10 حاجات لازم تكون موجودة في شريك حياتك المناسب

ريهام محمود
ريهام محمود
في
حب
9787

اختيار الشخص المناسب في الوقت المناسب من الحاجات الصعبة اللي بتقابلنا الايام دي وهنلاحظ ان كتير من علاقات الحب بتنتهي باالنفصال والعلاقات الزوجية بتنتهي بالطلاق وده سببه اننا بنختار من الاول الشخص الغلط او اللي بيكون مش مناسب لينا, عشان كده لازم يكون اختيار شريك حياتنا مبني على اسس كتير للاختيار الصح والنهاردة من خلال موضوعنا هنقول لكل بنات حوا 10 حاجات لازم تكون موجودة في شريك حياتك عشان العلاقة بينكم تكون ناجحة وتستمر.

حاجات لازم تكون موجودة في شريك حياتك:

1- دوري على اساسيات مشتركة بينكم:

الاساسيات زي مثلا هتعيشوا فين, هتجيبوا اطفال على طول بعد الجواز ولا هتأجلوا انكم تخلفوا شوية وعدد الاطفال, المعتقدات الدينية والروحية, الامور المالية بينكم هتمشي ازاي, اهداف مشتركة وغيرها من الحاجات الاساسية اللي ضروري تكونوا مشتركين فيها او افكاركم فيها تقريبا شبه بعض.

2- خلي بالك من الشخص المتسرع:

اكيد كل بنت بتدور على الراجل الجد اللي عايز يرتبط بيها في اسرع وقت, لكن كمان الراجل المتسرع زيادة عن اللزوم لازم تكوني حذره منه لانه بيكون من النوع اللي بيغير رايه بسرعة يعني ممكن يقولك النهاردة انه عايز يتجوز ويرتبط ويرجع يغير رايه تاني, عشان كده لازم تختاري الشخص اللي بياخد قرارات بتأني وعدم تسرع.

3- دوري على الشخص اللي بيخليكي تبتسمي وتضحكي:

روح الدعابة والفكاهة مهمة جدا في الشخص اللي هنرتبط بيه او هنكمل معاه باقي حياتنا, دوري دايما على الشخص اللي بيخليكي دايما تضحكي حتى لو مريتي بيوم مش حلو, واللي بيعرف يضحكك وانتي مضايقة ويغير مودك, لان ده اللي هيخليكوا تعدوا اي صعوبات في الحياة مع بعض ده غير انه روح الفكاهة هتكسر ملل الحياة الزوجية.

4- شخص تقدري تتكلمي معاه:

مع التقدم في العلاقة ومرور السنين الصفة دي هتظهر اهميتها اكتر مع ضغوط الحياة والمسئولية لانك هتبقي محتاجة شريك حياة يكون مستمع جيد ليكي ويسمعك في اي وقت تحتاجيه فيه وفي اي ظروف.

حاجات لازم تكون موجودة في شريك حياتك 1
حاجات لازم تكون موجودة في شريك حياتك 1

5- شخص فيه صفات شخصية غير ملموسة:

الصفات الشخصية او اللي هي غير الشكل والمظهر الخارجي زي الكرم, الصدق, النزاهة, التعاطف, اللطف, دي كلها من الصفات المهمة اللي لازم تكون موجودة في شريك حياتك.

6- متختاريش على اساس الانجذاب الجسدي بس:

اكيد الانجذاب الجسدي لشخص تعتبر حاجة مهمة لكن كمان مش هي الاهم اللي نختار على اساسها لان ده ممكن يخليكي تتغاضى عن حاجات تانية في شخصيتة ممكن تكون مش مناسبة ليكي, يعني مقاومة الانجذاب الجسدي وانك تبصي لحاجات اهم فيه من اكتر العلامات اللي ممكن تقولك ان الشخص ده مناسب ليكي.

7- متحكميش من اول مرة:

لما تكوني لسه في اول العلاقة متحكميش على الشخص من البداية اوي لان في البداية العاطفة بتكون هي المسيطرة على حكمنا اكتر وتخلينا نحكم غلط او نتسرع وخصوصا لو هو في البداية كويس معاكي في كل حاجة وده طبيعي لان في اول العلاقات بتكون مافيش مشاكل ومش بتظهر الاختلافات لكن مع مرور الوقت بيبدأ يظهر ده عشان كده متتسرعيش في الحكم غير بعد فترة من العلاقة ولما تكون الصورة بدأت تبقى كاملة وواضحة قدامك.

8- لو مش قادرة تتقبلي حاجة فيه:

لو في حاجة معينة انتي مش قادرة تتقبليها فيه حتى لو كانت حاجة واحدة بس ايا كانت هي ايه سواء صفة شخصية او شكلية او غيرها يبقى اكيد متستمريش في العلاقة او تحاولي تقنعي نفسك بيها بالعافية لان طول ما انتي مش قابلة حاجة معينة يبقى صعب او تقريبا مستحيل الاستمرار في العلاقة دي.

حاجات لازم تكون موجودة في شريك حياتك 2
حاجات لازم تكون موجودة في شريك حياتك 2

9- كوني نفسك ودوري على شخص يحبك زي ما انتي:

خليكي نفسك ودوري على الشخص اللي يحبك زي ما انتي بكل صفاتك وشكلك من غير ما يحاول يغير فيكي حاجة يعني يحبك حب حقيقي بكل عيوبك ومميزاتك وحبه ميتغيرش مهما عملتي.

10- دوري على شخص عاطفي, لطيف, محب:

دوري على الشخص العاطفي والمحب واللطيف مع اللي حوالية, راقبي دايما ازاي بيتعامل مع الناس الاغراب عنه او اللي حواليه بشكل عام ده هيبين لك نوعية شخصيته ايه وطباعه عاملة ازاي.

لو جوزك بيعمل ال15 حاجة دول .. يبقى افضل زوج على الاطلاق

حاجات لو جوزك بيعملها يبقى افضل زوج
حاجات لو جوزك بيعملها يبقى افضل زوج

مقالات متعلقه

5 حاجات هتحصلك لما تقابلي توأم روحك

5 حاجات هتحصلك لما تقابلي توأم روحك

10 حاجات لازم كل اتنين متجوزين يعملوها هتزود الحب بينهم !

10 حاجات لازم كل اتنين متجوزين يعملوها هتزود الحب بينهم !

7 علامات تقولك انك لقيتي الشخص المناسب !

7 علامات تقولك انك لقيتي الشخص المناسب !