حيل ونصايح للازياء هتنقذ حياتك ماحدش قالك عليها قبل كده !

كتير بتقابلنا مشاكل بخصوص ستايل لبسنا وايه اللى يتلبس على ايه، وايه الموضة دلوقتى، وكمان ازاى تتصرفى المشكلات المختلفة اللى بتقابلك بخصوص الـ fashion ، وعلشان احنا فى بنات حوا يهمنا دايما انك تبقى مرتاحة ومفش اى مشاكل تاعباكى.. فى المقال ده هنعرفك على الحلول السحرية لمشاكل الموضة والفاشون اللى ممكن تقابلك، اعرفى معانا فى المقال ده حيل ونصايح للازياء هتنقذ حياتك ماحدش قالك عليها قبل كده  ;)

حيل ونصايح للازياء هتنقذ حياتك ماحدش قالك عليها قبل كده ! 

1- قاعدة الـ 3 مقاسات : 

• ودى بقى القاعدة الذهبية اللى هتحل كل مشاكلك فى اى شوز بتلبسيه او هتشتريه، قاعدة الـ 3 مقاسات بتقول انه لما تيجى تشترى شوز جديد لازم تجربى 3 مقاسات مختلفين، مقاسك المعتاد، ومقاس بنمرة اقل، ومقاس بنمرة اكبر. وده لانه نمر مقاسات الشوز مكن تختلف من نوع لتانى او ستايل لتانى، علشان كده القاعده دى هتخليكى تقدرى تقررى المقاس المظبوط فى كل مرة من غير اى تعب من الشوز بعد كده.

• 

2- الـ DOUBLE SIDED TAPE : 

• • لو بتلبسي بلوزات بكتف ساقط او one shoulder off او بتلبسي over sized  يبقى لازم تعرفى الحيلة دى لانه بنات كتير بتحلف بيها!

  استخدمى الـ double face tape  علشان تثبتى صدر او كتف البلوزة او الفستان وبالتالى هتمنعيه من انه يتزحلق او انه طرف او حمالة الـ Bra تبان،  وتريحى بالك من انك كل شوية ترفعيه او تعدليه.

3- الاختيار الصحيح للألوان: 

• اختيار الالوان الصحيحة اللى تناسب بشرتك مهم جدا لانه هيفرق فى الشكل اللى بتبانى بيه، والالوان الصح هتخلى بشرتك تبان نضرة ومشرقة، اما الالوان الغلط هتخلى بشرتك تبان غامقة وباهتة.

اعرفى معانا ازاى تحددى نوع بشرتك وايه هى الالوان اللى تناسبها علشان تبانى مشرقة ومتألقة فى كل لوك تعمليه ..

4- لو هتلبسي فستان BACKLESS : 

• حيلة تانية معانا من حيل ونصايح للازياء هى انك لو قررتى تلبسي فستان مفتوح من الضهر او backless dress اكيد مش هتبقى عايزة ضهر الـ Bra   يبان، النصيحة اللى هتعرفيها دلوقتى بسيطة جادا، لكن هتوفر عليكى كتير..

ممكن باستخدام مشابك الورق الصغيرة تشبكيها فى ضهر فستانك، او انك تلزقيها فى ضهر الفستان باستخدام double face tape وبس كده …

5- علشان تحافظى على زراير القميص فى مكانها :

• النصيحة دى سريعة وبسيطة لو مستعجلة وعايزة تنزلى ولقيتى فى زرار من البلوزة او القميص هيقع ومفيش وقت تخيطيه، حطى عليه طبقة من المانيكير الشفاف، المانيكير هيخليه يثبت فى مكانه ومايقعش.

6- ازاى تعرفى ارتفاع الكعب المناسب ليكى: 

• اقلعى الشوز بتاعك واقعدى وانتى فاردة ضهرك، خلى قدم واصابع الرجل يسترخوا، اتخيلى وجود خط بيبدا من عند الاصبع الكبير فى رجلك وبينتهى عند نهاية القدم. وبعدين تخيلى انك بتوصليه برجلك.. الطريقة دى هتخليكى تختارى الارتفاع الصح فى كل مرة تشترى فيها شوز بكعب عالى..

7- اهتمى بالشوز الجلد: 

• لو عندك شنط او شوز جلد، يبقى لازم تهتمى بيهم اهتمام خاص زى ما بتهتمى ببشرتك بالضبط، لانك لو سيبتيهم للرطوبة هيتشققوا والجلد هيتقشر فى النهاية، ممكن تحطى طبقة خفيفة من الـ body lotion  على الشوز او الشنطة الجلد من وقت للتانى علشان تحافظى عليهم.

شوفى معانا كمان خدع للملابس لازم كل بنت تعرفها