تكنيك مذهل وفعال للتخلص من الارق هيخليكي تنامي في دقيقة واحدة بس !

بقلمريهام محمود فيصحة visibility4350

الارق مشكلة بيعاني منها كتير مننا اول ما بنحط راسنا على المخدة يبدأ العقل يشتغل في التفكير ويمنعنا من النوم, واكيد ده بيأثر علينا وعلى صحتنا بشكل سلبي لان النوم مهم جدا لانه بيساعد على استعادة طاقة الجسم او بيعيد شحنه مرة تانية, وبيحافظ على توازن الجسم, وبيعزز الذاكرة, واكيد طبعا لما مش هنام كويس هنصحى تاني يوم تعبانين ومرهقين ومش هنقدر نواصل يومنا بنشاط لانه مش هيكون عندنا طاقة كافية, لكن لحسن الحظ ان العلماء اكتشفوا طريقة للتخلص من الارق ونتايجه فعالة جدا وهيخليكي تنامي في دقيقة واحدة, والتكنيك ده سموه تكنيك التنفس 4-7-8 وابتكره دكتور اسمه “اندرو ويل” ويعتبر التكنيك واحد من تقنيات اليوجا.

طريقة للتخلص من الارق:

1- الخطوة الاولى:

اول حاجة هتعمليها خلي طرف لسانك في سقف الحلق, وهيفضل بالوضع ده طول العملية.

2- الخطوة التانية:

طلعي الزفير عن طريق الفم بشكل قوي بحيث انك تسمعي صوته وانتي بتخرجيه.

3- الخطوة التالتة:

اقفلي الفم واستنشقي ببطء من خلال الانف, عدي لحد الرقم 4 وانتي بتاخدي الشهيق, واكتمي نفسك وعدي لحد 7 وانتي كتماه, وبعدين طلعي الزفير بشكل قوي من خلال الفم وانتي بتعدي لحد 8.

4- الخطوة الرابعة:

كرري الخطوات دي تقريبا 4 مرات.

وعشان توصلي للنتيجة المطلوبة اتأكدي انك بتاخدي الشهيق من خلال الانف وبتخرجي الزفير بقوة من الفم.

طريقة للتخلص من الارق
طريقة للتخلص من الارق

– ليه التكنيك ده فعال في علاج الارق ؟

اولا لانه بيساعد على تنظيم الجهاز الهضمي وده هيخليكي تحسي بالراحة والاسترخاء.

تاني حاجة لان التكنيك بيخليكي تركزي على التنفس ويبعد عقلك انه يفكر في اي حاجة تانية ممكن تسبب لك الارق.

التقنية دي تعتبر مهديء طبيعي وبتساعد على تهدئة والجسم والتقليل من التوتر.

ازاي تستعدي للنوم .. الحاجات اللي لازم تعمليها وتتجنبيها قبل النوم

افضل طريقة للتحضير للنوم