افكار لوك كاجوال سهلة وسريعة للايام اللي بتكوني مكسلة فيها

ريهام محمود

في

9576

كل البنات عندهم مشكلة يومية تقريبا انهم مش بيعرفوا يلبسوا ايه ويجددوا في لبسهم لكن المشكلة الاكبر كمان ان ساعات بتمر علينا ايام بنبقى مكسلين فيها وعايزين نلبس حاجة سريعة وسهلة وفي نفس الوقت نطلع بلوك حلو وانيق ومش بنعرف ننسق لوك سريع, عشان كده النهاردة هنساعد بنات حوا في المهمة دي وهنقولكم افكار لوك كاجوال سهلة وسريعة وتطلعك بلوك انيق في نفس الوقت.

افكار لوك كاجوال سهلة وسريعة:

1- Bomber جاكيت مطبوع:

الملابس المطبوعة من الحاجات التريندي جدا السنة دي, ممكن تلبسي Bomber جاكيت مطبوع على بنطلون جينز, ده لوك كاجوال سريع وفي نفس الوقت انيق جدا.

2- تيشرت وقميص:

تيشرت ابيض مع قميص كاروه من اسهل اللوك الكاجوال اللي ممكن تنسقيها وتطلعك بلوك حلو, بس لما تيجي تنسقي اللوك ده اختاري قطعة واحدة من الاتنين هي اللي تكون ملونة والتانية سادة.

3- Loose Shirt و Skinny Jeans:

لو في يوم مكسلة وعايزة لوك انيق اكيد اللوك ده من الحاجات اللي ممكن تعتمدي عليها نسقي Loose Shirt مع Skinny jeans.

4- جيبة Nude وتيشرت ابيض:

لو عايزة لوك انيق وناعم اكيد اللوك ده هيناسبك جدا وتقدري تعتمدي عليه لخروجاتك اليومية, نسقي جيبة قصيرة او طويلة بلون نيود مع تيشرت ابيض.

5- فستان مخطط مع جاكيت جينز:

من الحلول السريعة جدا كمان تنسيق فستان مخطط مع جاكيت جينز اللوك كاجوال وعملي جدا وفي نفس الوقت انيق, كمان المخطط من الحاجات الموضة جدا الموسم ده.

6- بليزر ابيض مع Boyfriend Jeans:

اللوك ده بيجمع ما بين الكاجوال وال Classy يعني ممكن تلبسيه في اي حالة, نسقي البليزر الابيض مع اندر شيرت او بدي وBoyfriend Jeans.

7- قميص مخطط مع بنطلون ابيض:

اللوك ده مناسب اوي للبحر والصيف, وفي نفس الوقت هيخليكي تطلعي بلوك شيك في وقت سريع.

8- لوك ابيض واسود:

الابيض والاسود من تنسيقات الالوان اللي ممكن تتلبس في اي وقت ومن تركيبات الالوان السريعة اللي لو محتارة تلبسي ايه او محتارة في تنسيق الالوان هيبقى ده اسهل حاجة تركبيها مع بعض.