12 غلطة لازم تتجنبيهم عشان تطلعي بشكل رائع في الصور

بقلمريهام محمود فيمنوعات visibility5348

كتير لما بنبص لصور الموديلز ونبص لصورنا نسأل نفسنا ليه صورنا مش بتطلع حلوة كده وبنفكر اننا يمكن لازم نتصور على ايد محترفين عشان صورنا تطلع حلوة, لكن الموضوع مش كده المسألة كلها بتعتمد على الوقفة الصح وانهم بيعرفوا يظهروا الحاجات الحلوة ويدارو الديفوهات في الصور, والنهاردة هنقول لكل بنات حوا غلطات تتجنبيها عشان صورك تطلع حلوة ونصايح من المحترفين هتساعدك تطلعي بشكل حلو في الصور.

غلطات تتجنبيها عشان صورك تطلع حلوة:

1- خلي دقنك لقدام:

المشكلة: في اي صورة لازم رقبتك تكون باينة, حاولي انك متميليش راسك لقدام عشان متداريش الرقبة.

الحل: وعشان تحلي المشكلة دي في الصور خلي وضع راسك لقدام شوية وانتي بتاخدي الصورة, يمكن تحسي ان الوضع مش طبيعي لكن الوضعية دي هيخلي الرقبة تطلع انحف وهتدي شكل احلى للصورة كلها بشكل عام.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

2- متربعيش ايدك:

المشكلة: لما تميلي راسك من غير ما تنزلي منطقة الكتفين الصورة هتطلع شكلها مش طبيعي, وبالاضافة لده كمان تربعي ايدك انتي كده هتداري نفسك في الصورة خالص.

الحل: لما تيجي تتصوري اقفي بزاوية بالجنب شوية, وخلي الذراعين لتحت ومتبقاش لازقة في الجسم اوي, وبالطريقة دي الرقبة هتبان بشكل انحف والخطوط العريضة للجسم هتبقى محددة وواضحة.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

3- راقبي وضع الضهر:

المشكلة: القعدة بانحناءة على الكرسي هتقصر شكل الرقبة وكمان هتضيف وزن لمنطقة حوالين الوسط لانك بتبقي ضاغطة او مركزة على المنطقة دي.

الحل: اقعدي على الكرسي ضهرك مفرود والكتاف لورا, ومتسنديش على ضهر الكرسي خليكي بعيدة عنه, وعشان تحددي شكل الجسم اكتر حاولي تلفي شوية بجسمك للجنب في اتجاه الكاميرا.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

4- غيري الزاوية:

المشكلة: لو قعدتي وخليتي الساقين مواجهين للكاميرا هتطلع بشكل ضخم ومربع, والقعدة بزاوية غلط ممكن تبين الذراعين والساقين اقصر من الطبيعي.

الحل: وعشان نصلح المشكلة دي غيري زاوية التصوير ولفي الجسم شوية بعيد عن الكاميرا يعني متخليش الساقين مواجهين للكاميرا لفيهم للجنب وخلي رجل اعلى من التانية شوية, الوضع ده هيطلعك بشكل احلى واكتر رشاقة.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

5- لفي الجذع:

المشكلة: لو لفيتي الجذع زيادة عن اللزوم ناحية الكاميرا الكتاف هتبان اضيق وهتطلع بشكل مش حلو في الصورة والوسط هيطلع اعرض, ومن ناحية تانية الجسم هيبان اضخم.

الحل: افضل وضعية انك تلفي بالجذع بنسبة ¾ ناحية الكاميرا يعني مش لفة كاملة, ده هيخلي الوسط يبان انحف والصدر اكبر.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

6- راقبي وضع الذراعين:

المشكلة: تربيع الايد بتخلي الشكل العام في الصورة يطلع مش حلو.

الحل: من افضل الوضعيات اثناء الجلوس هو انك تاخدي شكل “الساعة الرملية”, حطي رجل على رجل وخلي الكوعين ساندين على الرجل اللي فوق, وخلي ايد مرفوعة في شكل عمودي والايد التانية تحت بشكل افقي, ده بيخلق خطوط بصرية انيقة للوش وبيسلط الضوء على وشك ومظهرك كله بشكل عام.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

7- اخلقي خطوط بصرية:

المشكلة: لو وقفتي بشكل مستقم وايدك جنبك هتحمي خطوط الجسم ومظهرك بشكل عام.

الحل: خلي الذراعين بعيد عن الجسم, وحاولي تستخدميها لخلق خطوط مستقيمة وزوايا تبرز ملامح الجسم وتسليط الضوء عليه.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

8- الجمع ما بين خطوط مستقيمة ومنحنية:

اعملي مزيج من الخطوط المنحنية والمستقيمة واقفي بزاوية, وخلي مساحة فاضية مرئية حوالين الوسط بانك تحطي ايد على الوسط وتخلي الايد التانية على الفخد, عشان تظهري منحنيات الجسم والمظهر كله يطلع حلو بشكل عام.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

9- اتجنبي الملابس الواسعة:

المشكلة: اللبس الواسع بيخفي ملامح الجسم وبيبقى صعب تمييزها في الصورة وبتظهر شكل الجسم اعرض واضخم.

الحل: وعشان تحلي المشكلة دي حطي ايدك على الجنب اللي قدام من الوركين, واتاكدي ان المعصمين واضحين وخلي ايد اعلى من التانية شوية.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

10- متظهريش الكوعين:

المشكلة: الكوع لو مواجه للكاميرا هيخلي الصورة تطلع مش حلوة وشكلها مش طبيعي, وكمان لما تسندي ايدك على الرقبة او على الراس هيخل بقواعد النسب والتناسب في الصورة.

الحل: خلي ايدك بشكل طبيعي في الصورة, ووضع الكوع للجنب شوية, ده هيعمل خطوط بصرية واضحة للصورة.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

11- اللمس:

المشكلة: لو كف الايد موجه ناحية الكاميرا هياخد الانتباه في الصورة عن باقي الملامح وهيخلي الوش يبان اصغر.

الحل: لازم الكف ميخفيش معالم الوش, عشان كده لازم تتعملي تلمسي اجزاء من الجسم من غير لمس بمعنى انه يبقى يادوب لمس باطراف الصوابع بس عشان متداريش ملامح الوش, وحاجة تانية لازم تفتكريها وانتي بتاخدي الصورة متحطيش ابدا ايدك على وشك او راسك.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

12- اظهري الوش:

المشكلة: لو حطيتي قبضة ايدك تحت الدقن مش فكرة حلوة للتصوير لان الصورة هتطلع مش طبيعية.

الحل: الافضل انك تظهري ملامح الوش وتسلطي الضوء عليها بانك تحطي ايدك تحت الدقن بس من غير ما تلمسها يعني خليها بعيدة بمسافة بسيطة بينهم عشان تطلع بشكل مريح وطبيعي اكتر, خلي شكل الايد كانك كنتي ماسكة قلم بصوباعين وحافظي على الوضعية دي اثناء التصوير.

غلطات تتجنبيها عشان صورك تطلع حلوة
غلطات تتجنبيها عشان صورك تطلع حلوة

افضل اوضاع للتصوير هتطلعك زي الموديلز في الصور

افضل حركات للتصوير هتطلعك زي الموديل في الصور
افضل حركات للتصوير هتطلعك زي الموديل في الصور