8 عادات بنعملها كل يوم بتتسبب فى تدمير صحتنا !‎

بقلمآية حسان فيصحة visibility5771

انك تتخلى عن العادات السيئة اللى ممكن تكون بتدمر صحتك ممكن يكون حاجة صعبة بسبب تعودك عليها، والموضوع بيبقى اصعب بالذات لو كنا بنعمل عادات معينة وفاكرينها مفيدة وبتنفعنا وهى فى الحقيقة ممكن تكون السبب فى تدمير صحتنا، علشان كده فى المقال ده بنات حوا جايبالك 8 عادات بنعملهم كل يوم فاكرينهم مفيدين وهما فى الحقيقة مش كده .. يلا نعرفهم مع بعض.

8 عادات بنعملها كل يوم بتتسبب فى تدمير صحتنا !‎

  • 1- بتمنعى نفسك انك تعطسي :

 لما بنقفل بقنا او بنقفل الانف علشان نكتم العطسة ومانطلعش صوت واحنا بنعطس دى بتعتبر من اهم العادات اللى بتتسبب فعلا فى تدمير صحتنا ، لانه ضغط الدم للمخ بيضطرب وبالتالى الاوعية الدموية و الاعصاب بتبقى تحت ضغط وده ممكن يسبب الصداع و ضرر للاوعية الدموية وحتى مشاكل فى السمع ، من اول الحاجات اللى لازم تبطلى تعمليها هى انك تمنعى نفسك من انك تعطسي. 

  • 2- استخدام الـ perfume بزيادة :

المركبات والمواد الصناعية غالبا بيتم استخدامها فى معظم الـ perfumes لانها بتخلى الريحة اقوى وكمان بتخليها تدوم لفترات اطول، وطبعا لانها ارخص من الزيوت العطرية الطبيعية . لكن المركبات دى ممكن مع الاستخدام المتزايد تسبب الدوخة و الغثيان و ممكن تسبب هيجان للعين و الحلق والجلد. لو كنتى بتستخدمى الـ perfumes بشكل مستمر ومتزايد يبقى الافضل انك تستخدمى النوع اللى بيبقى اساسه زيوت طبيعية او استخدميها فى اوضة متهوية كويس. 

  • 3- بتستخدمى الموبايل وانتى فى السرير قبل ما تنامى :

الاضاءة الصناعية اللى بتطلع من شاشة التليفون بتتسبب فى انخفاض نسبة افراز هرمون الميلاتونين اللى بينظم ساعات النوم والصحيان بتاعت كل حد فينا. والنسبة القليلة من الهرمون ده ممكن تسبب اكتئاب، امراض القلب،  التخمة، السرطان و ضعف فى جهاز المناعة. علشان كده مهم جدا انك تنامى بدرى فى ميعاد مناسب و ماتمسكيش الموبايل على الاقل قبل النوم بنص ساعة لساعة علشان النوم المتوازن هو المسؤول عن تحسين صحتك. 

  • 4- حفظ الاكل فى علب بلاستيكية:

كتير من العلب البلاستيك المخصصة لحفظ الاكل بيبقى فيها مواد زى الـ phthalate و  bisphenol والمواد دى هى اللى بتخلى البلاستيك مرن ولما الاكل بيفضل فيها مدة طويلة، المواد دى ممكن تتسرب للاكل وتتفاعل معاه و تسبب ضرر للغدد الصماء فى الجسم. علشان كده حفظ الاكل فى علب من الزجاج، السيراميك او الاستانلس ستيل هو الاختيار الافضل والصحى دايما. ولو لازم تحفظى الاكل فى علب بلاستيكية يبقى لازم تاخدى بالك من العلامات اللى فى الصورة دى.

آمن لحفظ المنتجات.

يمكن استخدامه فى الميكروويف.

 يمكن تجميده.

 درجة الحرارة القصوى. 

  • 5- انك بتغسلى اسنانك بعد الاكل مباشرة:

غسيل الاسنان بعد الاكل مباشرة واحد من اكتر العادات الشائعة واللى ممكن تتسبب فى تدمير صحتنا. اطباء الاسنان بينصحوا بغسيل الاسنان بالمعجون بعد على الاقل نص ساعة لساعة من الانتهاء من الاكل . خصوصا وانه الاكل و المشروبات وبالذات اللى بتحتوى على احماض بيبقى ليهم تاثير على مينا الاسنان والطبقة اللى تحتها. وحركة غسيل الاسنان بتخلى الحمض ينزل بشكل اعمق لمينا الاسنان واقرب للطبقة دى وده ممكن يسبب الحساسية الشديدة للاسنان وضرر للمينا على المدى الطويل. 

  • 6- استخدام صابون مضاد للبكتيريا :

عدد كبير جدا من البكتيريا المفيدة بتعيش على سطح الجلد وبتلعب دور فى تقوية مناعة جسمنا، علشان كده لو بتستخدمى الصابون المضاد للبكتيريا بشكل متكرر انتى كده بتعقمى ايديكى وده بيخلق بيئة للبكتيريا الضارة انها تدخل جسمك. اطباء الجلد بينصحوا باستخدام الصابون المضاد للبكتيريا لتطهير الجروح و الخدوش بس لكن ماتستخدميهوش لغسيل ايدكى او تطهيرها اكتر من مرتين فى الاسبوع.

  • 7- لبس الجينز الضيق زيادة عن اللزوم :

  • رغم انه بنطلونات الجينز الضيقة او الـ tight jeans  ممكن تبان شكلها حلو و fashionable  الا انها بتضغط على الجلد و على اطراف الاعصاب، وده هيسبب احساس مستمر بعدم الراحة والوجع البسيط طول ما انتى لابساه وممكن يسبب مشكل فى الجهاز العصبى، و بما انه ضيق فهيسمح بمرور  كمية قليلة اوى من الهوا لرجلك و ده ممكن يسبب الحساسية. 

  • 8- بتشربي عصير فريش كتير:

  • العصير الفريش مهم ومفيد للصحة بس بكميات صغيرة، لانه الكميات الزيادة منه ممكن تسبب ضرر كبير لجسمك، مثلا عصير العنب الفريش غير صحى للناس اللى بتعانى من الوزن الزيادة او مرض السكر ، وبعض العصاير بتحتوى على مواد  او مركبات مثيرة للحساسية علشان كده لازم تاخدى بالك من انواع العصير الفريش اللى بتشربيها و من الكميات.