افضل 10 افكار ونصايح توفرى بيهم وانتى بتعملى shopping

بقلمآية حسان فيموضة وأزياء visibility4130

سواء كنا بنعمل shopping قبل العيد او فى دخلة الصيف او الشتاء، الـ shopping واننا نشترى هدوم جديدة بيجرى فى دمنا :) واحيانا فى بنات كتير مننا مابتقدرش تسيطر على نفسها وبتفضل تشترى هدوم كتير فى اى وقت ومن غير مناسبة! ولأنه كده مش هيتبقى فى جيوبنا فلوس ناكل :/ … فى المقال ده بنات حوا هتقولك على نصايح وافكار مختلفة تخليكى تعملى shopping براحتك بس من غير ما فلوسك تتبخر.. فى المقال ده اعرفى معانا افضل 10 افكار توفرى بيهم وانتى بتعملى shopping …  

افضل 10 افكار ونصايح توفرى بيهم وانتى بتعملى shopping: 

النصيحة الاولى:

امشى فى ستايلك على طريقة mix and match ، بمعنى انك تختارى قطع منفصلة بألوان محايدة واساسية علشان تقدرى تلبسيها اكتر من مرة بشكل مختلف، زى مثلا البنطلونات الجينز والتيشيرتات السوداء و الكارديجان الابيض، قطع الملابس دى بتعتبر اساسية و بتديكى الفرصة انك تلبسيها اكتر من مرة مع قطع تانية بألوان مختلفة وكل مرة تعملى look وستايل مختلف.

 النصيحة الثانية:

النصيحة التانية معانا من افكار ونصايح توفرى بيهم وانتى بتعملى shopping هى انك لو كنتى غير محجبة، اختارى اكتر من حزام وشوز يمشوا مع لون شعرك، ولو كنتى محجبة يبقى اختاريهم بألوان ينفع تلبسيها مع اكتر من طقم زى الوان الجملى والبنى والبيج، الحركة دى هتخلى اللوك بتاعك يبان متناسق اكتر ويطلع شيك فى كل مرة، ولو عايزة تبعدى عن الالوان التقليدية و تلبسي الوان مختلفة ، جربى الوان زى الاخضر الفاتح، التركواز، الاصفر، الازرق والاحمر، بس مهم تتأكدى قبل ما تشتريهم بالالوان دى انه فى حاجة فى دولابك تمشي معاهم.

النصيحة الثالثة:

قبل ما تقررى تنزلى تعملى shopping ، افتحى دولابك وافرزيه وشوفى ايه هى قطع الملابس اللى انتى محتاجاها او بتلبسيها كتير ومابقتش ينفع تتلبس تانى وتبقى هى دى القطع اللى لازم تشتريها لما تيجى تنزلى تعملى shopping، يعنى بمعنى تانى اعملى shopping plan ورتبيها حسب اولوية احتياجاتك… اكتر حاجة محتاجاها تبقى هى اللى ليها الاولوية تنزلى تشتريها الاول وهكذا، حاولى ماتبقيش مندفعه وانتى بتعملى shopping.

النصيحة الرابعة:

اصرفى فلوس على الستايل مش على الـ trend ، بمعنى انه الموضة بتيجى وبتختفى لكن الستايل اللى انتى بتعمليه لنفسك هو اللى باقى، فمش لازم ابدا تصرفى فلوس على قطعة ملابس لمجرد انها على الموضة، اصرفى دايما على الحاجة اللى تناسبك بس، ولو قررتى تشترى على الموضة يبقى اختارى حاجة تقدرى تلبسيها بعد كده حتى لو موضتها خلصت.

النصيحة الخامسة:

لو بتحبى تلبسي من brand او designer معين، يبقى استنى وماتشتريش من عندهم الا فى مواسم الـ sale ..معظم الـ brands والـ designers بيعملوا sale فى اوقات محددة من السنة زى يوليو واغسطس، ويناير وفبراير. وممكن تتابعى الـ websites او الـ Facebook pages الخاصة بيهم علشان تعرفى مواعيد العروض والاسعار.

النصيحة السادسة:

نصيحة كمان من افكار ونصايح توفرى بيهم وانتى بتعملى shopping انك لو عندك مناسبة ومحتاجه تشتريلها فستان مخصوص زى حفلة او فرح، ادى لنفسك وقت كفاية انك تنزلى تتفرجى وتعملى shopping قبلها بفترة وبلاش تنزلى على اخر لحظة. اما يبقى عندك مساحة من الوقت ده هيخليكى تقدرى تدورى على اكتر deal موفر بالنسبة لك، اما لو الوقت ضيق فهتاخدى الحاجة بأى سعر يقابلك لانه ماعندكيش وقت تدورى، وده معناه انه هتصرفى كتير.

النصيحة السابعة:

اصرفى فلوسك بحكمة، بمعنى انه ماينفعش تروحى تصرفى مبلغ كبير على شوز هتلبسيه مرة واحدة بس! لكن اصرفى دايما على القطع اللى بتستخدميها كتير و بتحدد الستايل بتاعك وحاولى تجيبيها بكواليتى كويسة.

النصيحة الثامنة:

حاولى تشترى الهدوم اللى ممكن تغسليها فى الغسالة او حتى على ايدك، حاولى تبعدى قدر الامكان عن الهدوم اللى بتحتاج تروح مغسلة او dry cleaning لانها هتكلفك فلوس فى كل مرة تلبسيها.

النصيحة التاسعة:

اعملى update لستايلك واللوك بتاعك بانك تستخدمى الاكسسوارات زى العقد و السلسة والسكارف علشان تجددى من اللوك اللى بتعمليه.

النصيحة العاشرة:

اخر نصيحة معانا من افكار ونصايح توفرى بيهم وانتى بتعملى shopping هى ان تاخدى وقت وفكرى فى ايه هو الستايل المناسب ليكى، لانه طبيعى جدا انه يبقى فى موديلات او ستايلات معينة مايبقاش شكلها حلو على جسمك و بالتالى فى الوان معينة ممكن ماتبقاش حلوة عليكى، علشان كده مهم تبقى فاهمة طبيعة الحاجات اللى تناسبك علشان تتجنبى انك تقعى فى غلطة انك تشترى حاجة ممكن يكون شكلها حلو وعاجبك لكن لما تيجى تلبسيها تلاقيها مش مناسبة وتبقى الفلوس اتصرفت على الفاضى.

ودلوقتى شوفى معانا البوم كامل لافكار ستايلات مش مكلفة وبسيطة ممكن تعمليهم فى الصيف ده او فى الشتاء كمان.. 

اعرفى معانا كمان قطع ملابس اساسية للربيع والصيف فى 2017 لازم تكون موجودة فى دولابك