أفكار وصور ستايلات الكارديجان الطويل المفتوح Long open cardiganللمحجبات

آية حسان

في

24413

لو كنتى محجبة وبتشتغلى او بتروحى الكلية او بتضطرى تنزلى من بيتك كل يوم لأى سبب ، فانتى اكيد محتاجة انه ستايلك يبقى مختلف ومش مكرر وانك تبقى عارفة ازاى تقدرى تمزجى وتنسقى بين قطع الملابس المختلفة اللى عندك وازاى فى كل مرة تظهرى بـ look حلو ، وعلشان احنا فى بنات حوا يهمنا دايما شياكتك واناقتك، فى المقال ده اختارنا نتكلم عن قطعة ملابس مهمة جدا للمحجبات خصوصا فى موضة الصيف السنة دى و هى موضة الكارديجان الطويل المفتوح او الـ long open cardigan .. يلا خلينا نبدأ

أفكار وصور ستايلات الكارديجان الطويل المفتوح Long open cardigan للمحجبات ..

لما نيجى نتكلم عن ازاى تلبسي الكارديجان او العباية المفتوحة وازاى تنسقيها مع لبسك هتلاقى افكار كتيرة مختلفة ومابتخلصش، وده لانه الكارديجان الطويل المفتوح بيعتبر قطعة ملابس عملية جدا وأكتر ميزة فى الكارديجان الطويل انه مناسب لستايل لبس المحجبات وبيناسب اى بنت محجبة ، علشان كده بقوا trendy فى موضة صيف السنة دى والسنة اللى فاتت كمان بالاضافة الى الفستان الجينز المفتوح ، بس ده مش موضوعنا النهاردة،وكلهم قطع ملابس تقدرى تلبسيهم فى cool ways ويبقى شكلهم حلو جدا .

الكارديجان الطويل المفتوح بألوان طبيعية و درجات هادية او neutral colors مع بنطلون جينز ابيض هما موضة الصيف ده، وفى بنات بيحبوا يلبسوا معاه حزام عريض علشان يخلوا شكله اليجانت اكتر، او اى طريقة تنسيق تفضلى انك تلبسيه بيها واحنا بنضمن لك انه فى كل مرة هيطلع شكله شيك وحلو،

علشان كده لازم يبقى عندك outfit واحد على الاقل بالستايل ده .

وخلينا نقول انه الستايل ده مش معمول مخصوص للمحجبات لانه موجود على ساحة الازياء العالمية وبنشوفه منتشر فى دول كتيرة، وده معناه انه حتى لو كنتى غير محجبة تقدرى تلبسي الكارديجان الطويل المفتوح وتستمعى بالـ Look الشيك اللى بيحققه وده خلاه يبقى fashion trend .

ودلوقتى يلا نشوف البوم الصور مع بعض ..