8 اسباب لزيادة الوزن في فترة الدورة الشهرية .. وازاي نعالجها ونمنعها

ريهام محمود
ريهام محمود
في
صحة
38052

زيادة الوزن في فترة الدورة الشهرية  تعتبر مشكلة مشتركة بيعاني منها تقريبا كل البنات في الفترة دي, لان التغيرات الهرمونية اللي بتحصل في الجسم خلال فترة الدورة الشهرية بتأدي لاعراض كتير منها الانتفاخ, الرغبة الشديدة جدا في الاكل, وزيادة الشهية, والاجهاد, والتعب, والقلق, وكل الحاجات دي بتتسبب في زيادة الوزن, والنهاردة هنعرف مع بعض بالتفصيل كل الاسباب اللي بتخلي الوزن يزيد اثناء الدورة الشهرية وازاي نعالجها ونمنعها.

اسباب زيادة الوزن في فترة الدورة الشهرية:

في بعض البنات بيحصلهم زيادة في الوزن قبل الدورة الشهرية وفي بنات تانية بيحصل زيادة الوزن اثناء فترة الدورة بيختلف حسب طبيعة كل جسم, وقبل زيادة الوزن ممكن تحسي بشعور انتفاخ, تعالوا نعرف مع بعض الاسباب وطرق العلاج.

1- احتباس المية:

معظم زيادة الوزن اللي بيحصل في الفترة دي بيكون بسبب احتباس المية في الجسم, هيخليكي تحسي بالانتفاخ وشعور بتقل في الجسم, وده بيحصل قبل الدورة على الاقل باسبوع او اسبوعين.

والمشكلة دي ممكن تعالجيها بانك تعملي نشاط بدني في روتينك اليومي يعني حاولي تمارسي شوية تمارين او حتى تتمشي كل يوم نص ساعة, قللي من كمية الملح في الاكل, وحاولي تعتمدي على نظام غذائي صحي زي الخضار والفاكهة الطازة.

اسباب زيادة الوزن في فترة الدورة الشهرية 1
اسباب زيادة الوزن في فترة الدورة الشهرية 1

2- الانتفاخ:

تراكم الغازات في الامعاء ده واحد من الاسباب اللي بتأدي للانتفاخ اثناء فترة الدورة الشهرية, لان الجسم في الفترة دي زي ما قولنا بيمر بتغييرات هرمونية كتير ممكن تكون واحدة منها هي سبب الانتفاخ وتراكم الغازات في الجسم, كمان ممكن يحصل امساك, وتحسي بالخمول وعدم النشاط قبل واثناء فترة الدورة بسبب الانتفاخ, وممكن تاني من تقلصات شديدة.

اسباب زيادة الوزن في فترة الدورة الشهرية 2
اسباب زيادة الوزن في فترة الدورة الشهرية 2

3- الرغبة الشديدة في الاكل:

الاكل الكتير اكيد هيأدي لزيادة في الوزن, وخلال فترة الدورة بتحصل زيادة في نسبة التمثيل الغذائي و ده هيأدي للرغبة الشديدة في الاكل وبالتالي ده هيخليكي تستهلكي تقريبا ما بين 100 – 200 سعرة حرارية اكتر من الطبيعي, والرغبة في الاكل دي بتكون مؤقتة وبتقل بالتدريج.

كمان زيادة نسبة مستوى هرمون البروجسترون في الجسم اللي بيحصل بسبب احتباس المية ده بيأدي لزيادة الوزن, عشان كده افضل حل انك تبقي نشيطة وتمارسي تمارين رياضية بانتظام خلال الفترة دي لانها هتقلل جدا من كل الاعراض اللي بتحصل اثناء الفترة دي.

اسباب زيادة الوزن في فترة الدورة الشهرية 3
اسباب زيادة الوزن في فترة الدورة الشهرية 3

– ازاي تتغلبي على الرغبة في الاكل:

1- ركزي بس على الاكل الصحي مهما كانت رغبتك في الاكل, ممكن تاكلي مكسرات او فاكهة طازة.

2- قسمي وجباتك ل4 او 5 وجبات صغيرة في اوقات منتظمة يعني مثلا كل ساعتين تاكلي وجبة صغيرة.

3- الترطيب مهم جدا لازم تحافظي على جسمك رطب يعني ممكن جنب شرب المية بكمية كافية تشربي عصير فاكهة, لبن, لان السوايل بتقلل من كمية الصوديوم في الجسم وهتساعد الكلى انها تطرد المية الزيادة من الجسم.

4- قللي من شرب الكافيين لانه بيخلي الجسم يفرز هرمون الاندروفين, وخلال فترة الدورة الشهرية بيكون زيادة في مستويات هرمون الاستروجين وارتفاع نسبة مستويات الهرمونين مع بعض ممكن يأدي لشعور مش مريح.

اسباب زيادة الوزن في فترة الدورة الشهرية 4
اسباب زيادة الوزن في فترة الدورة الشهرية 4

4- انخفاض المغنيسيوم:

قبل بداية الدورة الشهرية بيقل مستوى المغنيسيوم في الجسم وده بدورة بيأدي لارتفاع مستويات الانسولين وبالتالي الجسم هيبقى محتاج لنسبة سكر زيادة وده واحد من الاسباب اللي بتخليكي تبقي عايزة تاكلي سكر كتير وعندك رغبة شديدة للاكل قبل واثناء فترة الدورة, عشان كده حاولي تدخلي في نظامك الغذائي الاكلات الغنية بالمغنيسيوم زي الموز, البطاطس, البنجر, الشوفان, الافوكادو, التمر, الشوكولاتة الغامقة, الكاكاو, المكسرات, الفراولة, السبانخ, الاناناس.

اسباب زيادة الوزن في فترة الدورة الشهرية 5
اسباب زيادة الوزن في فترة الدورة الشهرية 5

5- الاكتئاب والاحباط:

معظم البنات في الفترة دي بيمروا بحالة اكتئاب واحباط ومزاج سيء وده بالتالي بيأدي للرغبة الشديدة في الاكل, والاكتئاب او تغيير المزاج يعتبروا من الاثار الجانبية الملازمة لفترة قبل الدورة اللي بتخليكي عندك شهية زيادة للاكل.

اسباب زيادة الوزن في فترة الدورة الشهرية 6
اسباب زيادة الوزن في فترة الدورة الشهرية 6

6- التقدم في العمر:

مع التقدم في العمر معدل الايض والقدرات البدنية للشخص بتنخفض وده بيبدأ تقريبا من اول سن ال 30 وبيعتمد بداية المرحلة دي على صحة الشخص بشكل عام ونظام او اسلوب الحياة, وده بالتالي بيأدي لزيادة الوزن بسبب ان نشاط الجسم بيقل, عشان كده حاولي انك تواظبي على الرياضة على قد ما تقدري.

اسباب زيادة الوزن في فترة الدورة الشهرية 7
اسباب زيادة الوزن في فترة الدورة الشهرية 7

7- المية:

وزن الجسم ممكن يختلف على مدار اليوم على حسب كمية المية والاكل اللي دخلت الجسم في الوقت اللي انتي وزنتي فيه يعني ممكن يقل او يزيد لو وزنتي في فترات مختلفة خلال اليوم عشان كده حاولي توزني نفسك كل يوم اثناء فترة الدورة في نفس التوقيت, والوزن الزيادة ده هيبدأ يقل مع انتهاء فترة الدورة الشهرية لانه زي ما قولنا بيكون زيادة في نسبة المية في الجسم.

اسباب زيادة الوزن في فترة الدورة الشهرية 8
اسباب زيادة الوزن في فترة الدورة الشهرية 8

8- انخفاض النشاط البدني:

ممكن نكون قرينا او سمعنا كتير ان في فترة الدورة الشهرية المفروض انك ما تمارسيش رياضة, لكن بالعكس ان ممارسة التمارين ممكن تخفف كتير من اعراض الدورة, كمان الخمول وقلة النشاط مع الافراط في الاكل هيأدي لزيادة الوزن خلال فترة الدورة.

اسباب زيادة الوزن في فترة الدورة الشهرية 9
اسباب زيادة الوزن في فترة الدورة الشهرية 9

7 طرق للتخفيف من آلام الدورة الشهرية

آلام الدورة الشهرية
آلام الدورة الشهرية

مقالات متعلقه

6 حاجات متعرفيش انها بتحصلك خلال فترة دورتك الشهرية

6 حاجات متعرفيش انها بتحصلك خلال فترة دورتك الشهرية

10 حقائق صادمة عن الدورة الشهرية لازم تعرفيهم

10 حقائق صادمة عن الدورة الشهرية لازم تعرفيهم

ايه اللي بتقوله الدورة الشهرية بتاعتك عن صحتك!

ايه اللي بتقوله الدورة الشهرية بتاعتك عن صحتك!