أسوأ 5 ستايلات من الشوز مترتبين حسب قد ايه بيضروا رجلك

بقلمآية حسان فيموضة وأزياء visibility8299

دايما كل ما تشترى  اى شوز جديد يفضل مش مريح حتى بعد فترة او اكتر من لبسة و يفضل يوجع رجلك ومش عارفه ايه السبب؟

السبب ببساطة هو انك بتشترى الستايل الغلط من الشوز. علشان كده فى المقال ده بنات حوا هتعرفك على أسوأ 5 ستايلات من الشوز مترتبين حسب قد ايه بيضروا رجلك علشان تتجنبيهم وماتشتريش منهم تانى ..

أسوأ 5 ستايلات من الشوز مترتبين حسب قد ايه بيضروا رجلك 

1- الشوز بستايل الـ Plimsolls : 

الشوز من النوع ده ممكن يكون مفيد جدا لأوقات المشي العادية وده لأنه فى الغالب بيبقى مبطن وطرى من جوه وبياخد شكل الشوز، ودورى دايما على النوع اللى بيتحمل الصدمات منهم. لكن غير كده.. افتكرى دايما انه الشوز ده بيعتبر من أسوأ انواع الشوز وممكن يأذى رجلك جدا لو استخدمتيه فى الرياضة او الجرى او المشي لفترات طويلة.

2- الشوز بستايل الـ Slides/Mules :

الشوز من نوع الـ slides  ممكن يأذى ويضر رجلك اكتر من الشوز اللى بكعب او ببطانة رفيعة مش سميكة، خصوصا انه الشوز ده آخره مفتوح ومالوش ضهر ولا back straps، مهم  انك تحاولى تلبسيهم باعتدال فى مشاوير صغيرة ومش لفترات طويلة.

3- الشوز بستايل الـ  Espadrilles: 

الشوز بستايل الـ  Espadrilles فى الحقيقة بيعتبر من أفضل الوحشين، لأنه ممكن يكون صحى نوعا ما خصوصا فى الايام اللى الجو فيها دافى او حر. فى ستايلات منه بيبقى فيها straps  وده بيساعد انه رجلك تبقى مٌحكمة اكتر فى الشوز. لكن برده مابننصحش بيها لفترات طويلة من الوقت او لمسافات طويلة.

4- الشوز بستايل الـ Flip-Flops :

اى شوز بستايل flat و يبقى سمكه رفيع اوى مش صحى خالص لرجلك. وده معناه انه الـ slippers والشوز بستايل الـ Flip-Flops ماينفعش خالص تتلبس خلال يومك العادى، ومكانها المناسب هو فى اوقات حمام السباحة وعلى البحر. النوع ده من الشوز بيضر رجلك لأنه مابيوفرش اى support لرجلك. ولو مضطرة تلبسي شوز من النوع ده يبقى حاولى يكون بسمك عالى علشان يوفر الدعم لرجلك. ومهم برده ماتلبسيهوش لمسافات طويلة.

5- Barefoot :

آخر حاجة معانا من أسوأ 5 ستايلات من الشوز معانا هو مش شوز الحقيقة :) ، بنتكلم فى النقطة دى عن  انك تمشي حافية اصلا من غير شوز. 

فى العموم مابننصحش انك تمشى ورجليكى حافية لفترات طويلة، خصوصا انه انواع الارضيات المختلفة ممكن تسبب ضرر كبير لرجلك زى الارضيات السيراميك والرخام والجرانيت والاراضى الصخرية او stone floors. 

اما الاراضى العشبية و الرملية والسجاد بتبقى لطيفة اكتر على رجلك وبتتحمل عنها الصدمات. باطن القدم بيبلى مع الوقت وبيتعرض لأضرار كبيرة خصوصا كل ما نكبر فى السن بسبب المشى و الاقادام حافية، علشان كده بنلاقى غالبا كبار السن مابيقدروش يمشوا الا بشوز له بطانة عالية او sneakers.