ازاي تخسي 18 كيلو بسرعة في شهرين بس !
لو فاكرة ان فقدان الوزن معناه انك تجوعي نفسك ده اكيد معتقد غلط لان التخسيس مش معناه اننا نحرم نفسنا من الاكل لكن المهم اننا ننظم اكلنا ونغير اسلوب حياتنا بشوية حاجات هتساعدنا اننا نخسر الوزن, وده اللي هنعرفه النهاردة من خلال موضوعنا هنقول لكل بنات حوا ازاي تخسي بسرعة بطريقة صحية.
ازاي تخسي بسرعة بطريقة صحية:
1- اسلوب حياتك:
– خططي لنظام غذائي تمشي عليه عشان يبقى الموضوع منظم وسهل بالنسبة لك, وانتظمي على التمارين الرياضية.
– اوزني نفسك على ميزان رقمي, اول حاجة الصبح على معدة فاضية عشان يطلع لك نتايج دقيقة, ولما تعرفي وزنك ده هيساعدك انك تمشي على النظام وتعرفي انتي وصلتي لايه وخسيتي قد ايه وفضلك كام كيلو عشان توصلي للوزن المثالي اللي انتي عايزاه.
– حاولي انك تستخدمي السلم بدل الاسانسير في اي مكان تروحي فيه سواء في الشغل او الجامعة او البيت, لان طلوع السلم بيساعد على حرق سعرات حرارية اكتر من استخدام الاسانسير.
– قبل ما تشتري اي اكل مهم جدا انك تقري المكونات اللي عليها وتعرفي عدد السعرات الحرارية والدهون.
– حافظي على كمية السعرات الحرارية اليومية اللي المفروض تدخل جسمك, واحسبيها كويس في كل اكلك سواء في السلطة, وزيوت الطبخ, الصلصات, وحتى المشروبات.
– ارجعي للمراجع الغذائية ومواقع التغذية على النت اللي هتساعدك تحددي كمية السعرات الحرارية في كل اكلة زي الفاكهة والخضروات واللحوم.
– نامي بشكل كافي كل يوم بمعدل 7 ساعات, لان ده هيساعدك يبقى جسمك نشيط واجهزة الجسم بتشتغل بشكل منتظم.
– مارسي هواية تصرف انتباهك عن الاكل في وقت الفراغ, لان دايما لما بنكون فاضيين اول حاجة بنفكر نعملها اننا ناكل عشان كده الافضل تشغل وقتك بحاجة مفيدة, اعزفي اله موسيقية او ارسمي, اقري, اسقي الزرع لو عندك في البيت, او روحي اعملي شوبنج, كل الحاجات دي هتشغلك عن الاكل وتساعدك على خفض السعرات الحرارية.
2- التمارين:
– ضروري تنتظمي على التمارين من 4 – 5 ايام يف الاسبوع, زي تمارين الكارديو اللي بتساعد على زيادة معدل ضربات القلب وحرق سعرات حرارية زيادة وتسريع عملية فقدان الوزن, واكيد مع التمارين لازم تمشي على نظام غذائي صحي.
– الرقص يعتبر من الحاجات اللي بتساعد جدا على حرق السعرات الحرارية, وكمان تمارين الايروبك, حاولي تمارسيهم من 4 – 5 مرات في الاسبوع لمدة 45 دقيقة د هيساعد جسمك انه يفضل محافظ على ال Shape بتاعه.
– الجري, السكوات, القفز, ال Push up, ال Crunches, دي بعض التمارين الروتينية اللي ممكن تمارسيها اللي هتساعد جسمك على العرق وبالتالي ده هيساعد على خسارة الوزن بشكل اسرع.
3- نظام الاكل:
– وجبة فطار كاملة:
وجبة الفطار لازم تكون كبيرة مش عبارة عن كميات صغيرة على فترات, لان الوجبة الكبيرة مرة واحدة في الفطار ده مفيد لكذا سبب اولا هتساعد عملية التمثيل الغذائي تشتغل بشكل اعلى وحرق سعرات حرارية بشكل اسرع وده بالتالي هيأدي لفقدان الوزن اسرع, وتاني حاجة الفطار هو اللي بيمد الجسم بالطاقة والنشاط لباقي اليوم وهيخليكي متحسيش بالجوع لوقت طويل وهتخليكي تبعدي انك ممكن تاكلي اكل مش صحي.
لكن كمان الفطار الكبير او الكامل مش معناه انك تاكلي حاجات دسمة وفيها زبدة او سمنة او زيت كتير لكن كلي الاكلات الصحية زي الشوفان والفواكه.
– وجبة الغدا:
لو زي ما قولنا اكلتي وجبة فطار كاملة ومليتي معدتك كويس يبقى وجبة الغدا تكون خفيفة يعني متاكليش كتير زي الفطار, كمان لازم تحافظي انك تاكلي اكل صحي قليل الدهون.
– وجبات خفيفة صحية ومية كافية:
الوجبات الخفيفة او السناكس اللي بين الوجبات مش معناه انك تاكلي حاجات مقلية ودهون لكن المقصود بيها الفواكه والخضروات لما تحسي بالجوع دي افضل السناكس اللي ممكن تاكليها, وحافظي انك تشربي كمية مية كافية على مدار اليوم ولو بتنسي المية او مش بتشربي منها كتير ممكن تضيف لها نكهات زي شرايح الفاكهة او الليمون او النعناع عشان تشجعي نفسك على شرب كمية مية اكتر.
– كلي عشا منخفض السعرات الحرارية:
وجبة العشا عشان بتكون قبل النوم لازم اننا منمش بمعدة مليانة, ممكن تتعشي فواكه او خضروات وابعدي عن الاكل المقلي ممكن تاكلي حاجات مطبوخة او مشوية او مخبوزة في الفرن وده هيحميكي من السعرات الحرارية الزيادة.
وجبة العشا لازم تكون قبل النوم بساعتين وبعدها تشربي مية بس ومتاكليش تاني, لان الاكل والنوم على طول بشكل مباشر من الحاجات اللي بتأدي لزيادة الوزن.
4- الاكلات اللي تتجنبيها:
– تقليل السعرات الحرارية:
النظام الغذائي بيلعب دور اساسي في فقدان الوزن, مهم اننا ناكل بكميات معقولة لكن منجوعش نفسنا لان ده هيزود الرغبة في الاكل واكل كميات اكتر.
– تقليل السكر:
حاولي تقللي من السكر في الاكل والمشروبات, على قد ما تقدري اشربي الشاي والقهوة من غير سكر وغيرها من المشروبات.
– اشربي شاي اخضر كل يوم:
اثبتت كتير من الدراسات بالفوايد الكتير جدا للشاي الاخضر واللي من ضمنها انه بيساعد على فقدان الوزن, اشربي كوباية شاي اخضر يوميا ده هيساعدك تحرقي حوالي 70 سعرة حرارية زيادة عن المعدل الطبيعي وده اكيد ليه تأثير فعال جدا على فقدان الوزن.
– قللي من الخبز الابيض:
الخبز بيحتوي على كمية كبيرة من الكربوهيدرات اللي ممكن تزود من السعرات الحرارية في الجسم وهتزود الوزن, عشان كده الافضل تستبدلي الخبز الابيض بالخبز البني لانه اقل في السعرات الحرارية وصحي اكتر.
لو مشينا على النظام اللي قولنا عليه ده كله وغيرنا اسلوب حياتنا بالحاجات البسيطة دي ده هيساعد جدا اننا نخسر الوزن في اسرع وقت ومن غير مجهود وبشكل صحي.
نظام دايت فعال جدا لخسارة الوزن في وقت قصير
