11 طريقة جديدة تلبسي بيهم النقشة الـ floral فى الصيف السنة دى
معظمنا دلوقتى عندنا قطعة او اكتر من الملابس بالنقشة الـ floral و بنلبسها وبيطلع شكلها حلو جدا و مش حاسين انه فى مشكلة فى اللوك اللى بنطلع بيه او اى ستايل فيه نقشة فلورال. لكن مع الوقت هتحسي انه اللوك بتاعك فى كل مرة بتلبسي قطعة الملابس اللى نقشتها فلورال بيتكرر وبقى ممل ، وبعد كده هتحسي انك خلاص مش عايزة تلبسيها تانى وبالتالى هتخسري قطعة ملابس شيك وحلوة، لكن مش هتلبسيها علشان صعب تغيرى فى شكلها، وعلشان نتجنب انه ده يحصل وتطلعى كل مرة بلوك جديد، بنات حوا فى المقال ده هتقولك على 11 طريقة جديدة تلبسي بيهم النقشة الـ floral فى الصيف السنة دى..
11 طريقة جديدة تلبسي بيهم النقشة الـ floral فى الصيف السنة دى ..
النقشات الفلورال من النقشات الممزة جدا ودايما شكلها بيبقى مبهج وبتعمل لوك حلو، خصوصا لانه عادى تلاقى داخل فيها اكتر من لون بعيدين تماما عن بعض و يطلع شكلهم متناسق وحلو! و بتبقى مميزة اكتر لما بتدخل معاها نقشة تانية زى الخطوط stripes او الـ polka dots .
1- خلى قطعة الملابس بـ النقشة الـ floral هى القطعة الاساسية فى اللوك بتاعك:
- تقدرى تعملى ده بانك تعملى لوك طبيعى وبسيط، يعنى لو عندك بنطلون او جيبة floral البسي معاهم توب ابيض او جراى و كملى الطقم بشنطة bucket من الجلد مثلا مع ساعة حلوة وسلسلة رفيعة وبسيطة.
2- البسي معاها قطعة ملابس تانية بخامة مناسبة:
- خلى قطعة الملابس الـ floral بتاعتك interesting مرة تانية بانك تخرجيها من الستايل المعروف بتاعها و تلبسي معاها قطعة ملابس من خامة قماش مختلفة، يعنى مثلا لو عندك بنطلون او جيبة فلورال البسي معاهم توب من خامة زى الدانتيل او الجبير او القطيفة ، الخامات دى مع الفلورال هتخليكى تحسي انك بتعملى ستايل خاص جدا بيكى ومختلف، لانه فى كل مرة تجربى خامة مختلفة من الخامات دى هتحسي انك لابسة طقم جديد.
3- استخدمى النقشة الـ floral علشان تعملى لوك جرئ :
- بدل ما يبقى الفلورال فى قطعة واحدة بس فى الـ Outfit بتاعك، يعنى يا اما يبقى البنطلون او البلايزر او الجيبة ، اعملى ستايل جديد و خلى اللوك كله فلورال، بمعنة انه جربى تلبسي jumpsuit او dress كله فلورال من غير اى قطعة تانية معاه واعملى لوك مختلف!
4- البسيها بألوان جديدة:
جددى من الستايل الفلورال بانك تلبسيه بالوان جديدة وجريئة زى الاصفر واللبنى و الاحمر، الالوان دى هتجدد من ستايلك بشكل كبير وهتخليكى ترجعى تحبي الفلورال تانى .
5- ركزى على الشوز بتاعك:
البسى النقشة الفلورال مع قطع مش اعتيادية زى الشوز او الشنطة، هتلاقى النقشة دى موجودة فى انواع مختلفة من الشوز سواء heels او flats .. ولو مش حابة تلبسي شوز منقوش يبقى البسى مع ملابسك من النقشة الفلورال شوز بلون سادة لكن يكون واضح ويبرز تفاصيل النقشة فى ملابسك.
6- البسيها كطرحة- سكارف – بونيه :
موضة الـ flower crowns كانت منتشرة جدا فى سنة 2014 ، ودلوقتى موضة الـ floral turban ! ضيفى لمسة جديدة للـ look بتاعك والبسي floral turban او floral scarf حوالين رقبتك، ولو كنتى محجبة طبعا دى فرصتك علشان تلبسي طرحة بشكل ونقشة جديدة تضيف للستايل بتاعك.
7- البسيها بخامة قماش مناسبة :
ممكن تلبسي النقشة الفلورال مع خامة قماش زى الجبير او الدانتيل علشان تضيفي للوك بتاعك لمسة جمالية زيادة لانها هتكسر من حدة النقشة شوية وتهديها وفى نفس الوقت هتبرزها وتبين جمالها، بالاضافة الى انه النوع ده من الخامات بيضيف شياكة كبير للـ Look بتاعك وبيبينه elegant.
8- البسي معاها اكسسوارات مناسبة او البسيها كـ اكسسوار:
– استخدمى النقشة الفلورال كاكسسوار على الرقبة او حوالين ايدك، ممكن تلبسي floral summer scarf او floral bracelet علشان تكملى اللوك بتاعك، خدى بالك بس انه كل اللى هيفرق ويخلى الـ final look بتاعك حلو او لاء هو اللون و pattern النقشة المناسب.
9- البسيها فى ستايلات مختلفة:
النقشة الفلورال هتلاقي موجود منها patterns وانواع كتيرة مختلفة زى نقشة الـ Dainty daisiesو الـ blooming orchid prints, bold tropical leaves, little rose clusters وكتير انواع غيرها من الورود بأحجام وألوان مختلفة تقدرى تنوعى بينها وتختارى منها اللى يناسبك واللى تقدرى بيه تجددى من شكل اللوك بتاعك.
10- البسيها بنقشة جريئة :
ممكن تكونى مازهقتيش من النقشة الفلورال نفسها، ممكن تكون الفكرة كلها انك زهقتى من الطريقة اللى بتلبسي بيها الفلورال، غيرى من ستايلك و البسي مع بلوزتك المنقوشة بنطلون بقصة مختلفة زى الـ cigarette pants او مع بلايزر سادة بلون حاد .
11- اعملى ستايلك الخاص بيكى بـالنقشة الـ floral :
آخر حاجة معانا فى ازاى تجددى من لبسك بـالنقشة الـ floral هى لو انتى عايزة تعملى outfit بسيط ممكن تلبسي جينز مع تيشيرت وعليهم كارديجان فلورال طويل بنقشات صغيرة وكتير او نقشات بحجم كبير و عدد قليل مع ألوان جديدة وواضحة. وبكده تبقى عملتى لوك اليجانت وشيك و simple فى نفس الوقت .
شوفى معانا كمان صور وافكار لستايلات مختلفة من الملابس المطرزة و المخططة