بالفيديو والخطوات : ازاى تعملى وصفة شرائح الفراخ بالجبنة الشيدر Cheddar Ranch Chicken Strips

آية حسان
آية حسان
في
مطبخ
1921

زهقتى من الطرق التقليدية لتحضير صدور الفراخ وعايزة تعمليها بطريقة جديدة مبتكرة ، وفى نفس الوقت لذيذة وسريعة وما تتعبكيش، فى المقال ده بنات حوا هتقولك على طريقة وصفة الـ Cheddar Ranch Chicken Strips السريعة و السهلة .. يلا خلينا نبدأ على طول .. 

بالفيديو والخطوات : ازاى تعملى وصفة شرائح الفراخ بالجبنة الشيدر Cheddar Ranch Chicken Strips

الوصفة دى تكفى لخمسة أفراد .

المقادير المطلوبة :

قطعتين صدور فراخ حجمهم كبير.

كوبايتين ونص من الـ buttermilk  او اللبن الرايب. 

باكيت من الـ ranch dressing mix ولو مش متوفر ممكن تستبدليه بأى dressing  او sauce  تفضليه.

شرائح من الجبنة الشيدر. 

3 كوبيات من المقرمشات بطعم الجبنة او الـ cheese crackers .

طريقة التحضير : 

الخطوة الاولى : 

سخنى الفرن على درجة حرارة 225.

الخطوة الثانية : 

قطعى صدور الفراخ لشرائح متساوية . 

الخطوة الثالثة : 

حطى شرائح صدور الفراخ فى بولة او طبق عميق وحطى عليها اللبن الرايب  والـ ranch packet  او الصوص اللى قررتى تستخدميه وقلبيهم كويس اوى لحد ما الفراخ تتغطى بالكامل بمزيج اللبن الرايب والصوص وماهم جبنة شيدر تكونى سيحتيها بسيط على النار.

الخطوة الرابعة : 

غطى الطبق ببلاستيك الطعام وحطيه فى التلاجة على الاقل ساعة.

الخطوة الخامسة : 

اطحنى مقرمشات الجبنة فى الكبة او دقيهم  لحد ما يطحنوا كويس اوى ويبقوا ناعمين . وبعد كده حطيهم فى كيس ممكن يتقفل. 

الخطوة السادسة : 

حطى قطعة قطعة من صدور الفراخ فى الكيس واقفليه كويس وابدأى رجيه لحد ما قطعة الفراخ تتغطى بالكامل بالمقرمشات المطحونة، وافضلى كررى الخطوة دى لحد ما تغطى كل قطع الفراخ. 

الخطوة السابعة : 

بعد ما تخلصى تغطية كل القطع، رصى شرايح الفراخ فى صينية ودخليهم الفرن لحوالى 20 الى 25 دقيقة . 

الخطوة الثامنة : 

بعد تمام النضج قدمى شرايح صدور الفراخ مع بطاطس محمرة وكاتشب او اى صوص تفضليه وبالهنا والشفا :) 

ودلوقتى خلينا نشوف مع بعض فيديو للوصفة كاملة .. 

اعرفى معانا كمان طريقة عمل وصفة مافن البيض بالجبنة المخبوزة فى الفرن

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

طريقة عمل رول البطاطس باللحمة المفرومة والجبنة

طريقة عمل رول البطاطس باللحمة المفرومة والجبنة

وصفة يخنة الفراخ مع السجق الاسبانية السهلة

وصفة يخنة الفراخ مع السجق الاسبانية السهلة