5 ستايلات للشوز الكاجوال هتخليكى تبانى أطول وشيك فى 2017

آية حسان

في

1713

الشوز دايما مهم واساسي قى كل لوك بتعمليه، ولازم تهتمى بيه وتختاريه بعناية.. خصوصا لو ماكنتيش طويلة اوى و الشوز بيفرق فى شكلك العام وفى طولك، علشان كده فى المقال ده بنات حوا هتعرفك على 5 ستايلات للشوز الكاجوال هتخليكى تبانى أطول وشيك فى 2017 ..

5 ستايلات للشوز الكاجوال هتخليكى تبانى أطول وشيك فى 2017 …

1- Mules :

ستايل الـ mules راجع بقوة الصيف ده من موضة التمانينات، وبقى سلعة بتتباع كتير جدا من ساعة ما شفناهم فى عروض الازياء العالمية زى عرض ازياء Gucci و Mansur Gavriel ، لكن ظهروا ببعض التعديلات اللى خليتهم يبقوا مودرن ويناسبوا الازياء دلوقتى، النوع ده من الشوز مناسب جدا لخروجات النهار ولستايلك وانتى رايحة الشغل، لكن تقدرى تلبسيهم بالليل كمان طبعا.

2- Lace-Ups :

الـ lace up shoes بيعتبر مزيج كده بين موضة الـ gladiator shoes اللى شفناها السنة اللى فاتت و الـ ballerina slippers. الصندل الـ lace up لازم يكون موجود ضمن ستايلك للصيف السنة دى، لان تقدرى تلاقى منهم ستايلات والوان مختلفة جدا و متعددة تختارى من منها اللى يناسبك، وكمان بيدوا شكل حلو لستايلك وللرجلين بسبب الخيوط اللى فيهم.

3- Slide Sandals :

تالت شوز معانا من ستايلات للشوز الكاجوال تخليكى تبانى اطول هى الـ slide sandals ، الشوز ده بيتميز انه مريح وسريع وسهل جدا فى اللبس وكمان بيعتبر منافس قوى فى موضة الاحذية الصيف السنة دى، الستايل ده من الشوز كان موجود بقوة فى عروض ازياء عالمية زى عرض Dolce & Gabbana، Tommy Hilfige و Stella Jean. الشوز ده مثالى للتمشية على الشط وخروجات المصيف ومناسب للبس على جينز و البنطلونات الخفيفة.

4- Sneakers :

الـ sneakers أو الاحذية الرياضية بشكل عام موجودة بقوة على ساحة الموضة والازياء فى السنين الاخيرة، وده لأنها مريحة وعملية بشكل كبير جدا، والـ designers بقوا بيخترعولها موضة وستايلات بعيده عن الانطباع الطبيعى للشوز الرياضى ” لبس الشوز فى الجرى والتمارين بس” ، فبقينا دلوقتى نقدر نلبسها مع بعض الـ looks الفورمال، وفى السهرات وحتى على الفساتين السواريه!

والمميز كمان فى الـ sneakers انه فى منها كعب عالى فبيديكى الطول اللى انتى عايزاه وفى نفس الوقت هيبقى مريح جدا وخفيف فى رجلك.

5- Funky Flats :

اخر شوز معانا من 5 ستايلات للشوز الكاجوال هتخليكى تبانى أطول وشيك فى 2017 هو الـ Funky flates او الـ Fun ballet flats، الستايل ده من الشوز بينقل البلارينا الفلات من مجرد كونها سادة وارضية لشوز مليان تفاصيل رقيقة وبيدى طول وشكل حلو لرجلك، والميزة اللى فى الشوز ده انك ممكن تلبسيه فى الصيف واوائل الخريف، وهتلاقى منه ستايلات واشكال متعدده اما بـ lace- ups او فيونكة او نقشات فلورال floral appliques.