صور وافكار لستايلات مختلفة من الملابس المطرزة و المخططة

الملابس المطرزة و المخططة هى الموضة اللى مسيطرة على ستايل الملابس فى ربيع وصيف 2017، وعلشان تبقى دايما up to date وعارفه كل جديد بيظهر فى عالم الموضة والازياء، فى المقال ده هنقولك على اهم نصايح تعمليها لما تقررى تلبسي على موضة الملابس المطرزة والمخططة او الـ  embroidery style ، وكمان هنفرجك على البوم كامل فيه اكتر من فكرة او ستايل تختارى منهم اللى يناسب .. 

صور وافكار لستايلات مختلفة من الملابس المطرزة و المخططة embroidery style ..

خلينا نبدأ الاول بشوية نصايح ..

موضة الـ Bell sleeve  او الـكم على شكل جرس راجعة بقوة من موضة السبعينات لموضة الصيف فى 2017، لو عايزة تعملى look على الموضة لازم يبقى عندك بلوزة او فستان بكم على شكل جرس.

الـ Bell sleeve ليها اكتر من شكل ، اما على شكل قصة ربع بس، او تلات ارباع او قصة كاملة ودى بيبقى الكم فيها واسع جدا وبيبدا من عند الكوع او من فوقه كمان او من عند الرسغ لآخر الايد، فاختارى اى قصة تناسبك اكتر. 

ممكن تلبسي البلوزة بأكمام على شكل جرس مع بنطلون سكينى وكعب عالى علشان تعملى لوك فورمال، او مع pencil skirt  علشان تعملى لوك classy ، ومع بنطلون denim علشان تعملى لوك كاجوال. او تلبسي فستان بـ bell sleeves علشان تعملى لوك صيفى.

بس خدى بالك! لو هتعملى لوك باللونين الابيض والاسود ممكن تلبسي قصة الاكمام الواسعة، لكن لو قررتى تلبسي لوك فاتح خليكى احسن فى الاكمام المتوسطة او الضيقة.

لو كنتى من محبين الملابس المنوقشة والمطرزة، فالسنة دى هى السنة المناسبة ليكى! الملابس المطرزة السنة دى بتتلبس بشكل اساسي على الـ denim pants او الـ skinny pants او الـ boyfriend jeans  وممكن تلبسي معاهم denim jackets او overalls.

وممكن كمان تحولى الجينز القديم بتاعك وتغيرى شكله وتخليه على موضة الـ  embroidery style من غير ما تكلفى نفسك كتير. بانك تشترى نقشات فلورال او بادجات جاهزة و تلزقيها او تخيطيها على الجينز بتاعك، الحاجات دى هتلاقيها فى محلات مستلزمات الخياطة وبأسعار معقولة جدا.

آخر حاجة هنتكلم فيها هى موضة الشيميزات المخططة باللونين الازرق والابيض اللى هتلاقيها موجودة بأكتر من قصة وستايل مع أكمام طويلة او قصيرة وبخطوط عريضة او رفيعة وبخطوط عرضية او بالطول.

ممكن كمان  تلبسيهم مع denim pants علشان تعملى casual look او تلسيهم مع overalls علشان تعملى street style  او ممكن تلبسيهم مع جيبة.

ودلوقتى شوفى معانا البوم كامل  لستايلات مختلفة من الملابس المطرزة و المخططة تختارى منه اللى يناسبك ..

اعرفى معانا كمان إزاي تلبسي موضة الكم الجرس بشكل عصري؟