من الحاجات المناسبة لفصل الشتا والخريف بس لانها بتدفي الرجل من الجو البارد.

اختيار الشوز المناسب مع اللبس 29
اختيار الشوز المناسب مع اللبس 29

– البوت القصير بكعب رفيع مع البنطلون ال Boot Cut او ال Straight Legged او البنطلون الغامق:

البوت القصير اللي بكعب رفيع انسب حاجة انه يتلبس مع البنطلون ال Boot Cut او ال Straight Legged اللي بيكون رجله وسع واحد او البنطلون الغامق لانه هيدي طول للساقين, وكمان الستايل ده من البوت مناسب جدا مع الاقمشة التقيلة.

اختيار الشوز المناسب مع اللبس 30
اختيار الشوز المناسب مع اللبس 30

– البسي بوت بكعب عريض للوك انيق وعملي:

لو عايزة تضيفي لمسة انيقة واستايلش للوك بتاعك وعملية في نفس الوقت وتحميكي انك تتزحلقي بيه في الشتا يبقى انسب اختيار هو بوت بكعب عريض, لكن ستايل الكعب العريض مش هيديكي طول للساقين زي اللي بيديه الكعب الرفيع.

اختيار الشوز المناسب مع اللبس 31
اختيار الشوز المناسب مع اللبس 31

– ابعدي عن ستايل البوت اللي ممكن يقصر الرجل:

البوت الطويل اللي بيكون لحد الركبة مناسب تقريبا لمعظم البنات لان المعظم تقريبا بيبقى عندهم منطقة تحت الركبتين رفيعة, والستايل ده من البوت مناسب جدا للجيبات والفساتين.

اختيار الشوز المناسب مع اللبس 32
اختيار الشوز المناسب مع اللبس 32

– البسي ال Rain Boots لايام المطر:

طبعا انسب حاجة للايام اللي بيكون فيها مطر هو ال Rain Boots, والبسي البوت العادي او الانيق للايام العادية اللي مش بيكون فيها مطر.

اختيار الشوز المناسب مع اللبس 33
اختيار الشوز المناسب مع اللبس 33

7- اختيار الشوز ال Oxfords او ال Loafers:

– البسي الشوز ال Oxfords و ال Loafers للمكتب:

البسي الشوز ال Oxfords و ال Loafers في الشغل او المكتب لان شكله محافظ ومناسب للاماكن الرسمية, ومناسب تقريبا لاي مهمة رسمية, وممكن تلبسيه مع البنطلونات او الفساتين او الجيبات.

اختيار الشوز المناسب مع اللبس 34
اختيار الشوز المناسب مع اللبس 34

– البسي ال Loafers بكعب منخفض مع الجيبة:

الشوز ال Loafers بكعب منخفض مناسب جدا انه يتلبس مع ال Pencil Skirt بطول متوسط عند الركبة او مع ال A-Line Skirt.

اختيار الشوز المناسب مع اللبس 35
اختيار الشوز المناسب مع اللبس 35

– ال Oxford مع البنطلون:

الشوز ال Oxford سواء فلات او بكعب منخفض مناسب جدا انه يتلبس على البنطلون.

اختيار الشوز المناسب مع اللبس 36
اختيار الشوز المناسب مع اللبس 36

8- اختيار السنيكرز والاحذية الرياضية:

– البسي السنيكرز وقت الرياضة:

اكيد السنيكرز والاحذية الرياضية هي مناسبة اكتر لوقت الرياضة, يعني لو مثلا رايحة تجري البسي ال Running Shoes بنعل رياضي عشان يبقى مريح ليكي.

اختيار الشوز المناسب مع اللبس 37
اختيار الشوز المناسب مع اللبس 37

– البسي الاحذية الرياضية مع الملابس الرياضية:

اكيد انسب لبس يمشي مع الاحذية الرياضية هي الملابس الرياضية.

اختيار الشوز المناسب مع اللبس 38
اختيار الشوز المناسب مع اللبس 38

– متلبسيش الاحذية الرياضية مع ملابس غير رياضية:

اتجنبي انك تلبسي ال Running Shoes او اي احذية رياضية مع لبس غير رياضي او مع لبسك اليومي العادي .

اختيار الشوز المناسب مع اللبس 39
اختيار الشوز المناسب مع اللبس 39

– البسي الاحذية الرياضية المفتوحة من ورا للمهام اليومية:

ممكن تلبسي الاحذية الرياضية اللي بتكون مفتوحة من ورا للمهام اليومية السريعة, لو مثلا رايحة مكان قريب تشتري حاجة, او بتعملي مهمة سريعة جنب البيت, يعني اي مهمة سريعة وقريبة منك.

اختيار الشوز المناسب مع اللبس 40
اختيار الشوز المناسب مع اللبس 40

5 ستايلات للشوز الكاجوال هتخليكي تباني اطول وشيك

5 ستايلات للشوز الكاجوال هتخليكى تبانى أطول وشيك فى 2017
5 ستايلات للشوز الكاجوال هتخليكى تبانى أطول وشيك فى 2017

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا