افضل 10 Makeup Looks عرفتهم السينما طول تاريخها

مفيش بنت فينا مابتحبش تتفرج على الافلام وخصوصا الافلام الاجنبية، ودايما بنركز فى looks وستايل النجمات وبنركز فى كل تفاصيله من مكياج وشعر و لبس وكل حاجة،  وعلشان احنا عارفين انتى قد ايه بتحبى السينما، فى المقال ده هنعرضلك افضل 10 Makeup Looks عرفتهم السينما من اول مارلين مونورو لحد جينيفر لورنس .. يلا خلينا نبدأ ..

افضل 10 Makeup Looks عرفتهم السينما طول تاريخها ..

1. Marilyn Monroe :

شعر مارلين مونرو الدهبى الكيرلى والروج الاحمر المشهورة بيهم عملولها iconic look خاص بيها ومرتبط باسمها لحد دلوقتى، كانت بتحافظ على مكياج عيون يبان طبيعى وبسيط ، اما بالنسبة لخدودها فكانت بتستخدم بلاشر بلون خوخى فاتح علشان تضيف بعض اللون لبشرتها. الـ makeup look الخاص بمارلين من غير شك اليجانت وكلاسيك وهتفضل مهما مر الوقت الهام لاى vintage makeup look. 

من وقت للتانى كلنا بنحب نجرب نعمل look مارلين مونرو.. 

2. Elizabeth Taylor : 

تانى لوك معانا من افضل 10 Makeup Looks عرفتهم السينما هوالمكياج الخاص بالممثلة المشهورة اليزابيث تايلور، لو هنوصف مكياجها فى كلمة فلازم نقول انه جرئ، لكنه كمان بسيط فى نفس الوقت، لانه قبل حتى مايطلع اكتر من تكنيك لرسم وتظبيط الحواجب على pinterest  و instagram ، حواجب اليزابيث تايلور كانت مرسومة بدقة وحادة ومثالية! وكانت دايما بتستعمل معاهم روج بلون احمر او اورانج.

3. Audrey Hepburn : 

Audrey Hepburn بتعتبر هى المفضلة من بينهم بالنسبة لى! لانه جمالها بيفوق جمال ممثلات كتير لحد دلوقتى، كانت دايما بتعمل شعرها على شكل pixie hair cut  و بترسم ايلاينر winged بدقة عالية جدا. اللوك الـ iconic الخاص بيها كان بيتضمن كمان حواجب بلون اسود غامق وخط ايلاينر غامق وعريض ودايما كانت بتستخدم روج بلون nude ، لكن لو عملت مكياج خفيف على عيونها كانت بتستخدم روج بلون جرئ اكتر.

4. Angelina Jolie :

لو هنتكلم عن جمال انجلينا جولى المعروف يبقى لازم نفتكر اللوك المميز ليها فى فيلم salt، اللوك ده كان حاد وجرئ جدا بشعر  وايلاينر لونهم اسود غامق. 

5. Grace Kelly : 

Grace Kelly لحد دلوقتى هى الهام لكتير من الممثلات فى لوك المكياج الخاص بيهم، سواء فى الفاشون او المكياج . لانه اللوك بتاعها كان دايما بيجمع بين الاناقة والرقى والبساطة فى نفس الوقت، والمميز فى اللوك الخاص بيها انها هى اللى كانت بتعمل مكياجها بنفسها! وكانت بتستخدم تقنية الكونتور على خدودها بلونين مختلفين قبل حتى مانعرف يعنى ايه كونتور! 

6. Kristen Stewart :

اول ما شفنا لوك Kristen Stewart فى فيلم “Twilight” خاب املنا شوية لانه اللوك بتاعها كان عادى جدا ومش حلو او مميز لدرجة كبيرة، لكن اول ما اتحولت لـ vampire  وهنا كان فى تحول كبير فى مكياجها!

الـ make up look كان بيركز على عيونها و شفايفها، وفريق المكياج كان بيركز على دمج اربع الوان من الايشادو مع عدسات عيونها الحمراء خصوصا مع الرموش اللى كانت بتركبها والماسكارا، وعلشان يكملوا اللوك بتاعها كانوا بيعملوا light curls  فى شعرها علشان يخلوا كل حاجة مثالية.

7. Sarah Jessica Parker : 

افضل لوك لـ Sarah Jessica Parker  من غير شك كان فى فيلم “Sex in the City”  خصوصا فى مشهد الفرح، بالذات لانه شخصيتها فى الفيلم كانت fashion icon وكانت لازم تطلع بمكياج مثالى فى يوم فرحها .

8. Natalie Portman : 

آداء Natalie Portman فى  “The Black Swan” كان مميز جدا خصوصا انه مكياج الشخصية كان معبر فى الحالتين، سواء فى حالة الخير او الشر .. مكياج الدور ده هنفضل نفتكره لسنين.

9. Angelina Jolie : 

مرة تانية بييجى اسم انجلينا جولى وسط افضل 10 Makeup Looks عرفتهم السينما بسبب مكياج دورها فى فيلم Maleficent . مكياج الدور ده كان مميز جدا خصوصا فى استخدام تكنيك الكونتور، رغم انه وشها كان computer generated فى بعض المشاهد فى الفيلم.

10. Jennifer Lawrence : 

دور جينيفر لورنس فى سلسلة افلام “The Hunger Games” ساعدها تكسب مكانة كبيرة وسط نجمات هوليوود، ومكياجها فى الدور ده رغم انه كان غريب شوية بسبب طبيعة الدور والزمن اللى بتدور احداث الفيلم فيه الا انه كان iconic  ومميز جدا خصوصا مكياج عيونها. 

اعرفى معانا كمان اسرار جمال مارلين مونرو ..