نصايح لأصحاب الجسم النحيف: ازاى تلبسي طبقات علشان تبانى مليانة اكتر

اصحاب الجسم النحيف بيعانوا جدا من انه كل الهدوم بتبان عليهم مش مظبوطة و بيحسوا شكلهم flat ومفيش حاجة حلوة عليهم، فى المقال ده هنقولك نصايح لأصحاب الجسم النحيف  من خلال طبقات الهدوم ، يلا خلينا نبدأ على طول … 

نصايح لأصحاب الجسم النحيف: ازاى تلبسي طبقات علشان تبانى مليانة اكتر 

النصيحة الاولى : ألبسي طبقات بطريقة صح 

• مفيش اسهل من انك تلبسي طبقات من الملابس مع بعضها لو عرفتى ازاى تعملى كده صح ، خصوصا لو كنتى skinny جدا وبتدورى على طريقة تبينك fuller  بس in a fashionable way  ، الطريقة الصح هى انك لما تيجى تلبسي بستايل الطبقات هى انك تنقى قطع الملابس اللى هتحدد الـ curves  فى جسمك و تعملى بيها زى makeover  مناسب يغير من شكلك خالص.

النصيحة الثانية : ازاى تلبسي، fashion for skinny girls

علشان تفهمى اكتر نقصد ايه بأنك “تلبسي طبقات” ، يعنى تلبسي زى ما بنلبس ايام الشتاء الساقعة ، اكتر من قطعة ملابس فوق بعضهم، الفكرة كلها انك تلبسيهم بطريقة منظمة علشان تبقى كل القطع باينة و متناسقة مع بعضها ، لكن اكتر حاجة مميزة فى الـ layering technique  انه بيوهم العين انه الجسم مليان اكتر و بيبرز الـ curves اكتر فمش هتحسي انك flat   .بس الحقيقة الموضوع مش بسيط كده، الـ layering  له طرق و تنسيقات وقواعد معينة هنعرفها مع بعض كمان شوية. الفكرة كلها انك تنسقى اكتر من طبقة وتلبسيهم فوق بعض علشان تعملى bundled-up look   وده بيخليكى تقدرى تعملى لوك شيك من غير ما تبذلى مجهود كبير وفى نفس الوقت تحققى الـ fuller look  اللى بتدورى عليه

النصيجة الثالثة : قواعد الـ layering الاساسية، ازاى تلبسي طبقات 

• لسه مكملين نصايح لأصحاب الجسم النحيف ، دلوقتى خلينا نتكلم عن الـ layering rules  او قواعد لبس الطبقات اللى قلنا عليها من شوية، اعرفى معانا ايه اللى المفروض   skinny type girl  تعمله قبل ما تعتمد على الـ technique  ده فى لبسها  :
• 1- ألبسي من 2 لـ 3 طبقات كفاية علشان تبانى fuller ، ممكن توصلى لـ 4، بس ماينفعش تزودى عن كده ابدا ! 
• 2 – دايما اعتمدى على الـ horizontal layering او يعنى انك تعتمدى على ملابس مخططة بالعرض لما تيجي تطبقى نظام الطبقات ، لانه معروف انه الملابس المخططة بالعرض بتبينك اتخن واعرض بعكس الملابس المخططة بالطول اللى بتبينك ارفع. 
• 3 – اختارى خامات قماش ملابسك بعناية، استخدام خامات قماش سميكة فى الطبقات هيفيدك فى انك تبانى مليانة اكتر و هيدى لجسمك شكل حلو. 
• 4- حاولى تختارى انواع قماش مختلفة للطبقات ، مكمن تختارى قماش شفاف او خفيف زى الشيفون او الكريب لطبقة من الطبقات التلاتة او الاربعة وتكون فى الاول.
• 5- سماكة وطول  الطبقات لازم تكون بتزيد من جوه لبره، بمعنى انه قطعة الملابس بأقل الخامات سماكة و الاقصر فى الطول تبقى هى الطبقة الاولى، والقطعة اللى بسماكة اعلى بسيط هى الطبقة الثانية و هكذا لحد ما توصلى لأكثر القطع سماكة فى الطبقة التالتة او الرابعة على حسب عدد الطبقات اللى هتلبسيها ان كانوا 3 او 4 . 
• 6- نوعى فى الالوان والنقشات وانتى بتعملى الطبقات ، وحاولى تبعدى عن الالوان الغامقة اوى والسادة لانها مش هتساعد فى انك تبانى fuller .
• 7- الـ neck lines  الخاصة بالطبقات لازم تكون متناسقة وماشية مع بعضها كويس، والا شكلها هيبان وحش جدا.
• 8- خدى بالك انه طرف طبقة من الطبقات اللى تحت يبان او يبقى طالع لبره لانه ده كمان ممكن يبوظ اللوك بتاعك وبتعتبر اكتر مشكلة شائعة بتقابل اى حد بيعتمد على تكنيك الطبقات فى لبسه، مهم جدا انه يبقى الطرف اللى باين هو طرف الطبقة الاخيرة واللى قبلها بالكتير، لكن مش اكتر من كده . 
• 9-  اوعى تعملى طبقات بهدوم واسعة او فضفاضة خصوصا فى الطبقات اللى تحت، الطبقات لازم تكون بقطع ملابس ضيقة او على الاقل  مقاسك بالضبط . 

النصيحة الرابعة : أفضل طريقة تلبسي بيها طبقات لو كنتى نحيفة الجسم 

آخر نصيحة معانا من  نصايح لأصحاب الجسم النحيف هى انك لما تيجى تلبسي بطريقة الطبقات علشان تدى volume لجسمك وتديله بُعد جديد اتأكدى انك بتلبسي صح، الفكرة كلها انك تدى توازن للوك بتاعك لكن بحذر علشان فى الاخر مايبانش اللوك بتاعك مبهدل او مش مهندم .. دلوقتى هتعرفى معانا كام فكرة ممكن تنفذيهم ..

1- تيشيرت كت سادة او مع بنطلون tight مع كارديجان و denim vest  و جاكت. 

2- تيشيرت منقوش برقبة مفتوحة مع denim jacket .

3- ممكن تيشيرتين مع بعض و winter coat قصير .

4-  توب برقبة عالية مع سويتر و تخلى الرقبة و الاكمام باينين.

5- فستان بسيط منقوش او سادة مع جاكت جينز عليه .

6- دايما يبقى الجاكت او البالطو هو الطبقة الاخيرة . 

شوفى معانا كمان افكار لوك كاجوال سهلة وسريعة للايام اللي بتكوني مكسلة فيها