اسرار العناية اليومية بالبشرة الدهنية

بقلمريهام محمود فيبشرة visibility4128

معظم البنات بيعانوا من البشرة الدهنية حتى البنات اللي بشرتهم مختلطة بتبقى دهنية اكتر في موسم الصيف بشكل خاص بسبب الحر والرطوبة, وكلنا عارفين ان مشاكلها بتكون كتير ومحتاجة عناية خاصة عشان نتخلص من الدهون الزيادة والمسام الواسعة وتنضيف المسام عشان نمنع انها تتسد وتسبب لنا مشاكل وظهور الحبوب والبثور, والنهاردة من خلال موضوعنا هنقول لكل بنات حوا اسرار العناية اليومية بالبشرة الدهنية وازاي تتفادي مشاكلها.

اسرار العناية اليومية بالبشرة الدهنية:

1- مية الورد:

مية الورد تعتبر الحل السحري الفعال للبشرة الدهنية لانها مش بس بتسيطر على دهون البشرة كمان بتخلي البشرة شكلها نضر وصحي جدا وبتديها لون وردي طبيعي, استخدميها كتونر للبشرة خلال اليوم, او دخليها في الماسكات الطبيعية, او ببساطة ضيفي كان نقطة منها لكريم الليل او النهار او كريمك المرطب.

العناية اليومية بالبشرة الدهنية
العناية اليومية بالبشرة الدهنية

شوفي من هنا افضل 8 طرق لاستخدام مية الورد لجمال البشرة والشعر.

2- التنضيف المنتظم:

مهم جدا ان بشرتك تبقى خالية من الاتربة والاوساخ اللي بتتعرض لها على مدار اليوم, وخصوصا ان البشرة الدهنية بتجذب الاتربة ليها اكتر من اي نوع بشرة تانية, عشان كده ضروري تستخدمي الغسول اللي على اساس جل لانه يعتبر من انسب الانواع للبشرة الدهنية واختاري الغسول اللي ميسببش جفاف بشرتك مهما كان نوع البشرة.

وممكن تستخدمي غسول نيتروجينا Oil free acne, او غسول بودي شوب بالشاي الاخضر, او غسول كلين اند كلير Deep Action.

العناية اليومية بالبشرة الدهنية
العناية اليومية بالبشرة الدهنية

شوفي من هنا افضل انواع مقشر وغسول البشرة.

3- التقشير المنتظم:

مع الوقت البشرة بيتكون عليها خلايا الجلد الميت وتحتها هتتكون الميكروبات والاوساخ اللي بتدخل جوه مسام الجلد وتسبب لها مشاكل, عشان كده التقشير بشكل منتظم مهم جدا للبشرة عشان تتخلصي من الجلد الميت, وتطهري المسام, وتحسني الدورة الدموية اللي بدورها هتخلي البشرة صحية اكتر.

العناية اليومية بالبشرة الدهنية
العناية اليومية بالبشرة الدهنية

شوفي من هنا وصفات طبيعية لتقشير الجلد.

4- استخدام كريم مرطب على اساس جل:

بشرتك دهنية ده مش معناه انك مش محتاجة مرطب, اي نوع بشرة محتاج ترطيب بس المهم تختاري الكريم المرطب المناسب لنوع بشرتك, ومن افضل الانواع الكريمات اللي على اساس جل او الكريمات المات هتحافظ على رطوبة ونعومة البشرة.

ممكن تستخدمي كريم مرطب نيتروجينا, او كلين اند كلير, او كريم غارنييه, والانواع دي هنلاقي مكتوب عليها Gel Cream.

العناية اليومية بالبشرة الدهنية
العناية اليومية بالبشرة الدهنية

شوفي من هنا انواع الكريمات المرطبة المناسبة لكل نوع بشرة.

5- البرتقان للبشرة الدهنية:

البرتقان او اي نوع تاني من الفاكهة الحمضية نتايجها فعالة جدا للبشرة الدهنية, لانها بتساعد على تقليل دهون البشرة وبتنضفها, خدي من 3 – 4 معالق كبيرة من عصير البرتقان او الليمون واخلطيهم مع معلقة كبيرة سكر وممكن تخلطي معاهم معلقة كبيرة عسل نحل, افركي وشك ورقبتك بالخليط في حركات دائرية لمدة من 4 – 5 دقايق, التدليك ده مش بس هيزيل الجلد الميت من البشرة كمان هيقلل الدهون الزيادة وهيخلي البشرة صحية, كرريه مرة واحدة في الاسبوع.

العناية اليومية بالبشرة الدهنية
العناية اليومية بالبشرة الدهنية

6- حمام البخار:

حمام البخار من الحاجات المفيدة جدا للبشرة, قبل البخار نضفي بشرتك كويس بالغسول المناسب, بعدها استخدمي البخار على البشرة عشان تفتحي المسام وتتخلصي من السموم, ومهم جدا انك تستخدمي البخار بعد تنضيف البشرة بالغسول وقبل تقشير البشرة, يعني الخطوات هتكون التنضيف وبعدين البخار وبعدها التقشير عشان تنضفي البشرة كويس وبشكل صح.

العناية اليومية بالبشرة الدهنية
العناية اليومية بالبشرة الدهنية

7 ماسكات للبشرة الدهنية

ماسكات للبشرة الدهنية
ماسكات للبشرة الدهنية