طريقة عمل وصفة الـ Chewy Gooey Chocolate Chip Cookies

آية حسان
آية حسان
1519

فى المقال ده بنات حوا هتعرفك على طريقة جديدية وبسيطة وسهلة جدا مابتاخدش اكتر من 15 دقيقة لعمل الكوكيز .. اعرفى معانا ايه هى Chewy Gooey Chocolate Chip Cookies وازاى تعمليها فى اربع خطوات بس .. 

طريقة عمل وصفة الـ Chewy Gooey Chocolate Chip Cookies

المقادير:

مكعب من الزبدة .

4/3 كوباية من السكر البنى.

4/3 كوباية من السكر العادى.

بيضتين.

معلقة اكل من الفانيليا.

حوالى 350 جرام من شرائح الشوكولاتة chocolate chips “نصف المحلاه”

كوبايتين وربع من الدقيق.

4/3 معلقة اكل من الباكينج صودا baking soda .

معلقة اكل من الملح.

المقادير

طريقة التحضير:

الخطوة الاولى:

سخنى الفرن على درجة حرارة 190 درجة مئوية، وفى المايكروويف سيحى مكعب الزبدة و سيبيها تبرد .

فى طبق او بولة صغيرة امزجى الدقيق و البيكينج صودا و الملح و امزجيهم مع بعض .

الخطوة الاولى 1

الخطوة الثانية :

امزجى الزبدة مع باقى المكونات فى بولة او طبق كبير و خدى بالك انك ماتمزجيش المواد السائلة اوى مع بعضها ، احنا مش عايزينهم يسيحوا لكن عايزينهم بس يندمجوا.

فى بولة تانية سيحى الـ chocolate chips وضيفيها على باقى المواد السائلة و ضيفى عليهم المواد الجافة و ابدأى امزجى المكونات كلها مع بعضها باستخدام معلقة خشبية.

مرة تانية خدى بالك انك تمزجيهم زيادة عن اللزوم، احنا عايزين نقلبهم على بعض بس علشان مانغيرش من قوام الكوكيز.

الخطوة الثانية 1

الخطوة الثالثة :

باستخدام معلقة الايس كريم او معلقة الكوكيز cookie scoop او بايديكى لو المعلقة مش موجوده عندك اعملى كور من عجينة الكوكيز قطرها 3 سم تقريبا و حطيهم  فى صينية مفرود عليها ورقة زبدة.

الخطوة الثالثة

الخطوة الرابعة:

اخبزيها فى الفرن لحوالى من 10 لـ 12 دقيقة ، بعد مرور الوقت اللازم وتكونى خرجتيها من الفرن سيبيها تبرد لحوالى دقيقة او اتنين على سطح بارد، او cooling rack لو عندك.

الخطوة الرابعة 1

النتيجة:

وبكده تكونى خلصتى وصفة الـ Chewy Gooey Chocolate Chip Cookies بطريقة سهلة وبسيطة! يلا جربيها وقوليلنا ايه رأيك :)

اعرفى معانا كمان طريقة عمل ايس كريم COOKIE CUPS .. 

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

طريقة عمل كوكيز العسل الاسود

طريقة عمل كوكيز العسل الاسود

وصفة جديدة.. خوخ مشوي مع صوص الكراميل والفانيليا

وصفة جديدة.. خوخ مشوي مع صوص الكراميل والفانيليا