صور ونصايح ازاى تجددى ستايلك بالحجاب

بقلمآية حسان فيموضة وأزياء visibility6242

زهقتى من الستايل اللى انتى متعودة عليه وحابة تجدديه وتعملى refresh لدولابك ؟ خصوصا اننا فى موسم الربيع والصيف وده الوقت المناسب علشان نجدد من الستايل بتاعنا ونطلع بـ look جديد ومختلف ..

فى المقال ده بنات حوا هتساعدك تجددى ستايلك بالحجاب علشان تطلعى بـ look مختلف كل مرة، خلونا نبدأ بشوية نصايح الاول :)

صور ونصايح ازاى تجددى ستايلك بالحجاب …

اول حاجة هنتكلم عنها هى الالوان الـ Trendy لموضة المحجبات السنة دى فى الصيف، اكتر الالوان دى هى الازرق الفاتح، البينك، الازرق، الاصفر، الاحمر، الاورانج والابيض.

تانى حاجة هى ستايلات الملابس الـ trendy اللى لازم  تكونموجودة عندك الصيف ده،  الـ ruffle blouses و الـ off shoulder  والبلوزات المخططة هما الستايلات المسيطرة على الموضة السنة دى، ممكن تلبسي اى من الستايلات دى مع انواع كتيرة من البنطلونات والجيبات زى الـ palazzo pants  اللى بتعتبر لسه trendy بين ملابس المحجبات زى المخططة و الواسعة منها، والبنطلونات بالالوان الفاتحة الطبيعية. كمان ممكن مع الـ pencil skirts والجيبات الماكسى الفلورال والجيبات الـ pleated او اللى فيها تنيات.

نصيحة تانية ممكن تجربيها علشان تعرفى ازاى تجددى ستايلك بالحجاب هى انك لو حابة تعملى cute outfit ممكن تجربى تلبسي بلوزة مخططة بلون ازرق فاتح مع palazzo pants ,شوز بكعب متوسط الارتفاع ولفة حجاب بسيطة بلون فاتح.

اما لو حابة تلبسي pencil skirt، ممكن تلبسي pencil skirt مع تيشيرت او بلوزة بسيطة وكارديجان طويل وبكده تبقى جاهزة!

الفساتين والعبايات المفتوحة مع البنطلونات الجينز trending جدا الموسم ده، زى الفساتين الفلورال المفتوحة مع بنطلون جينز و شوز بكعب متوسط الارتفاع بيعتبر outfit لطيف وبسيط ممكن تجربيه. 

آخر حاجة معانا من ازاى تجددى ستايلك بالحجاب هى انك كمان ممكن تجربى  الـ over – sized jean jackets مع تونيك طويل و sneakers.

ودلوقتى شوفى معانا البوم كامل فيه ستايلات جديدة ومختلفة بالحجاب تختارى منهم اللى يعجبك :) 

شوفى معانا كمان افكار ازاي تلبسي ال Shirt Dress مع الحجاب