11 طريقة تتخلصي بيهم من انتفاخ البطن من غير تمارين

ريهام محمود
ريهام محمود
67987

انتفاخ البطن من المشاكل اللي بيعاني منها كتير مننا, وده بيحصل بشكل طبيعي في الجسم لان المعدة بيدخل لها هوا ومية والهوا ده بيكون نتيجة لعمل البكتيريا في الامعاء الدقيقة اللي بتساعد على عملية الهضم, وكل ما كان صعب على المعدة تهضم الاكل ده بيسبب غازات وانتفاخ البطن, عشان كده النهاردة هنقولكم حل المشكلة دي هنعرف مع بعض طرق للتخلص من انتفاخ البطن ومش بس كده كمان هتسهل على المعدة عملها اليومي وهتحسن عملية الهضم.

طرق للتخلص من انتفاخ البطن:

1- طريقة لتقليل تكون الغازات وتحسين عمل المعدة:

هناخد منطقة السرة كنقطة بداية للتدليك, هنحط 4 صوابع في السرة والنقطة اللي هنعملها مساج او تدليك هي اللي هتكون فوق الصوباع الرابع دلكيها لمدة من 2 – 3 دقايق في اتجاه عقارب الساعة, ومن 2 – 3 دقايق كمان عكس اتجاه عقارب الساعة, لو عملتي المساج بشكل صح هتحسي بطعم حامض في الفم وهتلاقي لعاب زيادة.

طرق للتخلص من انتفاخ البطن 1
طرق للتخلص من انتفاخ البطن 1

2- طريقة للتخلص من احتباس المية وتخفيف آلام المعدة:

والنقطة دي موجودة فوق الصوباع التاني فوق السرة, اضغطي عليها وابدأي دلكيها لمدة من 2 – 3 دقايق في اتجاه عقارب الساعة, ونفس الوقت عكس اتجاه عقارب الساعة.

طرق للتخلص من انتفاخ البطن 2
طرق للتخلص من انتفاخ البطن 2

3- طريقة لزيادة النشاط المعوي والتخلص من التقل في المعدة:

حطي 4 صوابع تحت منطقة السرة, ونقطة التدليك موجودة تحت الصوباع الصغير, دلكيها لمدة من 2 – 3 دقايق في اتجاه عقارب الساعة ونفس المدة عكس اتجاه عقارب الساعة, لو عملتيها بشكل صحيح بتساعد جدا في التخلص من الانتفاخ.

طرق للتخلص من انتفاخ البطن 3
طرق للتخلص من انتفاخ البطن 3

– نصايح اساسية للتخلص من الانتفاخ:

اوقات كتير بيكون الانتفاخ بسبب التغذية وعمل المعدة انها تكون مش بتشتغل بشكل صح, عشان كده هنعرف نصايح مع طرق التدليك هتساعد على التخلص من الانتفاخ.

1- اشربي مية دافية مع ليمون كل يوم الصبح:

كل يوم الصبح ابدأي يومك بكوباية مية دافية معصور عليها ليمونة اشربيها قبل وجبة الفطار بمدة من 15 – 30 دقيقة, بتساعد على افراز حمض المعدة بشكل طبيعي, وبتخفف من اعراض حرقة المعدة, وبتمنع التجشؤ وتشكيل الغازات في الامعاء, بالاضافة لدة ان الليمون غني جدا بفيتامين C المفيد جدا للجسم.

طرق للتخلص من انتفاخ البطن 4
طرق للتخلص من انتفاخ البطن 4

2- متشربيش لبن او قهوة على الفطار:

اللبن بيحفز او بيزود انتاج حمض المعدة وبيزود الحموضة وبيبقى تقيل على المعدة ممكن بدل اللبن تاكلي زبادي لانها بتحتوي على البروبيوتيك اللي بتساعد بكتيريا المعدة في عملية الهضم, والقهوة تقريبا ليها نفس تأثير اللبن على المعدة.

طرق للتخلص من انتفاخ البطن 5
طرق للتخلص من انتفاخ البطن 5

3- متشربيش حاجة اثناء الاكل:

الشرب اثناء الاكل سواء مية او عصاير او مشروبات غازية بتعمل عسر هضم وبتخلي الاكل يتهضم في وقت اطول وممكن يحصل عملية تخمير في المعدة وبالتالي لنتيجة لده هيزيد الانتفاخ والغازات.

طرق للتخلص من انتفاخ البطن 6
طرق للتخلص من انتفاخ البطن 6

4- اشربي شاي الجنزبيل:

الجنزبيل من المشروبات اللي بتهدي المعدة وبتقلل من تشكيل الغازات وبتزود النشاط المعوي, كمان بيساعد على تحسين الدورة الدموية.

طرق للتخلص من انتفاخ البطن 7
طرق للتخلص من انتفاخ البطن 7

5- متاكليش اكل دهني كتير:

الاكل اللي فيه دهون كتير, والوجبات السريعة, والحلويات الدهنية اللي فيها سمنة او زبدة كتير, تعتبر من الاكلات التقيلة اللي بيكون صعب على المعدة هضمها بسهولة وبالتالي ده بيأدي لتشكيل الغازات, عشان كده كل ما قللتي الدهون هتلاقي معدتك مرتاحة اكتر ومافيش انتفاخ.

طرق للتخلص من انتفاخ البطن 8
طرق للتخلص من انتفاخ البطن 8

6- متاكليش “هوا”!

يمكن من اول لحظة كده هنحس ان النصيحة غريبة شوية يعني ايه “مناكلش هوا” احنا لما بناكل بسرعة, او بنتكلم اثناء الاكل, او مش بنمضغ الاكل كويس, شرب المشروبات الغازية, اكل اللبان, التدخين كل الحاجات دي بتخلينا نبلع هوا زيادة وبالتالي ده بيأدي لمشكلة الانتفاخ وتشكيل الغازات.

طرق للتخلص من انتفاخ البطن 9
طرق للتخلص من انتفاخ البطن 9

7- متاكليش كتير اكلات غنية بالالياف:

في كتير من انواع الفاكهة والخضروات, والبقوليات بتكون غنية بالالياف وكترها ممكن يأدي لتشكيل الغازات وبيعطل عمل الامعاء بسبب الالياف الخشنة اللي بتدخلها, عشان كده الافضل اننا مناكلش منها كميات زيادة عن اللزوم.

طرق للتخلص من انتفاخ البطن 10
طرق للتخلص من انتفاخ البطن 10

8- استرخي, نامي كويس, تأملي:

القلق والتوتر بيخلي الحركة المعوية متشتغلش بشكل سليم وعشان تشتغل صح يبقى لازم تسترخي وتتخلصي من القلق والتوتر, ممكن تعملي كل يوم Meditation لمدة من 15 – 20 دقيقة بيساعد جدا على تصفية الذهن وبيحسن عمل المعدة والقلب وبيحسن الدورة الدموية, ونامي يوميا بشكل كافي عشان تقومي نشيطة وعندك طاقة واعضاء جسمك كلها تشتغل بشكل صح.

طرق للتخلص من انتفاخ البطن 11
طرق للتخلص من انتفاخ البطن 11

تكنيك الدقيقتين هيساعدك توصلي للبطن المثالية اللي انتي عايزاها ويخلصك من الدهون

التخلص من دهون البطن
التخلص من دهون البطن

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

اطعمة المفروض تتجنبيها للحصول على بطن مسطحة

اطعمة المفروض تتجنبيها للحصول على بطن مسطحة

5 انواع من البطن بتظهر مش بسبب زيادة الوزن

5 انواع من البطن بتظهر مش بسبب زيادة الوزن