بالفيديو: ازاى تحافظى على البنطلون الجينز المفضل عندك وتخليه يدوم اطول

البنطلون الجينز بيعتبر قطعة ملابس اساسية فى دولاب كل واحدة فينا، و معظمنا بيبقى عندنا بنطلون جينز معين بنحبه وبيليق على تقريبا كل حاجة فى دولابنا وبقالها سنين عندنا، و تقريبا البنطلون ده لو باظ او جراله حاجة حياتنا ممكن تتدمر

علشان كده انك تعرفى ازاى تحافظى على البنطلون الجينز المفضل عندك وتخليه يدوم اطول بتعتبر حاجة مهمة، وده هو اللى بنات حوا هتعرفك عليه فى المقال ده وكمان بفيديو مدته دقيقة واحدة بس..

فى بنطلون جينز عندك مفضل ونفسك تحافظى عليه! اعرفى بالفيديو ازاى تحافظى على البنطلون الجينز المفضل عندك وتخليه يدوم اطول ! 

بالفيديو: ازاى تحافظى على البنطلون الجينز المفضل عندك وتخليه يدوم اطول

فى بعض النصايح ممكن تكونى عارفاها اصلا، خلينا نفتكرها تانى مع بعض : 

– زى انك ما تغسيليش بنطلونك الجينز كتير علشان لونه مايبهتش.

– ماتحطيش  البنطلون الجينز فى مجفف الغسالة، ويبقى افضل لو ماغسلتيهوش فى الغسالة الاوتوماتيك.

– حاولى كمان تتجنبى استخدام الصابون او مسحوق الغسيل وممكن تستبدليه بشوية خل صغيرين، لانه الخل بيعتبر منظف قوى وطبيعى وكمان بيحافظ على اللون وبيثبته.

– لو لقيتى بقعة صعبة على البنطلون الجينز، حطى عليها كمية قليلة اوى من مزيل بقع الملابس و افركيها بقطعة قماش مبللة قبل الغسيل.

لكن فى حاجات تانية مهمة لازم تعمليها علشان تقدرى تحافظى على بنطلونك الجينز اللى بتحبيه، والا هتلاقى نفسك ببنطلونات كتير فى دولابك لكن ولا واحد فيهم زى البنطلون اللى بتحبيه.

فلو مثلا ظهرت ثقوب او قطع فى بنطلونك من كتر الاستعمال ده مش معناه نهاية العالم، بالعكس انتى ممكن تستخدمى الحاجات دى فى التجديد من ستايل بنطلونك، فى الفيديو ده هتلاقى مع بنات حوا  كل اللى محتاجة تعرفيه .. يلا نشوف مع بعض..

شوفى معانا كمان أسوأ 5 ستايلات من الشوز مترتبين حسب قد ايه بيضروا رجلك