بالفيديو: ازاى تعملى Makeup لكل يوم من الـ Drugstore فى 10 دقايق
فى المقال ده هتعرفى ازاى تعملى لوك طبيعى وشيك فى 10 دقايق بس وباستخدام Makeup لكل يوم من الـ Drugstore لمكياجك اليومى وانتى رايحة الشغل او الجامعة او فى خروجاتك اليومية ، يلا بلاش نستنى كتير وخلينا نبدأ على طول ..
بالفيديو: ازاى تعملى Makeup لكل يوم من الـ Drugstore فى 10 دقايق
باستخدام مكياج من الـ Drugstore بس هنعمل مكياج هادى وبسيط لكنه هيبين بشرتك مشرقة وكمان هيبينك اصغر بكتير من عمرك، خلينا نبدلأ يلا مع بعض خطوة بخطوة..
الخطوة الاولى : هنبدأ بالبرايمر
- اول حاجة هنعملها هى اننا هنبدأ باستخدام البرايمر primer على الوش .. هنا استخدمنا Nyx Cosmetics Soft Focus Primer . النوع ده من البرايمر معروف انه بيقدر يوحد اللون ويخفى المسام الواسعة بدرجة كبيرة جدا، افردى كميات متساوية من البرايمر على وشك كله.
الخطوة التانية : الفاونديشن
- بعد البرايمر هتيجى خطوة الفاونديشن foundation ، فى اللوك ده استخدمنا Maybelline Soft Matte Dream Velvet Hydrating Foundation بدرجة Medium Beige فى اللوك ده فردت الفاونديشين باستخدام الفرشاة، لكن لو بتفضلى استخدام البيوتى بلندر سواء السيليكون او العادية او حتى بصوابعك.. ايا كانت الطريقة اللى بتفضلى تستخدميها وبتطلع معاكى نتيجة افضل، الفاونديشن ده من ميبيلين فيه نسبة ترطيب عالية وعلشان كده بيعتبر مثالى لو كانت بشرتك جافة.
الخطوة الثالثة : الكونسيلر
- بعد ما خلصنا الفاونديشين جه دور الكونسيلر concealer فى اللوك ده استخدمنا L’Oreal Magic Lumi Highlighter/Concealer حطى كمية مناسبة تحت عينيكى، وعلى عضمة الانف وكمان تحت عضمة الخد وعلى الدقن زى ما باين فى الصور وماتنسيش تدمجيهم كويس باستخدام الفرشاة.
الخطوة الرابعة : الحواجب
- بالنسبة لحواجبك، استخدمى Nyx Sculpt & Highlight Brow Contour pencil علشان تملى الفراغات فى حواجبك بشكل طبيعى زى ما بتعملى كل يوم، قلم الحواجب ده ميزته انه طرى وهيساعدك ترسمي حواجبك بسهولة من غير ما يسيح او يبقى باين.
الخطوة الخامسة: البرونزر
- الخطوة الخامسة فى Makeup لكل يوم من الـ Drugstore اننا بعد كده هنستخدم البرونزر، هنا استخدمنا Wet N’ Wild Ticket to Brazil bronzer لكن لو ده مش متوفر ممكن تستخدمى اى برونزر تفضليه او يبقى متوفر.
الخطوة السادسة : الهايلايتر
- باستخدام الهايلايتر، حطى كمية بسيطة اوى على الزاوية الداخلية للعين و على عضمة الحاجب.
الخطوة السابعة : البرونزر للعين
- باستخدام نفس البرونزر اللى استخدمتيه على وشك، حطى كمية بسيطة اوى على تجعيدة العين علشان تحددى عينك وتخلى شكلها احلى وتبرزيها وكمان على عضمة الحاجب.
الخطوة الثامنة : البلاشر
- دلوقتى دور الخدين، البلاشر المستخدم فى الـ tutorial ده هو Neutrogena Cheek Blusher درجته 20. استخدمى كمية خفيفة اوى على فرشة البلاشر وحطى منه على تفاحة الخد او يعنى عضمة الخد. البلاشر ده هيورد خدودك وهيخلى شكلها يبان طبيعى خالص.
الخطوة التاسعة: تنى الرموش
- بعد البلاشر، اتنى رموشك باستخدام آداة ثنى الرموش او الـ lash curler و استخدمى عليها Maybelline Colossal Mascara ، وخدعة حلو علشان تركبى بيها الرموش بسهولة لو هتستخدمى رموش هى انك تقصيها نصين متساويين وتركبى النص اللى بره الاول “اللى على طرف العين” و بعدين النص الداخلى “اللى من ناحية زاوية العين الداخلية” كده الرموش الصناعية هتندمج حلو اوى مع رموشك وهتبان طبيعية جدا حتى لما تبصى لتحت.
الخطوة العاشرة : الماسكارا
- حطى الماسكارا على رموش الجفن اللى تحت علشان يبقى تقل الرموش متساوى.
الخطوة الـ 11 : تحديد الشفايف
- حطى الـ lip liner ، هنا استخدمنا L’Oreal Lip بدرجة Timeless Coral الدرجة دى من لوريال درجة nude وهتدى لون حلو وطبيعى لشفايفك.
الخطوة الـ 12 : الـ LIP GLOSS
- بعد ما حددتى شفايفك باستخدام الـ lip liner ، هنستخدم lip gloss مايبيلين السائل Maybelline Color Sensational Vivid Matte Liquid بدرجة nude.
اللوك النهائى:
وبكده نكون خلصنا اللوك بتاعنا وتكونى عملتى Makeup لكل يوم من الـ Drugstore فى 10 دقايق بس!
اعرفى معانا كمان 7 نصايح تعملى بيهم كونتور سريع لمكياجك الصبح
