افكار وصور ازاى تلبسي موضة النقشة الكاروهات او الـ gingham print

بقلمآية حسان فيموضة وأزياء visibility1

مصممين الازياء رجعولنا من تانى موضة مهمة جدا كانت موجودة فى السبعينات وطوروها بطريقة اليجانت وشيك، الموضة دى هى موضة النقشة الكاروهات او الـ gingham print ، اللى تقدرى تلبسيها بأشكال وستايلات مختلفة وبقت واحدة من الـ trends الاساسية فى موضة الملابس لصيف وربيع 2017 ، خلونا نتعرف عليها مع بعض.. 

افكار وصور ازاى تلبسي موضة النقشة الكاروهات او الـ gingham print ..

الأول خلونا نتكلم عن شوية نصايح ازاى تلبسي الموضة دى صح ..

1- تقدرى تلبسي النقشة الكاروهات  مع skinny jeans  و كعب عالى لو حابة تعملى لوك فورمال ،  او تلبسيها مع pencil skirt  لو عايزة تعملى لوك classy . 

2- ممكن كمان تلبسي الـ gingham print مع denim pants علشان تعملى لوك casual او تلبسيها فستان علشان تعملى لوك  يليق بالصيف. 

3- اكتر ألوان مناسبة للنقشة الكاروهات هى الاحمر، البينك، الازرق، و الالوان الهادية والباهتة او الـ muted colors . وتقدرى تلبسيها مع الجينز و تنسقى معاها شنطة بلون معاكس او مع شنطة وشوز بلون جرئ علشان تكملى اللوك بتاعك. 

4- افتكرى دايما انه حلو انه نمشي على الموضة بس لازم كمان نخليها تناسبنا حسب الستايل الخاص بينا و اللى بيريحنا، يعنى مثلا لو قررتى انك تشترل gingham ruffle blouse يبقى اتاكدى انها مريحة فى لبسها و ماشية مع ستايلك. والستايلات اللى ممكن تختارى من بينها مابتنتهيش! وعلشان ماتحتاريش كتير وتفضلى تدورى، هنشوف مع بعض دلوقتى البوم فيه نقشة الكاروهات بأكتر من قصة وستايل وبألوان مختلفة علشان نساعدك تقررى اللى يناسبك من بينهم وتنفذيه .

يلا خلينا نشوف الألبوم سوا :) .. 

شوفى معانا كمان صور وافكار لستايلات مختلفة من الملابس المطرزة و المخططة