بالصور و الخطوات ازاى تقصي الـ t-shirt بأكتر من طريقة وتخليه على الموضة
زهقتى من شكل التيشيرت القديم وعايزة تجدديه وتخليه على الموضة، اعرفى فى المقال ده 5 طرق مختلفة تقدرى بيها تعرفى ازاى تقصي الـ t-shirt وتخليه على الموضةبالصور و الخطوات ..
بالصور و الخطوات ازاى تقصي الـ t-shirt بأكتر من طريقة وتخليه على الموضة
كتير بنزهق من الشكل التقليدى للتيشيرتات وبننزل علشان نشترى تيشيرتات تبقى قصتها على الموضة و stylish بنلاقيها غالية ! علشان كده فى المقال ده هنقولك على 5 طرق مختلفة تعرفى بيهم ازاى تقصي الـ t-shirt علشان يبقى trendy و fashionable وبأقل تكلفة ..
1- Off-the-Shoulder Shirt :
الطريقة:
الخطوة الاولى:
قصى ياقة او رقبة التيشيرت بمقص مخصص للقماش و لازم يكون حامى علشان يسهل عليكى القص ويطلع متساوى، قصى الرقبة على طولها وامشى على الخط بتاعها بالضبط علشان تطلع القصة مظبوطة.
الخطوة الثانية:
كملى قص لحد ما تفصلى الياقة عن التيشيرت بشكل كامل.
الخطوة الثالثة:
امسكى طرف القماش من عند الكتف وابداى شديه بالراحة علشان يوسع فى ايدك و يبدأ خط الرقبة يبرم على خفيف.
الخطوة الرابعة:
كده نكون خلصنا، البسي التيشيرت على بدى كت تحته او tank top او camisole.
الشكل النهائى
2- Midriff t-shirt :
الخطوة الاولى:
حضرى ادواتك .. التيشيرت و المقص وقلم ومتر وقصى ياقة القميص بنفس طريقة المرة الاولى.
الخطوة الثانية:
ألبسي التيشيرت علشان تقدرى تاخدى مقاس مظبوط.
الخطوة الثالثة:
قيسى المسافة من بداية خط الكتف ولحد تحت خط الوسط بحاجة بسيطة اوى وامشى على المسافة دى بشريط لزق علشان تعرفى المسافة المظبوطة. لما تيجى تقصى ماتنسيش تسيبي مسافة بسيطة بعد المقاس المظبوط علشان لما تقصى قماش التيشيرت هيبرم ويترفع لفوق شوية فعلشان تتجنبى انه يبقى قصير اوى.
الخطوة الرابعة:
امشى على الخط بقلم او طباشيرة وبعد كده قصى بشكل مستقيم على الخط اللى حددتيه بالمقص الخاص بالقماش ويبقى حامى ، ويفضل يبقى التيشيرت محطوط على سطح مستوى وناشف زى طرابيزة او مكتب علشان يبقى اسهل عليكى وانتى بتقصي. وبعد كده شدى اطراف القميص علشان يوسع و يتبرم لفوق ويطلع الشكل المطلوب.
الشكل النهائى
3- Tank Top t-shirt :
الخطوة الاولى:
قصى اكمام التيشيرت على مسافة حوالى 2ونص سم من منطقة الـ armpit ، وقصي لحد ما توصلى لخط الرقبة .
الخطوة الثانية:
امشى تانى على خط الرقبة وساوييه لو حبيتى بس خدى بالك وانتى بتقصى انك ماتقصيش على واسع علشان تتجنبى انه الرقبة تفتح اوى منك و التيشيرت يبقى off shoulder .
الخطوة الثالثة:
بعد ما تكونى خلصتى قص شدى القماش من عند الرقبة علشان توسع معاكى والقماش يبرم، وممكن تحطى التيشيرت على وشه على سطح مستوى وتبداى تكرمشي القماش من عند نهاية الـ armpits.
الخطوة الرابعة:
كده التيشيرت جاهز تلبيسيه، بس لو حسيتى انه مفتوح اوى ممكن تلبسي تحته تيشيرت كت او tank top .
الشكل النهائى
4- Shirt with a Razor :
الخطوة الاولى:
حضرى التيشيرت والمقص والمتر او المازورة وقلم و cutter ،ويفضل يكون تيشيرت ضيق علشان يطلع الشكل المطلوب.
الخطوة الثانية:
حددى المنطقة او الشكل اللى عايزة تقصيه باستخدام القلم.
الخطوة الثالثة:
حطى التيشيرت على سطح ناشف ومستوى فى قلب التيشيرت علشان الضهر ما يتقطعش مع الوش، وباستخدام الـ cutter ابدأى قصي على الشكل اللى عملتيه بخطوط افقية متوازية وممكن تقصيهم بأطوال متساوية او مختلفة بالترتيب علشان تعملى شكل مثلث.
الشكل النهائى
اختيارى: ممكن تغسلى التيشيرت قبل ما تلبسيه علشان الاماكن اللى فرغتيها باستخدام الـ cutter تتبرم وتدى شكل احلى .
كده التيشيرت جاهز تلبيسيه.
5- Tied Sleeves t-shirt :
الطريقة:
الخطوة الاولى:
قصى اطراف الاكمام فى التيشيرت باستخدام مقص قماش حامى.
الخطوة الثانية:
باستخدام المقص، اعملى فتحة رفيعة فى الكم من على الكتف ومن تحت.
الخطوة الثالثة:
شدى اطراف الكم زى ما باين فى الصورة علشان الاطرف تتبرم و الكم يوسع ويديكى مساحة اكبر للخطوة الجاية.
الخطوة الرابعة:
اربطى اطراف الكم اللى عملناها مع بعض علشان يطلع شكل الكم اللى احنا عايزين نوصله. بكده نكون خلصنا ويبقى التيشيرت جاهز للبس.
اعرفى كمان ازاى تعملى الـBleach Denim Shirt بطريقة سهلة .. وشوفي افكار ازاي تلبسيه
