9 حيل للبس حمالة الصدر بشكل مثالي مكنتيش تعرفيهم قبل كده !

بقلمريهام محمود فيموضة وأزياء visibility90129

حمالة الصدر تعتبر من اهم القطع في دولابنا اللي بنلبسها تقريبا بشكل يومي, ومزاجنا وثقتنا في نفسنا بتعتمد بشكل كبير على البرا او حمالة الصدر المناسبة, عشان كده النهاردة هنقول لكل بنات حوا نصايح و حيل للبس حمالة الصدر بشكل مثالي هتخليكي مرتاحة وعندك ثقة بنفسك اكتر وانتي لبساها.

حيل للبس حمالة الصدر بشكل مثالي:

1- عشان البرا متنزلش او تتحرك من مكانها:

عشان ال Strapless Bra او البرا اللي من غير حمالات متنزلش او تتزحلق او تتحرك من مكانها وانتي لبساها وتبقي مش مرتاحة, خدي الحمالة اشبكيها في الجزء الخلفي من البرا وبعدين مرريها تحت منطقة الصدر واشبكيها الناحية التانية في الحمالة من ورا, الطريقة دي هتثبته وتخليه ميتحركش من مكانه.

حيل للبس حمالة الصدر بشكل مثالي
حيل للبس حمالة الصدر بشكل مثالي
حيل للبس حمالة الصدر بشكل مثالي
حيل للبس حمالة الصدر بشكل مثالي

2- اعملي Push UP مثالي:

عشان تعملي Push UP للصدر وترفعيه بطريقة مثالية وصح استخدمي ال Cup السيليكون اللي بيلزق على الجسم حطيه بطريقة رأسية تحت وجنب الصدر مش افقية زي الطريقة المعتادة, وهنلاقي ال Push Up السيليكون في محلات الملابس الداخلية.

حيل للبس حمالة الصدر بشكل مثالي
حيل للبس حمالة الصدر بشكل مثالي

3- امنعي احتكاك الحمالة بالجلد:

لو حمالة البرا بتعمل احتكاك في الجلد وبتضايقك ممكن تستخدمي Pad سيليكون حطيها تحت الحمالة عند منطقة الكتفين هتمنع الاحتكاك وهتريحك اكتر وانتي لابساها, والقطعة السيليكون دي هنلاقيها في محلات الملابس الداخلية.

حيل للبس حمالة الصدر بشكل مثالي
حيل للبس حمالة الصدر بشكل مثالي

4- البسي الفستان اللي من غير حمالات بشكل مريح اكتر:

لو عندك مناسبة او سهرة ولابسة فستان من غير حمالات اكيد هتحتاجي تلبسي برا من غير حمالات عشان متبقاش باينة من الفستان, وعشان تحلي المشكلة دي بطريقة بسيطة قصي الجزء اللي قدام من البرا وخيطيه في صدر الفستان.

حيل للبس حمالة الصدر بشكل مثالي
حيل للبس حمالة الصدر بشكل مثالي

5- ازاي تظبطي مقاس الحمالة عليكي:

المقاس المناسب للحمالة تحدديه هو انك تقدري تحطي صوباعين فوق بعض تحت الحمالة عند منطقة الكتف, ده هيبقى المقاس المناسب والمريح بالنسبة لك.

حيل للبس حمالة الصدر بشكل مثالي
حيل للبس حمالة الصدر بشكل مثالي

6- لرفع الصدر:

لو عايزة ترفعي الصدر اكتر او يبقى شكله احلى, ببساطة اعملي حمالات البرا Cross او عكس بعض من ورا, ده هيساعد انه يرفعه اكتر.

حيل للبس حمالة الصدر بشكل مثالي
حيل للبس حمالة الصدر بشكل مثالي

7- ازاي تدعمي او تحسني شكل حمالة الصدر الدانتيل:

البرا الدانتيل من الانواع الناعمة والانثوية جدا وبتبقى مريحة في اللبس لكن في نفس الوقت مش بتدي الصدر الشكل المثالي او بتديه حجم, وعشان نحسن شكله ممكن نضيف له Cup السباحة اللي بيبقى موجود في المايوه جوه البرا, وممكن نستخدم الشريط اللاصق الخاص بالملابس عشان نثبته في البرا وميتحركش من مكانه.

حيل للبس حمالة الصدر بشكل مثالي
حيل للبس حمالة الصدر بشكل مثالي

8- لو بتعاني من الفتحات اللي بين الزراير:

كتير من البنات بيعانوا من مشكلة فتحات القميص او البلوزة اللي بين الزراير خصوصا البنات اللي حجم الصدر عندهم كبير, وعشان نتخلص من المشكلة دي ممكن نستخدم الشريط اللاصق اللي بوجهين الخاص بالملابس “double-sided sticky tape” نحطه في الاماكن اللي بين الزراير هتمنع انها تتفتح.

حيل للبس حمالة الصدر بشكل مثالي
حيل للبس حمالة الصدر بشكل مثالي

9- طريقة مريحة لتخزين حمالات الصدر:

طريقة بسيطة ومريحة لتخزين حمالات الصدر بتاعتك, انك تحطيهم على شماعة عادية زي الطريقة اللي في الصورة دي عشان البرا ميفقدش شكله او ال Cup بتاعه يبوظ من التطبيق, وفي نفس الوقت هيبقى في متناول ايدك بسهولة.

حيل للبس حمالة الصدر بشكل مثالي
حيل للبس حمالة الصدر بشكل مثالي

ازاي تختاري حمالة الصدر المناسبة

حمالة الصدر المناسبة
حمالة الصدر المناسبة