نصايح للعناية بالشعر .. وازاي تحميه من الضرر والتلف وترجعيه صحي

ريهام محمود
ريهام محمود
في
شعر
13278

تفتيح او صبغ الشعر, وفرد الشعر بالمواد الكيميائية, والحرارة سواء بالسيشوار او المكوى, اكيد حاجات كلنا بنعملها عشان نغير ونجدد في اللوك بتاعنا بس الاستخدام الزيادة ليها بتضر الشعر وبتتلفه وبتخليه ناشف ومقصف وبيبقى ضعيف وسهل انه يتكسر ويتعرض لانقسام الاطراف, عشان كده النهاردة هنقولكم على نصايح للعناية بالشعر هتساعدك على علاج تلف وضرر شعرك وترجعه لطبيعته وتخليه بيلمع وصحي.

نصايح للعناية بالشعر:

– تعالوا نعرف الاول اسباب تلف الشعر:

1- تفتيح وصبغ الشعر من اكتر الحاجات اللي بتسبب تلف الشعر وبتخليه ضعيف وبيتكسر بسرعة.

2- فرد الشعر بالمواد الكيميائية اللي بيلجأ ليه كتير من البنات اللي بيعانوا من الشعر المجعد كمان من الحاجات اللي بتأثر بشكل سلبي جدا على الشعر وبتعرضه للتلف.

3- الحرارة سواء بالسيشوار او المكوى الاستخدام المستمر ليها بيأدي لتلف وجفاف الشعر.

4- تسريح الشعر زيادة عن اللزوم بالفرشة ممكن يسبب انقسام اطراف الشعر وتكسره وخصوصا لو بتستخدمي فرشة نوعها مش كويس هتأثر بشكل سلبي على شعرك بشكل اكبر.

نصايح للعناية بالشعر 1
نصايح للعناية بالشعر 1

– ازاي تحمي شعرك من الاضرار والتلف:

1- استخدمي منتجات الحماية من الحرارة:

استخدمي منتجات الحماية من الحرارة قبل استخدام السيشوار او المكوى, استخدمي حامي من الحرارة او سيروم عشان تحمي شعرك من اضرار الحرارة.

نصايح للعناية بالشعر 2
نصايح للعناية بالشعر 2

2- استخدمي كمية شامبو مناسبة:

استخدام الشامبو بكمية كبيرة وغسل الشعر زيادة عن اللزوم بيزيل الزيوت الطبيعية اللي بتفزرها فروة الراس وبتغذي الشعر وبالتالي ده بيأدي لجفاف الشعر.

عشان كده افضل طريقة لاستخدام الشامبو هي انك تبلي شعرك بالمية وبعدين تحطي الشامبو على فروة الراس بس وتدلكيه وبعدين تغسليه كويس بالمية.

نصايح للعناية بالشعر 3
نصايح للعناية بالشعر 3

3- قللي من صبغ الشعر:

صبغ الشعر كمان من الحاجات اللي بتسبب ضعف وتلف الشعر وخصوصا الاطراف, عشان كده لو انتي محتاجة تصبغي شعرك ركزي على جذور الشعر اكتر من الاطراف.

نصايح للعناية بالشعر 4
نصايح للعناية بالشعر 4

4- استخدمي نوع سيشوار كويس:

السيشوار كل ما كان النوع كويس هيفرد الشعر اسرع وبالتالي هيقلل تأثير الحرارة والضرر على الشعر, ولما تيجي تستخدميه خليه بعيد عن الشعر بحوالي 2 انش على الاقل عشان تتجنبي حرق الشعر.

نصايح للعناية بالشعر 5
نصايح للعناية بالشعر 5

5- استخدمي المكوى بعناية:

– لما تيجي تستخدمي المكوى متركزيهاش على خصلة الشعر وقت طويل عشان متضعفيش الشعر.

– استخدمي علاج الشعر بالكيراتين بدل استخدام منتجات فرد الشعر اللي فيها مواد كيميائية وبتسبب تلف الشعر.

نصايح للعناية بالشعر 6
نصايح للعناية بالشعر 6

6- اعملي ترطيب عميق للشعر:

استخدمي الDeep Conditioning النوع اللي بيتحط على الشعر طول الليل كعلاج وترطيب عميق للشعر مرة في الاسبوع.

واستخدمي البلسم العادي بعد كل مرة تغسلي فيها شعرك بالشامبو عشان تحافظي على رطوبة الشعر.

نصايح للعناية بالشعر 7
نصايح للعناية بالشعر 7

اكتر 10 حاجات بتعمليها ممكن يتسببوا في تلف شعرك

اسباب تلف الشعر
اسباب تلف الشعر

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

6 خرافات عن العناية بالشعر بنفتكر انها صح ومفيدة

6 خرافات عن العناية بالشعر بنفتكر انها صح ومفيدة

5 علاجات طبيعية للشعر لمشاكل شعرك المختلفة

5 علاجات طبيعية للشعر لمشاكل شعرك المختلفة